HOOSEI 12:7 - Qullaawa Maxaafa

⁷ Kaaliiqi, «Israeelete manni Kana"aanootu gede hexxinannikkiha ikkino; kaphu keenaasinchinni manna doganno.

HOOSEI 12:7 ပူးပေါင်းရင်းမြစ်များ

KALAQAMA 49:18

«Kaaliiqa'ya! Gatisaanchimmakki agadheemmo.

LAWISHSHA 11:1

Kaaliiqi hanaaqu keenaasincho giwanno; taalo keenaasincho kayinni baxanno.

LAWISHSHA 16:11

Kaaliiqi, safaraasinchunna keenaasinchu taalannota baxanno; isi taalu bikkaasinchinni dikki'nannita hasi'ranno.

ISAYAASI 3:5

Mannuno mimmito gadadisanno; jaalu jaalisi aana ka"anno; ooso jawa diayirrissanno; minsheenna hee'rannohu, ayirradu manchi aana naaxxanno.

ISAYAASI 56:1

Kaaliiqi, «Gatiseemmo yanna rakke dagganno; keeraanchimma'ya leeltanno yanna gambissino. Kunnira taalo coye asse; halaalaancho looso loosse.

HIZIQEELI 16:3

Mootichu Kaaliiqi isera yaannore, ‹Ilamoottahu Kana"aani baattoraati; annikki Amooraawichaho; amakki kayinni Hitichote.

HIZIQEELI 22:29

Dureeyye wolunniha dogge gudhitanno; buxanenna qarrantinore raateessitanno. Manni gobba manni halaale beeshshite tootayyeessitanno.

HIZIQEELI 28:5

Daddalu hayyo afi'rootto daafira, jirote aana jiro duu'nootto; jirokki batinyinni kainohunni naaxxootto.

HOOSEI 14:2

Maganunniwa higgine, «Cubbonke baalanka agurinonke; dancha heeshshonkenni hagiidhi. E'noommo gondoori garinni suumenke laalcho galatanke shiqishi'neemmohe.

IYUEELI 2:12

Kaaliiqi coyi'ranni, «Xa nafa co'o yiino wodaninni, ita aga agurtine, wi'litinanninna raartinanni anewa higge!

AMOOTSI 2:7

Wolqa afidhinokkirenna kaa'lannohu nookkire bukote aana tugge umonsa kakkaddanno. Gadadaamma xiibbe doogote aaninni fushshitanno. Annunna beettu mitte soqqamaancho ledo foortanno. Kunni loosinsanni qullaawa su'ma'ya batteessitanno.

AMOOTSI 3:9

Gibitsenniteranna Ashidooditera, kinchunni huxxinoonni katammara heedhannorira baalaho: Samaariyu qaccera noo ilaalla aana gamba yiiyye; hakkiicho noo wottonna, assinanni beebba baala la'e yitine lallabbe.

AMOOTSI 4:1

Maqalloonnihu Baasaani lali gede missinoonniri, Samaariyu meenti, konne coye macciishshe. Ki'ne wolqa hoogginore raateessitinanni; buxane gawajjitinanni; wo'manka woyite ayyiddaanna'ne, dimbisanno ago abbanno'ne gede qarrissinanni.

AMOOTSI 5:11

Buxane miiccinoonni; gidensano wolqatenni adhitinoonni; minna kinchunni mi'nitinoonni; ikkollana diheedhinanni. Hagiirsiissannota woyinete haqqe kaasidhinoonni; ikkollana isenni worroonnita, woyinete xajje diagginanni.

MIKIYAASI 2:1

Goxxe heedhe bunshenna xagarro maltannorira aanne'e! Hashshinohu soodeenna woyyitino yanna afidhuro heddinore assitanno.

MIKIYAASI 7:2

Magano baxannohu danchu manchi baattote aana horontanni dino. Mannu mereero taashshannohu dino. Wo'munku mannu mundee dunate duganno; mittu mittunku umisi fiixa woshshaadara faana gananno.

ZAKKAARIYAASI 14:21

Yerusaalametenna Yihudu gobbara hee'ranno midaanni baalu, Olantote Mootichi Kaaliiqira qullaawoota ikkanno. Kakkalo shiqishanno manni baalu, midaannu giddonni gama haa're kakkalote maala gafanno. Hatte yannara, Olantote Mootichi Kaaliiqi Mine ayino didadda'lanno.

ZAKKAARIYAASI 5:8

Sokkaasinchuno, «Tini mancho bunshete lawishshaati» yiiehu gedensaanni, mancho woro qole xiiwe tuana daware tui.

ZAKKAARIYAASI 7:9

«Ani Olantote Mootichi Kaaliiqi manni'yara albaanni oommo hajajo, ‹Taashshitine coyidhe; ki'ne ki'nenee mararre; mimmiti'nera shooshaqqe.

MILKIYAASI 3:5

Olantote Mootichi Kaaliiqi, «Yoo yaammora ki'newa dayemmo. Bitaammu, foortannori, kaphunni naqqassannori, loossinonsari hunkee gatisidhannori, galte shii'rino meentonna annanna ama afidhinokki ooso qarrissannori, manni gobba manniha halaale dawissannorinna ane waajjitannokki manni aana rahe naqqaseemmo.

YOHAANNISI 2:16

Lemboola hirtannoreno, «Kore kawiichinni hoolle; anni'ya mine daddalunniha assitinoonte!» yiinsa.

YAIQOOBI 5:4

Gate'ne gide gamba assitanni hossino loosaasinera daafurinsa waaga aa gibbineenna, kuneeti raartanni no. Gide'ne gamba assitannori raare Olantote Mootichi macciishshino.

UMI SAAMUEELI 12:3

Kuneeti alba'neenni noommona, Kaaliiqinna isi buurino moote albaanni hanni affinoonnire coyidhe. Bootosi adhoommohu nooni? Harrichosi adhoommohu nooni? Dogoommohu nooni? Miicoommohu nooni? Halaale beeshshe gubbo itoommohu nooni? Kunni yuummo coyi giddo assoommori mitturi nafa hee'riro qoleemmo'ne» yiinsa.