HOOSEI 13:14 - Qullaawa Maxaafa

¹⁴ Kunni ka'a tenne gosa jeennaate dirratannokki gede assate dihasi'reemmo. Reyotewiinnino diwodeemmonsa. Kunnira reyo, qoomamakki haadhe abbi! Jeennaate, baokki haadhe amo! Kunni ka'a konne manna horonta dimarareemmo.

HOOSEI 13:14 ပူးပေါင်းရင်းမြစ်များ

IYYOOBI 33:24

Sokkaasinchuno, iso marare Maganoho, ‹Jeennaate dirrannokki gede agarisi; anino wondannisire afoommona› yaanno.

IYYOOBI 41:22

Wolqa haxote noosi; iso illetenni afihu baalu mase quuranno.

FAARSO 16:10

kunnira, wodani'ya hagiidhanno; arrawi'yano hisatanno. Manninati'yano yaaddo nookkiha galanno.

FAARSO 30:3

Kaaliiqa, lubbo'ya jeennaatu gaminni haa'rootto; waamma e"eemmokki gedeno gatisoottoe.

FAARSO 49:15

Ane kayinni Maganu jeennaatu giddonni wode, reyotenni gatise isiwa haa'rannoe.

FAARSO 49:16

Mannu jiro afi'rironna, jiro jirote aana lexxitusiro hinaasu illenni la'ooti.

FAARSO 71:20

Lowo qarranna shetto leellishoottoe; ikkollana, galagalchite wolqa'ya haaroonsootto; balete giddonnino fushshattoe.

FAARSO 86:13

Bagamannokkihu baxillikki anera bati'ra ikkino daafira, lubbo'ya balete afiinni gatisootto.

ISAYAASI 25:8

Mootichu Kaaliiqi reyo co'o asse hunanno; mannu baalunku albinni hindiiddo feyanno; mannisi kalqe baalate adhino shollinye aaninsanni hoolanno. Konne coyi'rinohu Kaaliiqaati.

ISAYAASI 26:19

Mannikki reyinohu kae heeshshonniha ikkanno; reeshshinsano ka"anno. Ki'ne bushshu giddo heedhinanniri, ka'ine hagiirru faarso faarse! Soodo loju baatto qufisannohu gede, Kaaliiqino reyite keeshshitinore kayise, lubbotenni heedhanno gede assanno.

ERMIYAASI 15:6

Ki'ne ane Kaaliiqa gibbinoonnie; anera badhe wodhitinoonnie; xaate kunni ka'a dimarareemmo'ne; anga'ya kayise gane maniisseemmo'ne.

ERMIYAASI 20:16

Hakku manchi, Kaaliiqi mararikkinni diige huni katamma gedeeha ikko. Soodimaroho raare macciishsho; barru taalootira olu duduwo macciishsho.

ERMIYAASI 31:35

Kaaliiqi lede, «Ani Olantote Mootichi Kaaliiqi, arrishsho barra, agananna beeddahe hashsha xabbanno gede asseemmo. Dambala kayise baara luushsheemmo.

HIZIQEELI 37:9

Kaaliiqino, «Koo manchi beetto, bubbe baalunku raginni dagge kunni reyino manni giddora e'eenna, galagalte lubbotenni heedhanno gede, ani Mootichu Kaaliiqi hajajoommota kulinsa» yiie.

HOOSEI 6:2

Lamu barri gedensaanni baqqi assannonke; sayikki barra kayisannonke. Albasiinnino lubbotenni hee'neemmo.

HOOSEI 7:10

Israeelete mannira uminsa adawarshi naqqasanno. Kuni baalu ikke hee'reennanni ane Kaaliiqi Maganinsawa dihiggino; horontanni dihasidhinoe.

MILKIYAASI 3:6

«Ani Kaaliiqi disoorrameemmo. Kunnira, ki'ne Yaiqoobi sirchino diba'inoonni.

KIIRO 23:19

Maganu mannu gede dikaphanno; mannu gede coyi're digaabbanno. Uyino hexxono wonshanno; coyi'rinore baala assanno.

ROOMU SOKKA 11:15

Maganu insa tugi yannara, alame Maganu ledo araarantino. Maganu insa adhanno woyite mayi kalaqamannoha lawanno'ne? Hatti, reyotenni ka"ate gedeeti yaate!

ROOMU SOKKA 11:29

Maganu doorihunna eltosi uyihu gedensaanni assino coyira digaabbanno.

LAYINKI QORONTOOSI 5:4

Reyannoha heeshsho egemmitanno gede, uddi'nammora ikkinnina mullootu hee'nammora halchineemmokki daafira, xa dukkanu giddo hee'neemmo ninke ayirreennanke urranni hee'noommo.

FILIPHISIYUSI SOKKA 3:21

Isi tenne reyitanno mannimmanke soorre, isita ayirrado mannimma labbanno gede assanno. Hatto assannohuno, wo'manka roorresinni gashshate noosi wolqanniiti.

UMI TESELONQE 4:14

Yesuusi reyinotanna reyotenni kainota ammannoommo. Kunnira Yesuusa ammante heedhe reyitinore Maganu Isi ledo haa're abbannonsa.

YAIQOOBI 1:17

Dancha eltonna wo'mu atooti baalu Maganuwiinniiti. Kuni daannohu caalu gede doyannokkihu woy soorramannokkihu xawaabbu Anni Maganuwiinniiti.

YOHAANNIS AJUUJA 20:13

Baaruno giddosi nooha reyino manna fushshe uyi; reyonna jennaatuno giddonsa nooha reyino manna uyi. Mittu mittunku manchira loosisi garinni yoo yini.

YOHAANNIS AJUUJA 21:4

Hindiiddo baala illensanni feyanno; albi ikkito sa'ino daafira, reyo woy dadillu woy wi'la woy shetto kunni ka'a diheedhanno» yitannoti lowo huuro fultanna macciishshummo.

YOHAANNIS AJUUJA 6:8

Hakkunni gedensaanni boora farashsho afummo; gulufinohu su'ma Reyo yinanni; Jeennaatu hoodesi ha'ranni no. Reyotenna jeennaateho baattote aana noo manni giddonni shoolki anga bagadu, hude, dhibbunna moyichu guddanno gede roorre uyininsa.

UMI SAAMUEELI 15:29

Ayirradu Israeelete Magani dikaphanno; yiinoreno disoorranno. Yiinore soorrate isi mannu gedeeha di"ikkino» yiisi.