HOOSEI 11:11 - Qullaawa Maxaafa

¹¹ Ceate gede Gibitsetenni, lembooli gede Asoorinni buubbanni dagganno. Galagalche mininsara qoleemmonsa. Konne coye coyi'reemmohu ani Maganinsa Kaaliiqaati» yii.

HOOSEI 11:11 ပူးပေါင်းရင်းမြစ်များ

ISAYAASI 11:11

Hatte yannara, Mootichu galagale angasi diriirse gatino manna Asoorinni, Gibitsetenni, Itiyophiyunni, Elaaminni, Baabilooninni, Hamaatinni, Baaru qaccuwanninna giddichuwa baalatenni gamba assanno.

ISAYAASI 60:8

«Gomichu gede ikkite hadhanno markabbanna, minisira higanno lembooli gede ikkite buubbannori kuri ayeooti?

ERMIYAASI 31:12

Galagalte higge Tsiyooni Ilaali aana, hagiirrunni faarsitanno. Ani gide, haaro woyinete xajjenna ejersu zayite, hooffille saadanna lalo aatenni maassi'reemmonsa. Waa duuwino gati gedeere ikkitanno; yaaddannori mitturino dihee'ranno.

HIZIQEELI 34:27

Haqqe laaltanno; gatuno gide fushshanno; mittu mittunku isi umisi baattora keere hee'ranno. Manni'ya qambara hiiqqaqqe, borojjimma gashshitinonsa kaajjaddi anganni wodeemmonsa. Hatte yannara ani Kaaliiqa ikkoommota affanno.

HIZIQEELI 34:28

Hakkunni gedensaanni, wole daga dimiiccannonsa; moyichu dibibbidannonsa; waajjishannonsari nookkiha keere heedhanno.

HIZIQEELI 37:21

Ani Mootichu Kaaliiqi manna'ya baala billaalle noo daga mereerinni mitteenni gamba asse, uminsa gobba qole abbammonsara hedoommota kulinsa.

HIZIQEELI 37:25

Soqqamaanchi'ya Yaiqoobira oommositeranna akaakkansa heedhino baattora heedhanno; insanna oosonsa, sirchinsa baalu hatte gobbara hegere geeshsha heedhanno. Soqqamaanchi'ya Daawiti gedee moote hegere geeshsha gashshannonsa.

HOOSEI 3:5

Hakkunni gedensaanni Israeelete manni galagale hige Maganonsa Kaaliiqanna mootensa Daawitino hasi'ranno. Hatte yannara Kaaliiqa ayirrisanno; dancha atooteno adhanno.

HOOSEI 7:11

Israeelete manni lembooli gede busulle afi'rinokkiha balala ikkino. Kunnira kaa'lo afi'rate mito woyite Gibitse dodanno; mito woyite Asoori buuwanno.

ABIDIYU 1:17

Baotenni gattannori Tsiyooni Ilaali aana heedhanno; Tsiyooni Ilaalino qullaawa ikkanno; Yaiqoobi ilama uminsa iqqa ragidhanno.

ZAKKAARIYAASI 10:10

Gibitsete gobbanni qoleemmonsa; Asoorinni gamba asseemmonsa. Gobbansara mannu bati'ranno daafira, Geleaadinna Libaanoosi gobbara heedhanno gede asseemmonsa.

ZAKKAARIYAASI 8:7

Ani manna'ya qafadame hee'ranno gobbanni soojjaatinninna galchiminni qole abbeemmo.

ZAKKAARIYAASI 8:8

Abbe Yerusaalamete heedhanno gede asseemmonsa; insa manna'ya ikkitanno; anino Maganonsa ikkeemmo; taalotenninna halaalunni Maganonsa ikkeemmo» yaanno.