HOOSEI 12:1 - Qullaawa Maxaafa

¹ «Israeelete manni barra wo'ma loosanno loosi, bubbete gede amadamannokki gumiweelooti; qoleno soojjaatinni dagganno hombobolatte gede hunannoho. Xagarronna haxawarrimma mereeronsa batidhino; hakkunni ka'aannino Asoori ledo gondooro e'ino; zayitensano Gibitse soqqitanno» yii.

HOOSEI 12:1 ပူးပေါင်းရင်းမြစ်များ

KALAQAMA 41:6

Hakkuri gedensaanni ciiggitinotinna halalli bubbe qoorsitinoti wole 7 shoye fultu.

LAYINKI MOOTOOLLA 15:19

Minaheemi gashshe noo yannara Asoori moote Telgeltelfelsoori Israeele amadi. Minaheemi gashshootesi kaajjishi'rate kaa'lannosi gede hede, Telgeltelfelsoori 34,000 kiilo ikkanno birra uyisi.

LAYINKI DUDUWO 21:11

Iyoraami Yihudu gaarra aana dagate maganna magansi'nanniwa nafa seekke, Yihudunna Yerusaalamete manna fooranno gede assatenni so'risiisino.

IYYOOBI 15:2

«Halaalinta egennaamu manchi, ikkannokkire coyi'rannoni? Wodanisirano haafare wonshi'rannoni?

FAARSO 78:36

Ikkeennano, afiinsanni awaawurtinosi; arrawinsannino dogginosi.

ERMIYAASI 2:36

Wole gobba manni maganna hoode hadhine umo'ne shollishshinoonni. Kunni albaanni Asoori manni shollishi'nente gede, xa qole Gibitsete manni shollishanno'ne.

ERMIYAASI 22:22

Loossinoonni cubbi daafira, gashshaano'ne bubbe fiite haadhe hadhanno kuri gede ikkitanno. Olu miilla'neno qafadante manni gobba hadhanno; saalunna shollinyu amadannonsa.

ERMIYAASI 7:15

Ki'ne Yihudu manna! Ilama'ne Israeelete manna gobba'yanni fushshe hunummonte gede, ki'neno gobba'yanni fushshe huneemmo. Konne coye coyi'roommohu ani Kaaliiqaati› » yii.

ERMIYAASI QURTO 5:6

Godowa duuwate yine, Gibitsetenna Asoorira anga uyinoommo.

HIZIQEELI 17:10

Ee, kaasamate woyite kaasantino; ikkollana, lubbotenni hee'ranna lopha dandiitannoni? Halalli diilallo gantannose yannara diqoortanno? Hakkiicho lophitanno darga moolte digattanno?» yiie.

HOOSEI 11:12

Kaaliiqi, «Israeelete manni kaphunninna dogatenni gaangeessinoe. Yihudu ammanamoommohuranna qullaawa ikkoommohura anera maahoyye giwinoe.

HOOSEI 11:9

Kunnira, hanqi'ya qoomama diabbeemmo; layinkimeeshsho Israeele dihuneemmo. Hatto asseemmokkihu, ani Maganoho ikkinnina manna ikkoommokki daafiraati. Qullaawu ani ki'ne giddo hee'reemmo; tenne ki'newa hanqi'yanni didayemmo.

HOOSEI 4:15

«Ki'ne Israeelete manni anera ammanama gibbinirono, Yihudu manni tenne sao giddora eanno gede assitinoonte. Kunnira ane magansidhinara Galgala woy Beetiaweeni hadhinoonte. ‹Kaaliiqi Halaaleeti› yitineno su'mi'yanni xaartinoonte.

HOOSEI 4:19

Tenne bunshensanni kainohunni, bubbe fiite haadhe hadhannohu geeshsha faffe hadhanno; kaphu magannara kakkalansanni saalfattanno.

HOOSEI 5:13

«Israeeli dhiwamasi, Yihudu madi'rasi afi woyite, Israeeli albasi Asoori widira higi. Kaa'lo afi'rate jawiidi mootewa manna soqqi. Kayinnilla isi gatisansara woy madansa hursara didandiino.

HOOSEI 7:1

«Israeele hursatenna galagalche duroo'mitanno gede assate hasi'reemmo yannara cubbinsanna saonsa xabbe leeltanno. Insa insanaawa kapho coyidhanno; mine unte moortanno. Garo kalaqidhe dooggate manna mulqidhanno.

HOOSEI 7:11

Israeelete manni lembooli gede busulle afi'rinokkiha balala ikkino. Kunnira kaa'lo afi'rate mito woyite Gibitse dodanno; mito woyite Asoori buuwanno.

HOOSEI 8:7

Insa bubbe wixidhe hombobolatte mixxitanno; gideho gumu dihee'rannosi. Gumu hee'riro nafa allaggichu itanno.