HOOSEI 14:4 - Qullaawa Maxaafa

⁴ Kaaliiqi, «Manni'yata ammana hoogansa hurse, anewa qoleemmonsa. Wo'mu wodaninni baxeemmonsa; hanqo'yano insawiinni fafiseemmo.

HOOSEI 14:4 ပူးပေါင်းရင်းမြစ်များ

FAARSO 10:14

Ati Maganu kayinni qarranna shetto la"atto; wo'manka woyite towatate qixxaawaho; hawaaxamu irkisattosira atewa shiqanno; annanna ama hoogginoreno ati kaa'latto.

FAARSO 20:8

Insa sarraaqante ubbanno; ninke kayinni ka'ne, jawaante uurrineemmo.

FAARSO 78:38

Isi kayinni maarannoho; cubbonsa agurinonsata ikkinnina dihuninonsa; batinye hige hanqosi hoolino; duucha hige aarasi ittisino.

FULO 15:26

Isino, «Ki'ne qaale'ya seekkitine ayirrissiniro, ane albaanni dancha coye assitiniro, hajajo'ya agadhitiniro, woga'ya baala wonshitiniro, Gibitsootaho abboommo dhibbinni diganeemmo'ne. Ani Kaaliiqi hursaancho'neeti» yiinsa.

ISAYAASI 12:1

Hakka waro, «Kaaliiqa, kunni albaanni hanqoottoe; xaa kayinni hanqokki agurte, jawaachishoottoe daafira galaxxeemmohe.

ISAYAASI 55:1

Kaaliiqi, «Ki'ne goodhinoonniri baalu wayinniwa amme! Woxu noo'nekkiri daggine calla hidhitine itte! Daggine mittoreno uyitinikkinni, woxiweello adonna woyinete xajje hidhe.

ISAYAASI 57:18

«Ani loosonsa baala afoommo; ikkirono hurseemmonsa; massageemmonsa; galattannoe gede dadillitannori wodanano diggi asseemmo. Mulenna xeertote noorira keere eemmo; manna'yano hurseemmo.

ERMIYAASI 14:7

Bati'ru cubbinke hasanni noonkeha nafa ikkiro, su'mikkira yite gatisinke; lowo yanna atewiinni fanfe keeshshinoommo; ate aanano sao assinoommo.

ERMIYAASI 17:14

Kaaliiqa! Hureemmona, hursie; galaxxeemmohu ate ikkootto daafira, keere hee'reemmo gede, gatisie.

ERMIYAASI 3:22

Ki'ne ammanama noo'nekkiri baalu anewa higge! Ani hakkiinni gatise ammanantinoonnire asseemmo'ne» yii. Ki'neno, «Maahoyye, ati Kaaliiqi Maganonkeetina, atewa hingeemmo.

ERMIYAASI 31:20

«Israeele! Ki'ne anera ayirrado oosooti; roorse baxeemmo'nere di"ikkitinoonni? Hanqe coyi'rummo'nero nafa, ki'ne daafira wodani'ya digoxino; godowi'yano ki'nera dikaajjino. Ani Kaaliiqi ki'ne marareemmo'ne. Konne coye coyi'roommohu ani Kaaliiqaati.

ERMIYAASI 33:6

Ikkollana konne katamanna giddo noo manna hurseemmo; ani manni'yara fayyimma qoleemmo; lowo keerenna harshammo eemmonsa.

ERMIYAASI 5:6

Mannu lowo geeshsha haxawarre Kaaliiqa agurino; kunnira diinu dubbu doobbiyi gedenna, halalli hiyyeeyye gede asse diddishannonsa; katammansara noore dagunchu daddarannonsa.

ERMIYAASI 8:22

Geleaadi gobbara buudhinanni xagichi dinoni? Hakkiicho xagissannore dianfanni? Manni'ya mayira hura hoogi?

HIZIQEELI 33:14

Mittu bunshe assinohu reyara rahinota kule qorophisiiseenna, cubbo loosa agure danchanna taalo coye assiro,

HIZIQEELI 36:36

Hatte yannara, baotenni gattinori qooxeessi'nera noo daga baala, diigantino katamma galagalche minoommohunna ba'inota moola baatto shaqqishoommohu ani Kaaliiqa ikkoommota affanno. Ani Kaaliiqi konne baala asseemmo gede hexxo oommo; yoommoreno wonsheemmo» yii.

HOOSEI 11:7

Manni'ya anewiinni fafate murici'rino daafira, kadamate qambara hogombeenna iima hige raaranno. Ikkeennano hakkonne qambara haxonsa aaninni kayise hoolansara ayino didandaanno.

HOOSEI 2:19

Israeele, ani ayiddaama'ya assi'reemmohe; halaalaanchonna ammanamoommoha ikkeemmohe. Bagamannokki baxillinni baxeemmohe; hegerera galte'ya assi'reemmohe.

HOOSEI 6:1

Israeelete manni, «Amme, Kaaliiqiwa hingona! Isi hiiqqinonkente gede, isinni sissannonke. Isi madiissinkente gede, isinni madankera gaga ganannonke.

SOFFOONIYAASI 3:17

Maganikki Kaaliiqi ate ledo no; Wolqasinni qeelle haraqi'risiisannohe. Isino atenni hagiidhanno; baxillisinni heeshshokki haaroonse fooliishshiishannohe. Mannu ayyaanu barra hagiidhannonte gede, isino atenni hagiidhanno» yitannohe.

KIIRO 25:11

«Qeesichu Aliaazaari beetti Finihaasi ayirrinyi'yara ane gede xissiisi'rino daafira hanqi'ya qiidino; anino digudoommonsa.

KIIRO 25:4

Kaaliiqi Musera, «Israeelete aana buwinohu hanqi'ya qiidanno gede roorrootansa barru taalootira mannu baalu afannowa Qullaawu Dukkanira albaanni shii» yiisi.

ROOMU SOKKA 3:24

Kunnira, mannu Kiristoosi Yesuusi loosino gatonni mulla Maganu elto callatenni keeraa'manno.

EFESOONI SOKKA 1:6

Baxannoha Beettosi calla uyinonketera ayirrado eltosi daafira Magano galanto!

LAYINKI XIMOOTEWOOSI 1:9

Ninke loosinni ikkikkinni isi hedosinninna eltosinni gitisinonke. Qullaawa heeshshora woshshinonke; tenne elto lowo dirira albaanni Kiristoosi Yesuusi widoonni qole uyinonke.

TIITO 3:4

Gatisaanchinke Maganu shooshanqenna manna baxasi leeltu yannara kayinni,