HOOSEI 14:1 - Qullaawa Maxaafa

¹ Israeelete manna! Magani'ne Kaaliiqiwa higge; sarraaqe tugino'nehu umi'ne cubbo ikkinota affe.

HOOSEI 14:1 ပူးပေါင်းရင်းမြစ်များ

LAYINKI MOOTOOLLA 8:12

Azaheeli, «Mooticha'ya, mayira wi'latto?» yee xa'misi. Elsaino daware, «Wi'leemmohu Israeelete manna gawajjatto gara afeeti; qiishonsara giira qasatto. Wedellansa bisetenni shaatto; qaaqquullensa baattote aana tugge cancanatto; godowinni noo meentirano godowa daratto» yiisi.

ISAYAASI 19:22

Kaaliiqi Gibitsoota qorichishanno; insano isiwa higganno. Huuccattonsa macciishshe galagalche hursannonsa.

ERMIYAASI 2:19

Umi'ne bunshe qorichishshanno'ne; anera badhe wodha'ne qoricha abbitanno'ne. Ane Magano'ne Kaaliiqa agura'nenna, anera uyitinanni ayirrinye ho'la'ne, mageeshshi geeshsha qaraaronna bunshe ikkitinoro affinanni. Konne coye coyi'roommohu ani Olantote Mootichi Kaaliiqaati» yii.

ERMIYAASI 4:1

Kaaliiqi, «Ki'ne Israeelete manni higginanniro anewa higge. Ani giweemmore kaphu maganna huntine anera ammanantiniro,

ERMIYAASI QURTO 5:16

Ayirrinyinke aaninkenni ho'lino; cubbo loonsoommona, ninkera bayisibao!

HIZIQEELI 16:46

«Yerusaalame, rodookki seennise ledo, aliyyeenni noo Samaariyaati. Maa'ne rodookkino seennise ledo wodiidoonni noo Soddoomaati.

HIZIQEELI 33:11

Ani Mootichu Kaaliiqi heeshshote Magano ikka'yanni xaareemmona, cubbaataamu manchi, cubbo loosa agure lubbotenni hee'ranno gede ikkinnina cubbisinni reyanno gede horonta hasi'reemmokkita kulinsa. Kunnira, ‹Israeele, busha looso'ne agurre; reyo mayira hasidhinanni?› yite kulinsa.

HIZIQEELI 33:14

Mittu bunshe assinohu reyara rahinota kule qorophisiiseenna, cubbo loosa agure danchanna taalo coye assiro,

HOOSEI 10:12

Anino, ‹Kunni ka'a galo baatto hawuurre; keeraanchimma umi'nera wixidhe; anera ammanantinoonnire ikka'nenni daanno atoote gamba assidhinannina. Kuneeti ane Kaaliiqi'newa higginanni yanna xaati! Anino daye atoote xeenimma dirriseemmo'ne› yoommo.

HOOSEI 12:6

Kunnira ki'ne Yaiqoobi sirchi Magani'ne kaa'lo hexxe; isiwano higge. Baxillenna halaalaancho yoo duudhine amadde. Agurtinikkinni Magano cincatenni agadhe.

HOOSEI 12:8

Insa, ‹Ninke dureeyye ikkinoommo; lowo jirono gamba assi'noommo. Duroo'mitinohu doogimaletenniiti yee sao aananke afannohu dino› yitanno.

HOOSEI 13:9

«Israeelete manna! Ane kaa'laanchi'ne aana diinoomunni ka'inoonni daafira, anino ki'ne shakki asse gudeemmo.

HOOSEI 4:8

Manni'ya cubbi ki'nera jiro ikkino'ne daafira, mannu cubbo lede loosara hasidhinanni.

HOOSEI 5:5

Israeelete mannira uminsa adawarshi naqqasannonsa. Cubbinsano guficho ikke tugannonsa; Yihudu mannino insa ledo gufi're uwanno.

HOOSEI 6:1

Israeelete manni, «Amme, Kaaliiqiwa hingona! Isi hiiqqinonkente gede, isinni sissannonke. Isi madiissinkente gede, isinni madankera gaga ganannonke.

HOOSEI 9:13

Israeele dancha baattora kaansoonni saatticho labbanna afoommo. Xa kayinni uminsa ooso gorrantanno dargira haadhe hadhino.

HOOSEI 9:7

Kuneeti qorichu barri dayino; mittu mittunku loosisi guma itannohu yoote barri iillino. Israeelete manni konne baalanka coye afo! Cubbi'nenna diinoomi'ne batinyinni himanaancho balala, ajuuja afi'nohano macharaaraamu gede assitine kiirtinanni.

AMOOTSI 1:13

Kaaliiqi, «Amooni manni marro marro hige loosino cubbi daafira, mararro nookki kaajjillinni qorichishummokkinni diagureemmo. Insa gashshootensa halashshi'rate yite Geleaadi hee'rannoha godowinni noo meento godowa dartino.