HOOSEI 2:2 - Qullaawa Maxaafa

² Ooso'ya ballo, kunni ka'a ama'ne galte'ya ikka hooggurono, anino ayiddaannase ikka hoogummorono, «Eeggatena foorakkinna baashaawakki aguri» yitine seejjese.

HOOSEI 2:2 ပူးပေါင်းရင်းမြစ်များ

ISAYAASI 11:12

Hatte yannara, Mootichu Israeelenna Yihudu manna baala billaallinowiinni shoolente maddenni gamba assinota egensiisate malaate uurrisanno.

ISAYAASI 50:1

Kaaliiqi, «Galtesi fushshe hunanno manchi gede, ani ki'ne manna'ya fushshe hunoommoha lawi'ne? Hatto ikkiro fushshe ha'risa'ya kultanno taje hiikko nooyya? Mannu oososi borojjimmate hirannohu gede, anino ki'ne qafadote hire aguroommoha lawi'ne? Ki'ne qafadantinoonnihu cubbi'nenniiti; darantinoonnihuno assitinoonni saonniiti.

ISAYAASI 58:1

Kaaliiqi, «Qoonqokki naggi assite coyi'ri! Qoonqokki xurumbunnite gede naggi assi! Manni'yara Israeelete assitino bunshenna cubbonsa kuli.

ERMIYAASI 19:3

‹Yihudu mootollanna Yerusaalamete manni! Kaaliiqi yaannore macciishshe; Israeelete Magani Olantote Mootichi Kaaliiqi: Macciishshihu baalu macca cu'mi'ranno bao kawiira abbeemmo.

ERMIYAASI 2:2

«Yerusaalame marte mannaho, «Kaaliiqi yaannore macciishshe: Ati seemo nootta waro, mageeshshi geeshsha ammanamoottaro qaageemmo. Idayichimma nootta warono, mageeshshi geeshsha baxattaero seekke afoommo. Halallitte gobbara mitturi nafa mu'rannokkiwa, ane hoode ha'rootta.

ERMIYAASI 3:1

Kaaliiqi, «Mittu manchi galtesi ha'riseenna, iseno hadhe woleho assidhuhu gedensaanni galagale galtesi assi'rara dandaannoni? Hatto assiro baatto batteessanno. Ati Israeele kayinni lowo ella ledo foorootta; xa kayinni galagalte ane Kaaliiqiwa higa hasi'rattani?

ERMIYAASI 3:13

Ki'ne sao'ne calla ammanne; ane Magani'ne Kaaliiqira haxawarra'nera, wole manni gobba maganna kaphunnite ledo, jajjabba haqqe hunda foora'neranna, hajajo'ya agadha hooga'nera aagintaabbe. Konne coye coyi'roommohu ani Kaaliiqaati.

ERMIYAASI 3:18

Hakka waro Yihudunna Israeelete manni mitteenni aliyye widoonni noo gobbara qafadaminowiinni daanno; akaakkansara hegerera iqqa asse oommonsa gobba galagale higanno» yeemmo gede kulino.

HIZIQEELI 16:20

« ‹Hakkiinnino sa'e, anera iloottare oosonna seenne massite kaphu magannara kakkalootta. Anera ammanama hoogakki ajjeennahe,

HIZIQEELI 16:25

Kunni garinni jajjabba doogga gama kaphu maganna magansi'nanni darguwa qixxeessidhe atenee shollishootta; dayi baalira manninatekki sayisse ootta; barru barrunkunni foorrekki batisootta.

HIZIQEELI 20:4

«Koo manchi beetto, kunni mannira yoo yaattora qixxaawoottoni? Hatto ikkiro, annuwansa assitinoha tiyyi'nanni coye baala qaagiissinsa.

HIZIQEELI 23:43

Anino wodani'yanni, ‹Kuni labballi foorretenni akkalino meenti ledo foorino› yee hedoommo.

HIZIQEELI 23:45

Fooranna manna shaa rosinohura, keeraano fooransaranna manna shaansa daafira yoo yitannonsa» yii.

HOOSEI 1:2

Kaaliiqi Hoosei widoonni qole mannisira qaalesi kula hanafi woyite Hooseira, «Manni'ya ane Kaaliiqiwiinni baxxe ceeggifachiishannoha foorrete looso loosanni no. Atino hadhe ammanantinokki mancho adhi; iseno ise gedeeta foora ooso iltohena» yiisi.

HOOSEI 2:1

Kunni daafira labballo roduuwa'ne Israeeloota, Aami yiiyye. Meya roduuwa'ne, Ruhaama yitine woshshensa.

HOOSEI 2:5

Amansa foora ikkitino daafira, insa shollaataamu garinni godobbino. Konne coye assitinohuno, «Ella'yawa ha'reemma; insano sagalenna waa, ge'reewu ordanninna shaalado shalonni gannoonni imaana, ejersu zayitenna woyinete xajje uyitannoereeti» yitino daafiraati.

HOOSEI 4:5

Hashshanna barra babbaattitinanni; himanaanono ki'ne gede babbaattitannore ikkitino. Kunni daafira ama'ne Israeele huneemmo.

MIKIYAASI 2:13

Maganu mannasi qafadotenni fushshara hala'lado doogo fanannonsa. Qafadante noo katami cufanano hiiqqite keerunni fultanno. Kaaliiqi umisi mootensa ikke albansaanni ha'ranni massagannonsa.

LAYINKI QORONTOOSI 5:16

Kunni ka'a ayeno mannu hedanno garinni dihendeemmo. Kiristoosano hakko garinni hendoommoha ikkiro, kunni ka'a hakko garinni dihendeemmo.