HOOSEI 12:6 - Qullaawa Maxaafa

⁶ Kunnira ki'ne Yaiqoobi sirchi Magani'ne kaa'lo hexxe; isiwano higge. Baxillenna halaalaancho yoo duudhine amadde. Agurtinikkinni Magano cincatenni agadhe.

HOOSEI 12:6 ပူးပေါင်းရင်းမြစ်များ

KALAQAMA 49:18

«Kaaliiqa'ya! Gatisaanchimmakki agadheemmo.

FAARSO 123:2

Faantichu mootichisi anga, faantitteno mootittese anga la'annonte gede, Ninkeno maarattonke geeshsha ate Maganinke kaa'lo agadhineemmo.

FAARSO 27:14

Kaaliiqa hexxi; jawaati; wodanikkino kaajjo; Kaaliiqa hexxi.

FAARSO 37:7

Cincite Kaaliiqi assannore agadhi; wolootu duroo'mituro, bunshe assitannorira qiniinsaro giirantooti.

FULO 3:15

Akaakka'ne Abirihaami, Yisihaaqinna Yaiqoobi Magani ani Kaaliiqi soommoheta Israeelete mannira kulinsa; hegere geeshsha su'mi'ya konneeti; dagganno ilama baala kunni su'minni woshshitannoe.

LAWISHSHA 1:23

Seejjo'ya macciishshe; dancha amaale'ya fane agureemma'ne; egenno'yano beeheemma'nena.

LAWISHSHA 21:3

Kaaliiqi kakkalotenni roore, keeraanchimmanna halaale loosa baxanno.

ISAYAASI 1:16

Haayishshidhine keeraabbe. Busha looso'ne baala albi'yanni hoolle. Sao assa agurre.

ISAYAASI 30:18

Tenne giddoonni kayinni, Kaaliiqi maara'nera qixxaawe no. Kaaliiqi taashshanno Magano ikkino daafira, mararino'ne; kunnira Kaaliiqa hexxitannori ba'raadhinoreeti.

ISAYAASI 31:6

Kaaliiqi, «Ki'ne Israeelete manni, bunshe'nenni badhe wodhitinoonniehuwa, anewa galagaltine higge!

ISAYAASI 40:31

Kaaliiqi kayinni iso hexxitannorira, wolqansa haaroonsanno; allamurchu gede qoolunni buubbanno. Doddanno; didaafurtanno; hadhanno dihoogganno.

ISAYAASI 58:6

Ani baxeemmo qatuma gadado hooltinanni gedeeti; halaale dawisa agurtinaraati; qambara hiiqqitine kadantinore fushshitinanni gedeeti.

ISAYAASI 8:17

Albasi Yaiqoobi mininni shawwu assiha ikkiro nafa, Kaaliiqa agadheemmo; isolla hexxeemmo.

ERMIYAASI 22:15

Wolu manninni roorsite daguwunni mi'nakki, roore moote assitannoheni? Annikki dirosi wo'ma hagiirraamo ikke hee'rino; isi wo'manka woyite halaalaanchonna, taashshannoha ikkino daafira, baalunku coyi qiniinosi.

HIZIQEELI 18:30

«Xaano Ani Mootichu Kaaliiqi ki'ne Israeelete yeemmo'nehu konneeti: Mitto mitto'ne assooti'ne garinni qorichisheemmo. Kunnira, assitinanni bunshewiinni higge; cubbi'nenni kainohunni umo'ne huntinoonte.

HOOSEI 10:12

Anino, ‹Kunni ka'a galo baatto hawuurre; keeraanchimma umi'nera wixidhe; anera ammanantinoonnire ikka'nenni daanno atoote gamba assidhinannina. Kuneeti ane Kaaliiqi'newa higginanni yanna xaati! Anino daye atoote xeenimma dirriseemmo'ne› yoommo.

HOOSEI 14:1

Israeelete manna! Magani'ne Kaaliiqiwa higge; sarraaqe tugino'nehu umi'ne cubbo ikkinota affe.

HOOSEI 4:1

Kaaliiqi, tenne baattora hee'ranno manna baala abbooshshi'rino. Kunni daafira Israeele, isi yaannohere baala macciishshi! Isi, «Baattote aaninni ammanama, baxillunna ane Kaaliiqa egenna ba'ino.

IYUEELI 2:12

Kaaliiqi coyi'ranni, «Xa nafa co'o yiino wodaninni, ita aga agurtine, wi'litinanninna raartinanni anewa higge!

IYUEELI 2:13

Wodana'ne ikkinnina uddano'ne dartinoonte» yaanno. Kaaliiqi Magani'ne shaqqadohonna maarannoho; rahe dihanqannoho. Bagamannokkihu baxillisino bati'raho; hunateno dimuddamannohona, isiwa higge.

AMOOTSI 4:13

Ilaalla loosinohu, bubbe kalaqinohu, hedino coye mannaho leellishannohu, barri xawaabba tunsichoho soorrannohu, baattote tulluwa aana qaafannohu, Maganoho. Iso, «Wo'manka Dandaannohu Olantote Magani Kaaliiqi» yine woshshinanni.

AMOOTSI 5:24

Hatteentenni halaalaancho yoo, buichote wayi gede, keeraanchimmano xoannokki xashshi gede lolakko.

MIKIYAASI 6:8

Dee'ni; danchu coyi maatiro Kaaliiqi kulinoe. Isi ninkewiinni hasi'rannohu, taalo ikkino coye assinammora, danchumma wo'mitino baxille leellinshammoranna Maganu ledo gudisamme joongillunni hee'nammoraati.

MIKIYAASI 7:7

Ani kayinni Kaaliiqa agadheemmo. Gatisaancho'ya Magano hexxeemmo. Isino macciishshannoe.

IMBAAQOOMI 2:3

Himanu wo'manno yanna di"iillitino. Ikkirono himanu wo'manno yanna rakke dagganno; kuni coyino kapho ikke digatanno. Keeshshannoha ikkiro nafa keeshshino gedeenni digatanno. Halaalintanni kuni barri dayikkinni digatannona cincite agari.

SOFFOONIYAASI 3:8

Kaaliiqi, «Shiima yanna cince; insa aana yoo yeemmo yanna dagganno. Daganna gashshootuwa mitteenni gamba asseemmo; hanqi'ya giira insa aana duneemmo. Hanqi'ya buwani baatto baala giiranno.

ZAKKAARIYAASI 1:3

xa kayinni ki'nera yeemmo'neti: Ani ki'newa higeemmona, ki'neno anewa higge.

ZAKKAARIYAASI 7:9

«Ani Olantote Mootichi Kaaliiqi manni'yara albaanni oommo hajajo, ‹Taashshitine coyidhe; ki'ne ki'nenee mararre; mimmiti'nera shooshaqqe.

ZAKKAARIYAASI 8:16

Ki'ne assa hasiisanno'ne coyi, mimmiti'nera halaale coyidhe; yoote songowa keere abbate taalo coyidhe.

SOQQAMAASINETE LOOSO 2:38

Pheexiroosino, «Aagintaabbine higge; cubbo'ne agurranni'ne gede, mitti mitti'ne Yesuusi Kiristoosi su'minni cuuamme; Qullaawu Ayyaani eltono adhitinannina.

SOQQAMAASINETE LOOSO 26:20

Kunnira, umo asse Demaasiqote noo manna qoleno Yerusaalametenna Yihudu gobbara noorenna daga aagintaabbe Maganunniwa higganno gede rosiisoommo. Aagintaawansa leellishanno coyeno assitanno gede rosiisoommonsa.

YAIQOOBI 1:27

Maganu Annu albaanni keeraanchonna battaabbinokki amma'no: Annanna ama shiidhino ooso, hattonni galte shii'rino meento kaa'la, tenne gobba ishinchiwiinni meessaneete agadhate.

YAIQOOBI 2:13

Maganu yoo, sao agurannokkihura saosi diagurtanno; ikkirono maaro yoo qeeltanno.