HOOSEI 12:2 - Qullaawa Maxaafa

² Kaaliiqira Yihudu manna abbooshshi'ranno coyi noosi. Yaiqoobi mannano qaafonsa garinni qorichishanno. Assitinohu bushu loosinsa deerrinni waagansa aanno.

HOOSEI 12:2 ပူးပေါင်းရင်းမြစ်များ

LAYINKI MOOTOOLLA 17:4

Ikkollana shiimu diri gedensaanni, moote Hoosei Soi yinannihuwa Gibitsete mootewa manna soqqe kaa'lannosi gede xa'mi'ri. Asoori mootera diru dirunkunni aannoha mittu diri giwire kayinni uyikkinni saino. Seliminaasoori konne coye afe Hoosei amade usuri.

IYYOOBI 15:2

«Halaalinta egennaamu manchi, ikkannokkire coyi'rannoni? Wodanisirano haafare wonshi'rannoni?

FAARSO 78:36

Ikkeennano, afiinsanni awaawurtinosi; arrawinsannino dogginosi.

ROSIISAANCHO 5:15

Mannu amasi godowi giddonni mullu ilaminonte gede, galagale mullu higanno. Daafurisi giddonni mittoreno anga adhe diha'ranno.

ISAYAASI 10:12

Kaaliiqi kayinni, «Tsiyooni Ilaalinna Yerusaalamete aana asseemmore gudummohu gedensaanni, boo'nasinna naaxxasi daafira Asoori moote qorichisheemmo» yii.

ISAYAASI 10:6

Ane hanqissinoonnirira maganiweelootaho, jajja'ne saante gudde ki'ne doogote sabbi gede assite ceellagganno'nere Asooroota soyemmo'ne» yaanno.

ISAYAASI 24:21

Hakka waro Kaaliiqi gordu wolqubbanna, baattote aani gashshaano qorichishanno.

ISAYAASI 3:11

Sao assitannori kayinni wolootu aana assitino sao daafira malinonsa qoricha adhitannona insara aanne'e!

ISAYAASI 30:6

Wodiidi Halallira noo saada dubbunnite daafira ani Kaaliiqi yeemmo coyi aane nooho: Sonkoonni manni doobbiyu hee'rannowa, harfaamu hamasinna lawa lawa yaanni buuwanno dhudhuufi hee'rannota, busha gobba giddoonni higge hadhanno. Afanshunniha ayirrado uduunne harrensaranna gaallansara hogophite, mittoreno kaa'litannonsakki gobba hadhanno.

ISAYAASI 59:18

Xeertote gobbara noori nafa gattukkinni, baarigaarrasi loosinsa garinni qorichishannonsa.

ERMIYAASI 25:31

Kaaliiqi manna rufanno yannara, qoonqosi gobbate qacce geeshsha iillitanno. Manna baala yoote shiqisheenna, yoo yinanninsa; bushuulle reyotenni qorichishanno› yite kulinsa» yiie.

HOOSEI 2:13

Ba"aalira hixaana giirtara yite, irrase wodhite ellase hoode hadhara ane agurtino daafira qorichisheemmose. Kaaliiqi konne coye coyi'rino.

HOOSEI 4:1

Kaaliiqi, tenne baattora hee'ranno manna baala abbooshshi'rino. Kunni daafira Israeele, isi yaannohere baala macciishshi! Isi, «Baattote aaninni ammanama, baxillunna ane Kaaliiqa egenna ba'ino.

HOOSEI 4:9

Ki'ne qeesootuno callichu manni gedeere ikkitinoonni. Kunni daafira, hakko mannira iillanno qorichi ki'nerano iillanno. Bushu loosi'ne gumano ittinanni.

HOOSEI 7:1

«Israeele hursatenna galagalche duroo'mitanno gede assate hasi'reemmo yannara cubbinsanna saonsa xabbe leeltanno. Insa insanaawa kapho coyidhanno; mine unte moortanno. Garo kalaqidhe dooggate manna mulqidhanno.

HOOSEI 7:11

Israeelete manni lembooli gede busulle afi'rinokkiha balala ikkino. Kunnira kaa'lo afi'rate mito woyite Gibitse dodanno; mito woyite Asoori buuwanno.

HOOSEI 7:2

Kayinnilla ani tenne bunshensa baalanta la"anni noommota horontanni diwodanchitino. Kunninni kainohunni uminsa cubbinni qoqqowantino; bushu loosinsa baalu albi'yanni dimaaxamino» yii.

HOOSEI 8:10

Dagate woxe baaxxite eeganturono, mitteenni gamba asse qorichisheemmonsa. Asoori mootenna roorrootu kadde gashshitannonsa yannara, shettote batinyinni kainohunni raartanno.

HOOSEI 8:13

Insa anera kakkalo shiqishshanno; kakkalote maalano ittanno. Ani kayinni insa kakkalonni dihagiidheemmo. Saonsa kiireemmo; cubbinsa daafira qorichisheemmonsa; galagalte Gibitse hadhanno gede asseemmonsa.

HOOSEI 8:9

Baandeelannohu gobba harrichi gede mullawa raataabbanni Asoori gobba hadhino. Ha'litannonsa gede dagate woxe baatte eegantanno.

HOOSEI 9:15

Kaaliiqi, «Galgalaho heedheennanni, bushu loosinsa reqecci yiino. Anino hakkiichinni kayise insa giwoommo. Loossinohu bushu loosinsa daafira, oommonsa baattonni fushsheemmonsa. Kunni ka'a insa dibaxeemmo. Sooreeyyensa baalanti haxawarroota ikkitino.

HOOSEI 9:9

Gibia Katami manni assinte gede, ki'neno lowo geeshsha battaabbinoonni. Kunni daafira, Maganu cubbo'ne baala kiire qorichishanno'ne.

AMOOTSI 2:4

Kaaliiqi, «Yihudu manni marro marro hige loosino cubbi daafira, mararro nookki kaajjillinni qorichishummokkinni diagureemmo. Insa seera'ya huntino; hajajo'yano diagadhitino. Insano, annuwansa magansidhinoti kaphu maganna so'risiissinonsa.

MIKIYAASI 6:2

Ki'ne ilaalla Kaaliiqi Maganu manna abbooshshi'rino gara macciishshe. Ki'ne kaajjaddu baattote rumuddano macciishshe. Kaaliiqi mannasi Israeele abbooshshi'rino; qoleno boroorino.

MAATEWOOSI 16:27

Manchi Beetti Annisi ayirrinyinni sokkaasinesi ledo daanno woyite, mittu mittunkura loosisi garinni aanno.

ROOMU SOKKA 2:6

Isi mittu mittunkura loosi loosisi gede aanno.

GALATIYU SOKKA 6:7

Umo'ne dogginoonte. Mannu wixi'rinoha mixxanno daafira, Magano arrassa didandinanni.