HOOSEI 14:2 - Qullaawa Maxaafa

² Maganunniwa higgine, «Cubbonke baalanka agurinonke; dancha heeshshonkenni hagiidhi. E'noommo gondoori garinni suumenke laalcho galatanke shiqishi'neemmohe.

HOOSEI 14:2 ပူးပေါင်းရင်းမြစ်များ

LAYINKI SAAMUEELI 12:13

Daawitino Naataanira daware, «Kaaliiqi aana sao assoommo» yii. Naataanino Daawitira qole, «Kaaliiqi cubbokki agurannohena direyatto.

LAYINKI SAAMUEELI 24:10

Daawiti kayinni mannu kiiro afihu gedensaanni wodanunni yaade Magano, «Ani konne coye assa'yanni lowo cubbo loosoommo. Magano'ya ballo, ani borojjichikki assoommoha konne gowwimmate coye agurattoe gede huucci'reemmohe» yii.

IYYOOBI 7:21

Sao'ya mayira agura giwittoe? Cubbo'yano haadhe mayira dihoolattoe? Rahe baattote giddora e"eemmo; hasseno diafattoe» yii.

FAARSO 119:108

Kaaliiqa'ya ballo, baxe uyi'reemmota galatu kakkalo adhie; yookkino rosiisie.

FAARSO 50:14

Maganoho galatu kakkalo kakkalle; Wo'munkura Aliidihura xano'ne uyidhe.

FAARSO 51:16

Kakkalo hasi'rattoha ikkoommero eemmohe; ati kayinni dihasi'ratto; shilqote kakkalo tashshi diassitannohe.

FAARSO 51:17

Magano ati baxatto kakkalo heeshshi yiino wodanaati; heeshshi yiinohanna atewa higino wodana dimishatto.

ISAYAASI 44:22

Cubbokki gomichu gede malalli asseemmo; saokkino soodo guunjo gede asse hooleemmo; gatisoommohehu aneetina, anewa higi» yaanno.

ISAYAASI 6:7

Suume'yano kiffalchunni kise, «Kune kiffalchu suumekki kisino daafira, saokki aanikkinni ho'litino; cubbokkino agurroonnihe» yiie.

ERMIYAASI 3:12

Xa aliyye widira ha're Israeelete mannira, «Ammanantinannikki Israeele, ane Kaaliiqiwa higge! Ani maaro batidhinoha ikkoommo daafira dihanqeemmo; ki'nera hegere geeshsha hanqoommo gedeenni dihee'reemmo.

HOOSEI 12:7

Kaaliiqi, «Israeelete manni Kana"aanootu gede hexxinannikkiha ikkino; kaphu keenaasinchinni manna doganno.

HOOSEI 5:5

Israeelete mannira uminsa adawarshi naqqasannonsa. Cubbinsano guficho ikke tugannonsa; Yihudu mannino insa ledo gufi're uwanno.

HOOSEI 6:6

Ani kakkalotenni roorse baxille hasi'reemmo; shilqinshanni kakkalonni roorse mannu Magano afannota doodheemmo.

IYUEELI 2:17

Kaaliiqi soqqamaano qeesootu, kakkalote dargira albaanni uurrite wi'litanni, «Kaaliiqanke ballo, mannakki marari; daga mishshanninna qacifattanni, ‹Maganinsa hiikko nooyya?› yitanni, arrassitannonsa gede assitooti» yitona.

YOONAASI 2:9

Ani kayinni galatu faarsonni, atera kakkalo shiqishi'reemmohe; xa'noommo xanono uyi'reemmohe. Gato ate Kaaliiqiwiinniiti» yee huucci'ri.

ZAKKAARIYAASI 3:4

Sokkaasinchuno soqqamaanosi, «Tenne xurtino uddano fushshesi!» yee hajajinsa. Falaqqi yee Iyyaasuwa hige, «Kuneeti saokki atewiinni hooloommo; faayya qeesimmate uddanono uddisiiseemmohe» yiisi.

MAATEWOOSI 7:11

Ki'ne bushuulle ikkitine heedhinenni ooso'nera danchare aa egentinina, gordoho noohu Anni'ne huuccidhannorira roorenka hiitto danchare aa hooganno?

LUQAASI 11:13

Ki'ne bushuulle ikkitine heedhinenni ooso'nera dancha coye aa egentinoonniha ikkiro, gordoho noohu Anni'ne huuccidhannosirira hakkiinni roorse Qullaawa Ayyaana hiitto aa hooganno?» yiinsa.

LUQAASI 18:13

«Qaraxaasinchu kayinni fafe uurre, iima gordo hige la"ara nafa diuggino. Ikkollana angasinni gagaso ga'nanni, ‹Magano'ya, ani cubbaataamohona cubbo'ya aguri!› yee huucci'ri.

YOHAANNISI 1:29

Layinki soodo Yohaannisi Yesuusi isiwa hige daanna afe, «Kune alamete cubbo haa're hoolannohu Maganu Wilii'lichi isooti» yii.

ROOMU SOKKA 11:27

Cubbonsa huneemmo yannara, insa ledo e"eemmo gondoori konneeti» yine borreessinoonni.

LAYINKI XIMOOTEWOOSI 1:9

Ninke loosinni ikkikkinni isi hedosinninna eltosinni gitisinonke. Qullaawa heeshshora woshshinonke; tenne elto lowo dirira albaanni Kiristoosi Yesuusi widoonni qole uyinonke.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

IBIRAAWOOTA 10:4

Boottatenna meu mundee cubbo huna didandiitanno.

IBIRAAWOOTA 13:15

Kunnira, Yesuusi Kiristoosi widoonni qolle wo'ma woyite galatu kakkalo Maganoho shiqinsho. Tini kakkalo suumenkenni, «Isi Mootichankeeti» yine uyineemmote.

UMI PHEEXIROOSI 2:5

Mootichu Yesuusiwa shiqqinannihuno, heeshshote kinna gede ayyaanaamo mine ikkitine minamateeti. Kunni garinni Yesuusi Kiristoosi widoonni tashshi assitannota ayyaanaame kakkalo Maganoho shiqishate qullaawa qeesoota ikke.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.

UMI YOHAANNISI 1:7

Isi xawaabbaho hee'rannonte gede ninkeno xawaabbaho hee'nummoro, mimmitinke ledo mittimma heedhannonke. Qoleno Beettisi Yesuusi mundee cubbu baalunni keereensitannonke.

UMI YOHAANNISI 3:5

Isi cubbo hunara dayinota egentinoonni; isira cubbu dinosi.