HOOSEI 2:12 - Qullaawa Maxaafa

¹² Ellasera bisose uyite afidhinota woyinete laalosenna balasete haqqese buqqise huneemmo. Woyinenna balasete haqqe fultannowa hoxxete soorre, moyichu galannota asseemmo.

HOOSEI 2:12 ပူးပေါင်းရင်းမြစ်များ

FAARSO 80:12

Huxxase mayira diigge hunitto? Kune sa"aahu baalu laalose tattayisi'ranno.

ISAYAASI 29:17

Shiima yanna giddo Libaanoosi dubbi loosi'nanni darga ikkanno; loosi'nanni dargino dubbo ikkanno.

ISAYAASI 5:5

«Kunni ka'a woyinete darga asseemmota kulo'ne? Gaangaawisira noo huxxa buqqise hoole, qiishosino diigeemmo. Moyichu hosannowanna kakkadannowa asseemmo.

ISAYAASI 7:23

Hatte yannara 1,000 kinchu birra fushshanno yine hendoonnihu 1,000 woyinete kaashsho kaansanni dargi utanna qu'muudo calla fushshanno.

ERMIYAASI 13:26

Ani umi'ya imaanakki dare teedikki leellanno gede asseemmo.

ERMIYAASI 26:18

«Morisheeti Katamihu Mikiyaasi Yihudu moote Hiziqiyaasi yannara himanaanchoho. Isino Yihudu manni baalunkura, Olantote Mootichi Kaaliiqi, ‹Tsiyooni loosi'nanni gati gede ikke hawuuramanno; Yerusaalameno diingoonni duuno gede ikkitanno; Qullaawu Mini noo gaarino dubbo ikkanno› yee coyi'rino.

ERMIYAASI 5:17

Gide'nenna sagale'ne mucuqqi assite ittanno; ooso'nenna seenne'neno shitanno. Saada'ne, ge'reewo'nenna me"e'ne itte guddanno; woyinete laalo'nenna haqqu laalo'ne baala ittanno; olantonsano hexxitinannita, qiishidhinoonni katamma guddanno» yiinsa.

ERMIYAASI 8:13

Kaaliiqi, «Loosi'rinohu jajjasi gamba assi'rannonte gede, ani manna'ya gamba assi'rammora hasi'roommo. Insa kayinni laalo afidhinokki woyine, guma afidhinokkitenna daro qoortino haqqicho gedeere ikkitino. Kunni daafira oommonsa baatto, allaggu adhanno gede asseemmo» yii.

HOOSEI 13:8

Qallosi ba'eenna hasi'ranni noohu waajjishannohu dibi yinanni moyichi gede hedeweelcho daye bibbideemmo'ne. Hakko darga doobbiichu gede ikke egemmeemmo'ne; moyichu gede tattayiseemmo'ne.

HOOSEI 2:5

Amansa foora ikkitino daafira, insa shollaataamu garinni godobbino. Konne coye assitinohuno, «Ella'yawa ha'reemma; insano sagalenna waa, ge'reewu ordanninna shaalado shalonni gannoonni imaana, ejersu zayitenna woyinete xajje uyitannoereeti» yitino daafiraati.

HOOSEI 5:14

Kunninni kainohunni Israeele doobbiichu gede, Yihudano aju doobbiichi gede ikke hiiqqaqqe agureemmo. Hawulukki asse haa're ha'reemmonsa; ayino gatisansara didandaanno.

HOOSEI 9:1

Israeelete manna! Ayyaanna dagate garinni ayirrisa agurre. Kuneeti Magani'newiinni baxxitine ayiddaannase agurte foortanno mancho gede ikkitinoonni. Atoote uyitanno'neha laweenna, Maganoho uyinanni ayirrinye kaphu magannara uyitinanni, ayiddumme baalate foorrete looso loossinoonni.

MIKIYAASI 3:12

Kunnira, ki'nenni kainohunni Yerusaalamete Katami loosi'nanni darga ikke gatanno. Diigame duuno ikkanno. Qullaawu Mini minamino ilaalino dubbo ikkanno.