HOOSEI 12:8 - Qullaawa Maxaafa

⁸ Insa, ‹Ninke dureeyye ikkinoommo; lowo jirono gamba assi'noommo. Duroo'mitinohu doogimaletenniiti yee sao aananke afannohu dino› yitanno.

HOOSEI 12:8 ပူးပေါင်းရင်းမြစ်များ

FAARSO 49:6

Jironsa hexxitannore, durummansa batinyinni adawadhitannoreno diwaajjeemmo.

FAARSO 52:7

«Maganoho irki'rannokkiha, jirosi batinye ku'lannohanna, bunshe loosasinni hawaqi'ranno mancho kune la'e!» yitanno.

FAARSO 62:10

Wolqisa'nenni adawadhitinoonte; saantine duubbinara heddinoonte; jiro afidhiniro nafa, ise addaxxitinoonte.

LAWISHSHA 11:1

Kaaliiqi hanaaqu keenaasincho giwanno; taalo keenaasincho kayinni baxanno.

LAWISHSHA 30:12

Lowo geeshsha battaabbe heedhe, insanaa keeraano assite kiirtannori no.

LAWISHSHA 30:20

Foortuhu gedensaanni isenee xaphi assidhe, «Mitte bunsheno diassoomma» yitanno manchono hattoote.

ERMIYAASI 2:23

‹Umonke dibatteessinoommo; kaphu maganira Ba"aalira horonta dikumbuulloommo› yitine mayira morontinanni? Lagichaho cubbo loossine assitinoonni batte hanni la'e; labbaa gaala hasidhanni raataabbanno gaala gede, ki'neno wole maganna magansi'rate hatto ikkitinoonni.

ERMIYAASI 2:35

«Konne assitine heedhine, ‹Ninke keeraanote, kunni ka'a Kaaliiqi dihanqannonke› yitinanni. Ani kayinni cubbo diloonsoommo yitinoonni daafira qorichisheemmo'ne.

ERMIYAASI 5:27

Cea amade mine wonshi'rannohu gede, insano hanaaqqe gamba assidhino jiro mine wonshidhino; wolqaataammanna dureeyye ikkitinohu kunninniiti.

HIZIQEELI 28:5

Daddalu hayyo afi'rootto daafira, jirote aana jiro duu'nootto; jirokki batinyinni kainohunni naaxxootto.

HOOSEI 13:6

Kayinnilla hattenne dancha gobba iillitini yannara, ittine duubbine lowo geeshsha boo'nitinoonni; aneno habbinoonni.

HOOSEI 14:1

Israeelete manna! Magani'ne Kaaliiqiwa higge; sarraaqe tugino'nehu umi'ne cubbo ikkinota affe.

HOOSEI 4:8

Manni'ya cubbi ki'nera jiro ikkino'ne daafira, mannu cubbo lede loosara hasidhinanni.

AMOOTSI 8:5

Ki'ne, «Gidenke hirreemmo gede, tini Aganu Leellanno Ayyaanna, mayi rakke sa'a! Hiranna hidha dandiineemmo gede, kuni Fooliishshote Barri mayi rahe sa"a! Tini ayyaanna sa'oommero, gideho safaraasincho ajinshe, woxe naggi assine adhineemmohu baino; hanaaqu keenaasinchinni manna dongeemmohu gatino.

IMBAAQOOMI 1:16

Qawaaxxidhe heedhanno gede kaa'lannonsare baala abbitannonsa daafira woshshaadonsara kakkalo shiqishshanno.

ZAKKAARIYAASI 11:5

Hidhino manni ge'reewo gorri'riro, qorichishannonsahu dino; hiri mannino, ‹Duroonsinonkehu Kaaliiqi galatamo› yaanno; uminsa allaalaasine nafa dimarartannonsa» yiinoe.

MILKIYAASI 2:17

Kaaliiqa haafu coyi'nenni hifachiishshinoonnisi. Ki'ne kayinni, «Hiissine hifachiinshummosi?» yitinanni. Iso, «Olantote Mootichi Kaaliiqi bunshe assitannore naadanno» woy, «Halaale coyi'ranno Magani hiikko no?» yitinanni hifachiishshinoonnisi.

MILKIYAASI 3:13

Kaaliiqi, «Ki'ne ane seyattinoonnie. «Qoltineno, ‹Ninke ate hiitto assine seyantummohe?› yitinanni» yiinsa.

LUQAASI 10:29

Seeru rosiisaanchi isonoo seekki'ranni, «Eli'ya ayeti?» yii.

LUQAASI 12:19

Aneneera, lowo dirira ikkitannoti lowo jiro noohena, xaate fooliishshidhe ittanninna agganni hagiidhi yeemmo› yii.

LUQAASI 16:13

«Mittu manchi lamu mootichira soqqama didandaanno. Woy mitto giwe, wole baxanno; woy mitto ayirrise, wole mishanno. Hattonni Maganohonna woxeho soqqama didandiitinanni» yii.

LUQAASI 16:15

Yesuusi kayinni, «Ki'ne umo'ne mannu albaanni keeraano lawissinanni; Maganu kayinni wodana'ne afino. Mannu albaanni ayirrado lawannohu Maganu albaanni shalaminoho» yii.

MARRO 8:17

Miteekkitine wodani'nenni, ‹Tenne jiro afi'noommohu wolqankenniitinna jawaantenkenniiti› yitine heddinoonte.

UMI XIMOOTEWOOSI 6:17

Tenne gobba dureeyye naaxxa woy hawaqi'nannikki coye hexxa agurte, ninke hagiirsiisate yee baalanka coye halashshe aannonke Magano hexxitanno gede hajajinsa.

UMI XIMOOTEWOOSI 6:5

Wodanu soorraminohunna halaalu baino manni wo'manka woyite yekkeeramanno. Hattoo mannira, Magano magansi'ra woxe afi'nanni doogo labbannonsa.

YOHAANNIS AJUUJA 3:17

«Ani dureessaho; lowo jiro nooe; xeinoeri mitturino dino» yaatto. Gadadaamo, hawaaxama, buxicho, illiweelonna mullicho ikkoottota kayinni diafootto.