HOOSEI 14:5 - Qullaawa Maxaafa

⁵ Israeelete mannira xeenu gede ikkeemmonsa. Insano daraarchu gede biiffanno; Libaanoosi daguwi gede rumuxxitanno.

HOOSEI 14:5 ပူးပေါင်းရင်းမြစ်များ

LAYINKI SAAMUEELI 23:4

gomichu nookki arrishsho soodote gedeeho; baatto hayisso fushshitanno gede assitara, xeenu gedensaanni fultanno arrishsho gedeeho» yiie.

LAYINKI MOOTOOLLA 19:30

Yihudunni gattino taraare kayinni rumushshu baatto raqqeenna, lophe laalanno haqqi gedeere ikkitanno.

IYYOOBI 29:19

Hakka waro ani, rumushshisi wayi gama noohunna, wo'manka woyite sinnasi lojje heedhanno haqqichi gedeeho.

FAARSO 133:3

Hermooni Ilaalinni kae Tsiyooni gaarra widira hige coccoanno loji gedeeho; Kaaliiqi hakkunni dargira hegere heeshsho maasso aanno.

FAARSO 72:16

Baatto gide laashshito; ilaallate aana jajju wo'mo; Libaanoosi ilaalla gede qiniitunnita ikkito; hayisso baatto guggushshitannohu gede, katammateno mannu wo'mo.

FAARSO 72:6

Mooteno xawoho gananno xeeninna baattote uwanno shori gedeeha ikko.

FAARSO 80:9

Dargano maxarte seekkoottose; rumushshiseno baatto raqqe eino; iseno gobba wo'mitino.

FAARSO 92:12

Keeraano saattu gede lattanno; Libaanoosi daguwi gede ikkite lophitanno.

FAARSO 92:13

Tini haqqe Kaaliiqi nafara kaansoonnite; Qullaawa Minesi latte heedhanno.

LAWISHSHA 19:12

Mootete hanqi doobbiichu ittana gedeeho; mootete albaanni ayirrinye afi'ra kayinni hayissote aani loji gedeete.

FAARSO ROORE FAARSO 2:16

Baxillaanchi'ya aneho; anino isite; daraarote mereero hoshshasi allaa'lanno.

FAARSO ROORE FAARSO 4:5

Lamunku guntutikki, lakko qalame, dubbu daraaro giddo hosannoha bulaate wilii'le lawanno.

ISAYAASI 12:1

Hakka waro, «Kaaliiqa, kunni albaanni hanqoottoe; xaa kayinni hanqokki agurte, jawaachishoottoe daafira galaxxeemmohe.

ISAYAASI 18:4

Kaaliiqi, «Barra sammi yite xabbanno arrishsho gede, birrannihu hashshi loji gede asse noommowa gordoho hee're eela qole laeemmo» yaanno.

ISAYAASI 26:19

Mannikki reyinohu kae heeshshonniha ikkanno; reeshshinsano ka"anno. Ki'ne bushshu giddo heedhinanniri, ka'ine hagiirru faarso faarse! Soodo loju baatto qufisannohu gede, Kaaliiqino reyite keeshshitinore kayise, lubbotenni heedhanno gede assanno.

ISAYAASI 27:6

Dagganno yannara Yaiqoobi sirchi Israeele, woyinete haqqicho gede rumushsho assidhanno; daraarte laaltanno; laaloseno baatto wo'mitanno.

ISAYAASI 35:2

Molo baattora daraaro wo'miteenna, hagiirru faarso faarsitanno; Libaanoosi Ilaali gede biifaado ikkitanno; Qermeloosi Ilaalinna Saarooni Lagichi gede ayirrinye uddidhanno. Mannu baalunku, Kaaliiqi gacheenanna ayirrinye la"anno.

ISAYAASI 44:3

«Goodhino baattora waa eemmo; moola baattorano xashshu lolahanno gede asseemmo; oosokki aana Ayyaana'ya duneemmo; oosokki oosorano maasso lolaaseemmo.

ISAYAASI 45:8

Ki'ne gorduwa, keeraanchimma xeenu gede iiminni dirrisse! Gomichuno kikkiifona. Baattono fa'nanto; gatonna keeraanchimma lophito. Konne baala asseemmohu ani Kaaliiqaati» yii.

ISAYAASI 57:18

«Ani loosonsa baala afoommo; ikkirono hurseemmonsa; massageemmonsa; galattannoe gede dadillitannori wodanano diggi asseemmo. Mulenna xeertote noorira keere eemmo; manna'yano hurseemmo.

ERMIYAASI 3:22

Ki'ne ammanama noo'nekkiri baalu anewa higge! Ani hakkiinni gatise ammanantinoonnire asseemmo'ne» yii. Ki'neno, «Maahoyye, ati Kaaliiqi Maganonkeetina, atewa hingeemmo.

ERMIYAASI 32:41

Anino insara danchare assatenni hagiidheemmo. Qoleno insa halaalinta tenne baattora teesse heedhanno gede asseemmonsa.

HOOSEI 6:3

Amme, Kaaliiqa afate lowo geeshsha diinaggaambona. Isino soodimari xawaabbinna baatto duushshannohu badheessi xeeni gede addinta ninkewa daanno» yaanno.

MIKIYAASI 5:7

Qarrunni gattinori Israeelete manni lowo daga mereero Kaaliiqi Maganu soyenna baatto duushshanno shori xeenunnihu gede ikkitanno. Hexxotenni agadhitannohu manna ikkikkinni Magano calla ikkanno.

MIKIYAASI 7:18

Cubbo agurannohu, gattinorira saonsa sayisi'rannohu, maaro aannohunna hegere baxille leellishate yee koma amadannokkihu ate gedee Magani nooni?

MAATEWOOSI 6:28

«Uddanoteno mayira yaaddinanni? Dubbu daraaro ikkite lophitanno gara la'e. Insa loossanni didaafurtanno; disuqqitanno.

LUQAASI 12:27

Xawu daraaro hiitto ikkite lophitannoro la'e! Insa diloosidhanno; disuqqidhanno. Kuleemmo'nena, Selemooni nafa hakkuyi baalu ayirrinyisinni, tenne daraaro giddonni mittichu geeshsha biifado uddano diuddi'rino.

EFESOONI SOKKA 3:17

Qoleno Kiristoosa amma'na'nenni wodani'ne giddo galanno gedenna, ki'neno baxillunni rumuxxitine kaajjitine heedhinanni gede Magano huucci'reemmo.

MARRO 32:2

Rosi'ya xeenu gede ikke dirro; qaali'yano loju gede ikke dirro. Mudhino hayisso aana shoru gede ikke, kaashshu aanano ga'labbichu xeeni gede ikke dirro.