HOOSEI 2:13 - Qullaawa Maxaafa

¹³ Ba"aalira hixaana giirtara yite, irrase wodhite ellase hoode hadhara ane agurtino daafira qorichisheemmose. Kaaliiqi konne coye coyi'rino.

HOOSEI 2:13 ပူးပေါင်းရင်းမြစ်များ

LAYINKI MOOTOOLLA 1:2

Hatte yannara Akaaziyaasi Samaariyaho mootete minira iimaanni noo darginni uwe lowo geeshsha madi'ri. Kunnira dhiwame hee're, «Kunni dhibbinni gateemmoronna hoogeemmoro Filisxeemete katama Eqirooni martine maganonsa Bielizebuuli xa'mitine amme"e» yee manna soqqi.

LAYINKI MOOTOOLLA 10:28

Iyu Israeelete gobbara Ba"aali magansi'nannikki gede assinohu kunni garinniiti.

LAYINKI MOOTOOLLA 21:3

Annisi Hiziqiyaasi diige huninota daga magansidhanno gaarra aana galagalche kakkalote darguwa seekkino. Israeelete moote Akiaabi gede Ba"aali maganirano kakkallanni darguwa seekke, Asheera mokkollichono uurrisino; gordu beeddahe baala magansi'rino.

IYYOOBI 8:13

Magano hawino mannino hattooho; maganiweelu manni hexxono ba'annote.

FAARSO 106:13

Kayinnilla, assinonsa dhagge baala hakkawoyintenni habbino; isi seejjo diagadhitino.

FAARSO 106:21

Gibitsete heedheenna, maalaletenni gatisinonsa Magano habbu.

FAARSO 78:11

Loosino loosonna leellishinonsa dhaggeno habbino.

FULO 32:34

Xa ha'ri; konne mannano kuloommohe widira qolte haadhe massi! Kuneeti sokkaasinchi'ya albakkiinni ha'ranno; konne manna cubbinsa daafira qorichisheemmo barri kayinni daanno» yiisi.

ISAYAASI 17:10

Israeele! Gatisino'neha golo'ne Magano habbine, wole gobba maganna ayirrisate biifado haqqe kaasidhinoonni.

ISAYAASI 65:7

Ilaallate aana hixaana giirtinonna, su'ma'ya shollishshino daafira, ani Kaaliiqi insa uminsanna akaakkansa cubbi daafira qorichisheemmo» yii.

ERMIYAASI 11:13

Yihudu manna! Katamma'ne deerrinni lowo maganna noo'ne; makki'nannihura Ba"aali maganira kakkalo shiqishshinanni dargi Yerusaalamete doogga gede batinyeho.

ERMIYAASI 18:15

Manni'ya kayinni ane hawinoe; kaphu magannara hixaana giirino; magannansano sarraaqqinonsa. Dancha albi doogo agurte, seekkinokki doogo higge hadhe gufidhino.

ERMIYAASI 2:32

Seemo beetto irrase, idayicho idayichimmate imaanase habbannoni? Manni'ya kayinni ane batinye hige hawinoe.

ERMIYAASI 23:2

Ani manna'ya towattinanni gede hedoommo. Ki'ne kayinni billaallissinannire ikkitinoonni. Kunnira, ani Israeelete Magani Kaaliiqi ki'ne aana noommo; assitinoonni bunshe baalate qorichisheemmo'ne.

ERMIYAASI 7:34

Baatto mulla ikkitanno Yerusaalamete dooggaranna Yihudu Katamma baalate hagiirrenna qeexaala, adhatenna adhamate ililleette dimacciishshinanni» yii.

ERMIYAASI 7:9

Ki'ne moortinanni, beebbaataamo manna shitinanni. Foortinanni; beebbatenni xaartinanni; Ba"aalira kakkaltinanni; albaanni egentinoonnikkita kaphu maganna magansidhinanni.

ERMIYAASI QURTO 1:4

Ayyaana ayirrisate Qullaawu Minira daannohu nookki daafira, Tsiyooni doogga ca'lamaddi yitino. Katamu waalchuwa onate; qeesootise wi'litino. Seennise yaadanno; Tsiyoonino dadillu giddo no.

ERMIYAASI QURTO 5:14

Geerru katamu waalchira songa agurtino; wedelluno faarsonsa uurrissino.

HIZIQEELI 16:12

Sanokkira cuue, maccakkira buticha, hattono umikkira wodhattata biifado ba'latto oommohe.

HIZIQEELI 16:17

Ani oommoheha birrunninna culkunni seekkinoonni irra massite labballo kaphu maganna seekkite magansi'rootta.

HIZIQEELI 22:12

Mannikki giddonni mitu mitu manna shaate woxe adhitanno; mitu mitu uminsa mannira Israeelete nafa qallote liqiissitanno. Insa hanaaqqe doogimale duroo'mitanno; ane horonta habbino. Konne coye coyi'reemmohu ani Mootichu Kaaliiqaati.

HIZIQEELI 23:35

Xaano Mootichu Kaaliiqi, «Hawoottaehuranna alba bushshe badhe wodhoottaehura, yortokkinna foorrekki daafira qarra adhatta» yiise.

HOOSEI 11:2

Kayinnilla manna'ya Israeele, anewa gamba yaanno gede woshshummo deerrinni, roorenka anewiinni fafino. Ba"aalira kakkalo shiqishatenninna, misillasirano hixaana giira diagurtino.

HOOSEI 13:1

Efireemi ga're Israeelete mannira aliidita ikkite noo waro, coyidhanna macciishshituri baalu huxidhanno. Gedensaanni kayinni Ba"aalira kumbuulatenni cubbo loossino daafira gooffino.

HOOSEI 13:6

Kayinnilla hattenne dancha gobba iillitini yannara, ittine duubbine lowo geeshsha boo'nitinoonni; aneno habbinoonni.

HOOSEI 2:5

Amansa foora ikkitino daafira, insa shollaataamu garinni godobbino. Konne coye assitinohuno, «Ella'yawa ha'reemma; insano sagalenna waa, ge'reewu ordanninna shaalado shalonni gannoonni imaana, ejersu zayitenna woyinete xajje uyitannoereeti» yitino daafiraati.

HOOSEI 2:7

Ellase hoode doddanno; kayinnilla di"iillitanno. Jawaatte hasidhannonsa; kayinnilla diafidhanno. Hakkunni gedensaanni, «Xaa heeshshonni albiti woyyitannoe. Kunni daafira albi ayiddaanni'yawa higeemma» yitanno.

HOOSEI 4:13

Ilaallate aana kakka'litanno; tulluwate aana hixaana giirtanno. Jajjabbanna caaffaame haqqe danchu caali noote hundano, kunni gari kakkalo shiqishshanno. Kunninni kainohunni seenninsa baashaawanno; oosonsa seennino fooranno.

HOOSEI 4:6

Manni'ya egenno hooge baino; ki'neno ane habbinoonnie daafira, anino qeesoota ikkitine soqqantinaera dihasi'reemmo'ne. Hajajo'ya shotissinoonninna habbinoonni daafira anino ooso'ne haweemmo.

HOOSEI 8:14

«Israeelete manni uminsara jajjabba mootete minna mi'nino. Ane Kalaqaanchonsa kayinni hawino. Yihudu mannino haammata qiishote katamma mi'nino. Ikkollana katammansanna qiishonsa ittanno giira soyemmo» yii.

HOOSEI 9:7

Kuneeti qorichu barri dayino; mittu mittunku loosisi guma itannohu yoote barri iillino. Israeelete manni konne baalanka coye afo! Cubbi'nenna diinoomi'ne batinyinni himanaancho balala, ajuuja afi'nohano macharaaraamu gede assitine kiirtinanni.

AMOOTSI 8:10

Diru ayyaani hagiirri'ne dadilleho, faarso'neno wi'late soorreemmo. Afidhino beetto shiidhe wi'litannori gede, umo meexxitine xiddu uddano uddidhinanni gede asseemmo; hakko barri goofimarchi qaraaro ikkanno» yoommo.

MARRO 32:18

Kalaqaanchinsa Maganuwiinni wirri yitino. Ilinonsaha jawaata golonsa habbino.

MARRO 6:12

borojjimmatenni Gibitsete gobbanni fushshino'neha Kaaliiqa habbinannikki gede qorophe.

EJJEETTO 10:6

Israeelootu xaano Kaaliiqi albaanni bunshe assitu. Beaalinna Astaarooti hattono Sooriyunnita, Sidoonata, Moaabita, Amoonitanna Filisxeemete maganna magansidhu. Xaano Israeele Kaaliiqiwiinni baxxitu; isono magansi'ra agurtu.

EJJEETTO 3:7

Israeelootu Kaaliiqi albaanni bunshe assitu. Kaaliiqa Maganonsano habbe, Ba"aalitanna Astaarooti maganna magansidhu.

UMI SAAMUEELI 12:9

«Insa kayinni Maganonsa Kaaliiqa habbino daafira, Hatsoori Katamira olu hajajaancho ikkinohura Sisaarara, Filisxeemetenna Moaabi mootera sayise hirinonsa. Insano qasse qeeltinonsa.