HOOSEI 2:15 - Qullaawa Maxaafa

¹⁵ Albiha woyinete kaashsho qoleemmose. Qarru Lagichino Hexxote Waalcho ikkannose gede asseemmo. Hakkiichono Gibitsete gobbanni fultu waro seennimmate yannara baxxue garinni qolte baxxannoe.

HOOSEI 2:15 ပူးပေါင်းရင်းမြစ်များ

UMI MOOTOOLLA 16:31

Akiaabi Iyorbiaami loosino cubbo mite yee nafa dikiirino. Hakkiinni sae Sidoona mooteta Etibeaali beetto Elzaabeeli adhe, Ba"aali magansi'rino.

FAARSO 106:12

Hakkunni gedensaanni mannisi hexxote qaale ammani; galatu faarsono faarsi.

FAARSO 129:1

Anje'yanni kayisse, diinnakki lowo geeshsha okkitinonke. Kunnira, Israeelete manni baalu,

ISAYAASI 65:10

Saarooni Xawi ge'reewu hosannowa ikkanno; Akoori Lagichirano lalu hosanno.

ISAYAASI 65:21

Manni'ya, mine mi'ne hee'ranno; woyineno kaasi're laalose itanno.

ERMIYAASI 2:1

Kaaliiqi,

ERMIYAASI 2:2

«Yerusaalame marte mannaho, «Kaaliiqi yaannore macciishshe: Ati seemo nootta waro, mageeshshi geeshsha ammanamoottaro qaageemmo. Idayichimma nootta warono, mageeshshi geeshsha baxattaero seekke afoommo. Halallitte gobbara mitturi nafa mu'rannokkiwa, ane hoode ha'rootta.

ERMIYAASI 29:11

Ki'nera hedeemmore ani egennoommo; hedo'yano hexxonna albillittete ikkitanno'ne gede, keerunnite ikkinnina bunshennita di"ikkitino.

ERMIYAASI 3:4

«Xa kayinni, ‹Anna'ya, anje'yanni kayisse elo'ya,

ERMIYAASI 32:15

Ani Israeelete Magani Olantote Mootichi Kaaliiqi, mannu tenne baattora mine, loosi'nanni baattonna woyine kaasi'nanni baatto hidhanno barri daanno yiino» yoommo.

ERMIYAASI QURTO 3:21

Mitto coye hedeemmo daafira, hexxo'ya galagalte dagganno:

HIZIQEELI 16:22

Tiyyi'nanni foorre assatta woyite, mullicho mundeetenni dana ba'e fittifatittata anjekki yannare nafa diqaagootta› yite kuli» yii.

HIZIQEELI 16:60

Ikkollana, anjekki yannara ate ledo eoommo gondooro qaageemmo; hegere gondooro ate ledo e"eemmo.

HIZIQEELI 16:8

« ‹Galagale mulekkiinni saummo woyite, mine assi'rate iilloottata afoommo. Mulqame nooha bisokki seemma'yanni diwe baxeemmoheta egensiisate xaaroommo. Adhammohera gondooro e"e umi'yata assi'roommohe. Konne coye coyi'roommohu ani Mootichu Kaaliiqaati.

HIZIQEELI 28:25

Mootichu Kaaliiqi, «Israeelete manna billaallisoommo gobba baalatenni qole abbeemmonsa. Dagano ani Qullaawa ikkoommota affanno; Israeelete manni soqqamaanchi'ya Yaiqoobira oommotera uminsa baattora hee'ranno.

HIZIQEELI 28:26

Hakkiicho keere heedhanno; minnano mi'nitanno; woyineno kaasidhanno. Ajishshe la'annonsare ollaansa qorichisheemmo. Israeele kayinni yaaddo nookkiha hawaqidhe heedhanno. Hatte yannara, ani Kaaliiqi Maganonsa ikkoommota affanno» yii.

HOOSEI 11:1

Kaaliiqi, «Israeele qaaqqimma noo yannara baxoommose. Baxeemmoha beetto'ya, Gibitsetenni fulanno gede woshshoommosi.

HOOSEI 12:13

Kaaliiqi soyino himanaanchi widoonni qole Israeelete manna Gibitsetenni massage fushshino. Hakkunni himanaanchi widoonni qoleno towatinonsa.

HOOSEI 12:9

Gibitsete gobbanni massage fushshummo'nehu kayinni ani Magani'ne Kaaliiqaati. Daasu Ayyaana ayirrinsanni yannara dukkanaho heedhininte gede, galagaltine higgine dukkanaho heedhinanni gede asseemmo'ne.

HOOSEI 13:4

Kaaliiqi, «Gibitsete gobbanni fushshummo'nehu ani Kaaliiqi Magano'neeti; ane agurranna wolu Magani dino'ne. Gatisaanchi'neno ane callaati.

HOOSEI 2:12

Ellasera bisose uyite afidhinota woyinete laalosenna balasete haqqese buqqise huneemmo. Woyinenna balasete haqqe fultannowa hoxxete soorre, moyichu galannota asseemmo.

AMOOTSI 9:14

Manna'ya Israeele galagalche gobbansa qoleemmo; diigantino katamma galagalchite mi'nite giddonsa heedhanno. Woyineno kaasidhe woyinete xajje agganno; addi addi haqqe kaasidhe laalonsa ittanno.

ZAKKAARIYAASI 9:12

Qafadantine heedhinoonniri hexxote annuwa! Kaajjado qiisho ikkiteenna keerunni heedhinanni gobba higge; xaa geeshsha iillino'ne qarri daafira erote ero maasso eemmo'ne.

KIIRO 21:17

Hakkunni gedensaanni Israeelete manni aante noo faarso, «Ati bue burqi! Ninkeno faarsotenni haa'neemmohe.

YOHAANNISI 10:9

Waalchu aneeti; ane widoonni hige eannohu gatanno; ane widoonni hige eanno; ane widoonni hige fulanno; hosanno qanchono afi'ranno.

SOQQAMAASINETE LOOSO 14:27

Martinowa ammanaano gamba assite, Maganu insa widoonni qole loosino loosonna dagate ammanate doogo asse faninonsa gara kultu.

EJJEETTO 8:34

Gaangaawinsara noo diinna baalatewiinni gatisinonsaha Kaaliiqa Maganonsa diqaaggino.