HOOSEI 13:10 - Qullaawa Maxaafa

¹⁰ Ki'ne mootenna gashshaano eemmo'ne gede xa'midhinoonnie. Gatisanno'ne mootenna golantanno'ne gashshaanono hanniyya?

HOOSEI 13:10 ပူးပေါင်းရင်းမြစ်များ

UMI MOOTOOLLA 12:20

Israeele baalanti Iyorbiaami Gibitsetenni galagale higinota macciishshite songonniwa woshshite abbite moohissusi. Daawiti minira ammanante gattinoti Yihudu ga're callate.

LAYINKI MOOTOOLLA 17:4

Ikkollana shiimu diri gedensaanni, moote Hoosei Soi yinannihuwa Gibitsete mootewa manna soqqe kaa'lannosi gede xa'mi'ri. Asoori mootera diru dirunkunni aannoha mittu diri giwire kayinni uyikkinni saino. Seliminaasoori konne coye afe Hoosei amade usuri.

FAARSO 10:16

Kaaliiqi hegerera moohe hee'ranno; wole maganna magansidhannori baattosi aaninni ba'anno.

FAARSO 149:2

Israeelete manna! Kalaqaanchi'nenni tashshi yoo'ne; Tsiyooni manna! Moote'nenni hagiidhe.

FAARSO 44:4

Magani'yanna moote'ya ateeti; mannikkirano qeelle aattohu ateeti.

FAARSO 74:12

Magano! Ati bi're hundinni kayisse mootete; baattote aanira gato haadhe abbootto.

FAARSO 89:18

Agaraanchinke Kaaliiqiwiinniiti; Israeelete Qullaawa ikkinohu Maganu moote uyinonke.

ISAYAASI 33:22

Coyenke afannohu Kaaliiqaati; gallanni seera kulannonkehu mootenke isooti; gatisannonkehuno isooti.

ISAYAASI 43:15

Ani Kaaliiqi ki'nera Qullaawa Maganooti; Israeele, ani kalaqoommo'ne; moote'neno aneeti» yoommo.

ERMIYAASI 2:28

«Ki'ne anga'nenni seekkidhiniti kaphu maganna hiikkituyya? Katamma'ne batidhunte gede, maganna'neno batidhino daafira gatisso'nena insa huucci'ra mayira gibbini?» yii.

ERMIYAASI 8:19

Hanni macciishshe! Manni'ya fafo gobbara hee're, «Kaaliiqi kataminkera Tsiyooni dihee'ranno? Mootenke hakkiicho dihee'ranno?» yaanni, raaranno raare macciishshoommo. Kaaliiqi mootensa, «Misillanna wole gobbata kaphu maganna, magansi'ratenninna kumbuulatenni, ane mayira hanqissinannie?» yee coyi'rinsa.

ERMIYAASI QURTO 4:20

Horritannonkeri baaluwiinni gatisannoha, Kaaliiqi doorinoha, lubbonkera hexxinoommo moote qafaddino.

HOOSEI 10:3

Mannuno, «Kaaliiqa waajja agurroommo daafira gashshannonke moote hoongoommo; moote hee'roommenkerono ma"assannonkehu baino?» yaanno.

HOOSEI 13:4

Kaaliiqi, «Gibitsete gobbanni fushshummo'nehu ani Kaaliiqi Magano'neeti; ane agurranna wolu Magani dino'ne. Gatisaanchi'neno ane callaati.

HOOSEI 3:4

Kunni garinni Israeelete manni moote nookkiha woy albisu nookkiha, kakkalo nookkiha woy sooddiyye nookkiha, qeesimmate uddano nookkiha woy Maganu yaannore kulannori nookkiha lowo diro hee'ranno.

HOOSEI 7:7

«Baalunku hanqunni giirate booso gede iibbite gashshaanonsa ittu; mootoollansano bado badontenni huntu. Kuni baalunku ikkanna, insa giddonni mittu nafa ane woshshi'rinohu dino» yii.

HOOSEI 8:4

«Ani yuummokkinni moote moohisidhino; ane xa'midhukkinni gashshaano doodhitino. Birrinsanninna culkinsanni uminsara ba"ate ikkitannota kaphu maganna seekkidhino.

ZAKKAARIYAASI 14:9

Hatte yannara, Kaaliiqi kalqe baalate moote ikkanno; mannu baalu isi callu Magano ikkinota egenne su'masi ayirrisanno.

YOHAANNISI 1:49

Hatto yiita Naatinaeeli, «Rosiisaancho'ya, ati Maganu Beettooti! Ati Israeelete Mooteeti!» yii.

UMI SAAMUEELI 8:7

Kaaliiqino Saamueelira, «Moote ikkeemmonsakki gede anella mishshinota ikkinnina ate dimishshinona, yitannohere baala haa'ri.