HOOSEI 11:8 - Qullaawa Maxaafa

⁸ «Israeele! Ate hiitto asse agureemmohe? Hiitto asseno sayise eemmohe? Adaamanna Tseboyimi assummo gede, hiitto huneemmohe? Ate lowo geeshsha baxeemmohe daafira, konne baala assammora wodani'ya diaannoe.

HOOSEI 11:8 ပူးပေါင်းရင်းမြစ်များ

KALAQAMA 14:8

Hakkunni gedensaanni Soddoomu, Gomooru, Adaama, Tseboyiminna Beelai mootoolla olantonsa Sidiimi Lagichira dirte olantu.

LAYINKI SAAMUEELI 24:16

Kaaliiqi Sokkaasinchi Yerusaalame hunara angasi diriirsi yannara, Kaaliiqi mannaho abbino qoricha uurrisara hede, manna gudanni noo sokkaasincho, «Xaate ikkinona aguri» yii. Hatte yannara sokkaasinchu Yabuusichu Oorina ayiddummera uurre no.

UMI MOOTOOLLA 3:26

Qaaqqu ama kayinni qaaqqose marartino daafira, «Moote'ya, eeggatena qaaqqo shitootina isera uyite agurise!» yitu. Ti'i kayinni, «Aterano anerano ikkoonkena, lamewa beenko!» yitu.

LAYINKI MOOTOOLLA 13:23

Kaaliiqi kayinni shaqqillisinni mararinonsata ikkinnina techo geeshsha albisinni dihuninonsa. Hatto assinohu Abirihaami, Yisihaaqinna Yaiqoobi ledo eino gondoori daafira yeeti.

LAYINKI DUDUWO 36:15

Akaakkansa Magani Kaaliiqi mannanna Qullaawa Mine mararino daafira, himanaano soye marro marro hige qorophisiisa diagurino.

FAARSO 106:45

Insara yee gondoorosi qaagino; bagamannokkihu baxillisinni kainohunni mararinonsa.

ISAYAASI 16:11

Kunnira, Moaabiranna Qiirihereesira hururame wi'leemmo.

ISAYAASI 63:15

Kaaliiqa Magano! Qullaawunna ayirradu dargira gordoho heedhe kawa qolte lai. Laalakkinna wolqakki mama no? Shaqqillikkinna mararrokki ninkewiinni xeertidhino.

ERMIYAASI 18:8

hatti gosa kayinni aagintaabbe bunshensawiinni higguro, hedoommoha busha coye agureemmo.

ERMIYAASI 3:12

Xa aliyye widira ha're Israeelete mannira, «Ammanantinannikki Israeele, ane Kaaliiqiwa higge! Ani maaro batidhinoha ikkoommo daafira dihanqeemmo; ki'nera hegere geeshsha hanqoommo gedeenni dihee'reemmo.

ERMIYAASI 31:20

«Israeele! Ki'ne anera ayirrado oosooti; roorse baxeemmo'nere di"ikkitinoonni? Hanqe coyi'rummo'nero nafa, ki'ne daafira wodani'ya digoxino; godowi'yano ki'nera dikaajjino. Ani Kaaliiqi ki'ne marareemmo'ne. Konne coye coyi'roommohu ani Kaaliiqaati.

ERMIYAASI 42:10

‹Abboommo'ne bao daafira dadilloommona, tenne baattora heedhiniro uurriseemmo'ne ikkinnina didiigeemmo'ne; kaaseemmo'ne ikkinnina dibuqqiseemmo'ne.

ERMIYAASI 9:6

Bunshete aana bunshe, dogate aana doga leddanni heedhanno; aneno Maganonsa assidhaera dihasidhino» yii.

ERMIYAASI 9:7

Kunni daafira, Olantote Mootichi Kaaliiqi, «Siwiila tume daashshannohu gede, ani manna'ya hatto asse fonqoleemmo; manni'ya busha coye assino daafira, hakkiinni sae wolere asseemmori dino.

ERMIYAASI QURTO 1:20

Kaaliiqa'ya ballo, shetto'ya lai! Lubbo'ya dadillu giddo no. Cubbi'yanni kainohunni wodani'ya hiiqqamino. Doogga baalate manna shinanni; gallanni mini waalchira reyo no.

ERMIYAASI QURTO 3:32

Yannate geeshsha dadillisinkerono, gedensaanni bagamannokkihu baxillisi jawaata ikkinohura mararannonke.

ERMIYAASI QURTO 3:33

Isi ninkera dadillenna shetto abbatenni, hagiidhannoha di"ikkino.

HIZIQEELI 33:11

Ani Mootichu Kaaliiqi heeshshote Magano ikka'yanni xaareemmona, cubbaataamu manchi, cubbo loosa agure lubbotenni hee'ranno gede ikkinnina cubbisinni reyanno gede horonta hasi'reemmokkita kulinsa. Kunnira, ‹Israeele, busha looso'ne agurre; reyo mayira hasidhinanni?› yite kulinsa.

HIZIQEELI 6:9

Kuni mannino hakko marino gobbara hee'ranno; hakko hee'ranno yannara ane qaaganno. Ani qorichishoommonsahunna shollishoommonsahu ammanantinokkire ikkitinohuranna ane agurte kaphu magannara soqqantino daafira ikkinota affanno. Assitino bunshenni kainohunni umonsa gibbanno.

HOOSEI 6:4

Kaaliiqi kayinni, «Israeeletenna Yihudu manna! Ki'ne hiissummoro woyyate? Ki'ne ane baxxinanni baxilli soodimari guunjonna guto loji gede rahe ba"anno.

HOOSEI 7:1

«Israeele hursatenna galagalche duroo'mitanno gede assate hasi'reemmo yannara cubbinsanna saonsa xabbe leeltanno. Insa insanaawa kapho coyidhanno; mine unte moortanno. Garo kalaqidhe dooggate manna mulqidhanno.

AMOOTSI 4:11

«Soddoomanna Gomoora hunummonte gede ki'ne giddonnino lowo manna hunoommo. Ki'ne giddonnino gattinoonnire giira ittuhu gedensaanni gate fulino haqqichi gedeere ikkitinoonni. Kuni baalu ikke hee'reennanni gaabbitine anewa dihigginoonni. «Konne coye coyi'roommohu ani Kaaliiqaati.

AMOOTSI 7:3

Kaaliiqino marare hedinota agure, «Kuni laitto coyi di"ikkanno» yiinoe.

AMOOTSI 7:6

Kaaliiqino marare hedinota agure, «Kuni coyino di"ikkanno» yiinoe.

MIKIYAASI 5:3

Kunnira, amasi iso ilta geeshsha Kaaliiqi mannasi diinaho sayise aanno. Hakkunni gedensaanni, qafadante heedhannori roduuwisi higge ga'rensa ledo karsantanno.

SOFFOONIYAASI 2:9

Ani Israeelete Magani Olantote Mootichi Kaaliiqi heeshshonnihu su'miyanni xaareemmo. Moaabinna Amooni, Soddoomunna Gomooru gede ikkite ba'anno. Maxinete balenna ishinu guggushshinowa loonsannikki baatto gede ikkitanno. Qafadotewiinni gatinohu manni'ya jajjansa saamanno; baattonsano ragi'ranno. Kuni ikkanno gede ani Kaaliiqi heeshshonnihu su'mi'yanni xaareemmo» yii.

MAATEWOOSI 23:37

Yesuusi qole, «Yerusaalame, Yerusaalame! Ati himanaano shaattati! Atewa sonkoonnire kinnatenni awwaalattati! Lukkicho caacurrese qoolise giddo gamba assidhannonte gede, anino oosokki mitteenni gamba assammora me"e hige hede hoogummo! Ki'ne kayinni dihasidhinoonni.

MARRO 29:22

«Dagganno ilama gare'nenna wole xeerto gobba manni Kaaliiqi tenne baatto aana dirrisinoha jawa qoomamanna qarra abbinota affanno.

MARRO 29:23

Loosidhinanni baatto maxinetenninna baattote giddonni fulino ruqaninni dhiwantanno. Mittoreno dikaansanni; ciirannorino dihee'ranno; lophanno haqqi dimu'ranno. Tenne baattora dagganno goofo, jawu Kaaliiqi hanqi galchinohu Soddoomunna Gomooru, Adaamanna Sibayiimite gedeeta ikkitanno.

MARRO 32:36

Wolqa noonsakkitanna mannu goofita afe, mannasi keereensanno; soqqantannosire baala mararannonsa.

LAYINKI PHEEXIROOSI 2:6

qoleno cubbo loossannori baalu jiiltanno gede Soddoomunna Gomooru katamma buluulo ikkita geeshsha giire ba'anno gede assiro,

YIHUDA 1:7

Soddoomunna Gomooruno qooxeessinsara noo katamma ledo foorrennire ikkitino; foorretenni mannaho nookki akkimale ikkitino. Kunnira insa hegere giiranni qorichishantannorira lawishshaho.

YOHAANNIS AJUUJA 11:8

Reeshshinsa Mootichinsa sutaminowa masalsanni Soddooma, woy Gibitse yinannihura lowo katamira hala'lado doogo aana diriiranno.

YOHAANNIS AJUUJA 18:18

Baabilooni giirantanna fultanno wiliile la'u yannara, «Tenne bati'ra lawannohu wolu katami nooni?» yite raartanno.

EJJEETTO 10:16

Hakkunni gedensaanni giddonsa noota allagga maganna hooltu. Kaaliiqano magansidhu; Kaaliiqino Israeelete gadado lae cinca hoogi.