HOOSEI 12:9 - Qullaawa Maxaafa

⁹ Gibitsete gobbanni massage fushshummo'nehu kayinni ani Magani'ne Kaaliiqaati. Daasu Ayyaana ayirrinsanni yannara dukkanaho heedhininte gede, galagaltine higgine dukkanaho heedhinanni gede asseemmo'ne.

HOOSEI 12:9 ပူးပေါင်းရင်းမြစ်များ

KALAQAMA 25:27

Oosono lophitu; Eesawu dubboho hosannoha egennamino ugaaxaancho ikki; Yaiqoobi kayinni wodanaamoho; qaetella hosanno.

LAYINKI SAAMUEELI 7:2

Mitto barra Daawiti himanaanchu Naataanira, «Kune ani daguwunni minnoonni minira noommo. Maganunnihu Gondooru Taabooti kayinni dukkanu giddo no!» yii.

IZIRA 3:4

Hakkunni gedensaanni, seeru garinni Daasu Ayyaana ayirrissu. Mittu mittunku barrira hajanjoonnita hasiissino kakkalo shiqishshu.

FAARSO 49:7

Mannu umosi gatisa didandaanno; lubbosi woxxate Maganoho ee afannori dino.

FAARSO 81:10

Gibitsete gobbanni fushshummo'nehu ani Kaaliiqi Magano'neeti; wonsheemmo'nena afoo'ne halashshitine fanne.

FULO 20:2

«Gibitsete gobbanni borojjimmate giddonni fushshummo'nehu Kaaliiqi Magani'ne aneeti.

LAWISHSHA 30:12

Lowo geeshsha battaabbe heedhe, insanaa keeraano assite kiirtannori no.

ERMIYAASI 35:7

Mine mi'nineemmokki gede, baatto loosi'neemmokki gede hattono woyinete kaashsho kaasi'neemmokki gede kulinonke; dukkana qasidhine heedhe. Hatto ikkiro, tenne xeeda galtinanni gobbara seeda diro heedhinanni.

ERMIYAASI 5:27

Cea amade mine wonshi'rannohu gede, insano hanaaqqe gamba assidhino jiro mine wonshidhino; wolqaataammanna dureeyye ikkitinohu kunninniiti.

HOOSEI 11:1

Kaaliiqi, «Israeele qaaqqimma noo yannara baxoommose. Baxeemmoha beetto'ya, Gibitsetenni fulanno gede woshshoommosi.

HOOSEI 13:4

Kaaliiqi, «Gibitsete gobbanni fushshummo'nehu ani Kaaliiqi Magano'neeti; ane agurranna wolu Magani dino'ne. Gatisaanchi'neno ane callaati.

HOOSEI 2:15

Albiha woyinete kaashsho qoleemmose. Qarru Lagichino Hexxote Waalcho ikkannose gede asseemmo. Hakkiichono Gibitsete gobbanni fultu waro seennimmate yannara baxxue garinni qolte baxxannoe.

LEEWAAWOOTA 19:36

Halaalaanchu bikkaasinchi, halaalaanchu safaraasinchinna halaalaanchu keenaasinchi heero'ne. Gibitsete gobbanni fushshoommo'nehu ani Kaaliiqi Magano'neeti.

LEEWAAWOOTA 26:13

Gibitsootaho borojje ikkitinannikki gede Gibitsete gobbanni fushshoommo'nehu ani Kaaliiqi Magano'neeti; borojjimma'ne qambara hiiqqe, gotti yitine hadhinanni gede assoommo'ne» yii.

MIKIYAASI 6:4

Gibitsete gobbanni borojjimmate mininni wodoommo'ne; Muse, Aarooninna, Maariyaami alba'neenni hadhanni massaganno'ne gede assoommo'ne.

ZAKKAARIYAASI 11:5

Hidhino manni ge'reewo gorri'riro, qorichishannonsahu dino; hiri mannino, ‹Duroonsinonkehu Kaaliiqi galatamo› yaanno; uminsa allaalaasine nafa dimarartannonsa» yiinoe.

KIIRO 15:41

Ani Kaaliiqi Magano'neeti. Magano'ne ikkammora Gibitsete gobbanni haa're fushshoommo'ne. Ani Kaaliiqi Magano'neeti› yiino yite kulinsa» yii.

YOHAANNISI 7:2

Hatte yannara Ayihudete Daasu Ayyaana ayirrinsanni yanna iillite no.