HOOSEI 11:10 - Qullaawa Maxaafa

¹⁰ «Ani doobbiichimma ittaneemmo yannara, manni'ya Israeele hoode'ya hadhanno; galchiminni huxidhanni anewa dagganno.

HOOSEI 11:10 ပူးပေါင်းရင်းမြစ်များ

IYYOOBI 37:1

«Kunnira, belequ wisho, wodana'ya masissinoe.

FAARSO 119:120

Ate waajjatenni kainohunni mannimma'ya huxidhino; yookkino lowo geeshsha waajjoommo.

FAARSO 2:11

Kaaliiqira waajjatenni soqqamme; isono huxidhine waajje.

ISAYAASI 11:11

Hatte yannara, Mootichu galagale angasi diriirse gatino manna Asoorinni, Gibitsetenni, Itiyophiyunni, Elaaminni, Baabilooninni, Hamaatinni, Baaru qaccuwanninna giddichuwa baalatenni gamba assanno.

ISAYAASI 2:5

Ki'ne Yaiqoobi sirchi amme, Kaaliiqi aannonke caabbichi giddo hee'nona.

ISAYAASI 31:4

Kaaliiqi, «Saada amadino doobbiichi ittananna, allaalaasine mimmito woshshidhurono, insa canco bashshi assannokkinte gede, ani Olantote Mootichino, Tsiyooni Ilaalanna gaarra gatisanna, hoolannoehu dihee'ranno.

ISAYAASI 42:13

Kaaliiqi wolqaataamu manchi gede olaho fulanno; bagadaanchu gede hanqe ka"anno; qoonqosi naggi asse alaakanno; diinasino qeelanno.

ISAYAASI 49:10

Mararannonsahu wayi buicho widira qole haa're ha'rannonsa daafira, hudenna goo'ro diamaddannonsa; halalli fooggalinna arrishshote iibbilli digawajjannonsa.

ISAYAASI 64:2

Giira moola haqqe ittanno woyite, woroonni kashilu waa hufisannohu gede, mannuno ate afe waajjanno gede, dirrite wolqakki diinikkira leellishi.

ISAYAASI 66:2

Konne baala kalaqoommohu aneeti; kuni baalunku aneho. Ani kayinni umosi heeshshi assinohuwa, masanno wodana afi'rinohuwanna, qaale'ya huxi're waajjannohu widira hige laeemmo.

ISAYAASI 66:5

Ki'ne waajjitinannisirinna hajajantinannisiri, Kaaliiqi yaannore macciishshe: «Ki'ne ammanantinoonnire ikkitinoonni daafira, gamu manni'ne ki'ne giwe, ledo'ne xaadara dihasi'ranno. ‹Hagiidhitinanna la'neemmona, hanni Kaaliiqi lowimmasinni gatiso'ne› yitanni qacifattanno'ne. Ikkollana insa uminsa irraabbe gattanno.

ERMIYAASI 2:2

«Yerusaalame marte mannaho, «Kaaliiqi yaannore macciishshe: Ati seemo nootta waro, mageeshshi geeshsha ammanamoottaro qaageemmo. Idayichimma nootta warono, mageeshshi geeshsha baxattaero seekke afoommo. Halallitte gobbara mitturi nafa mu'rannokkiwa, ane hoode ha'rootta.

ERMIYAASI 25:30

Kaaliiqi, «Kunni mannira, ‹Kaaliiqi iima hee're harqanno; qullaawa darga hee're beleqanno; baattosi aana lowo geeshsha doonqanno. Woyinete laalo huuncannohu gede jawu qaalinni coyi'ranno; baattote aana noo manni baaluno macciishshanno.

ERMIYAASI 31:9

Gobbansa qoleemmonsa waro, wi'litanninna huuccidhanni dagganno; dancha buichowa qole haa're masseemmonsa; taalonna suwashsho doogo qole haa're ha'reemmonsa. Ani Israeelete annaho; Efireemino bayira beetto'yaati.

ERMIYAASI 33:9

Hatte yannara, Yerusaalamete mannira asseemmoha dancha coye baala macciishshitanno gosa albaanni hagiirsiissannoe; ayirrinyenna galatano uyitannoe. Baattote aana noo gosa baala Yerusaalamete mannira asseemmoha dancha coyenna eemmonsa jiro affe waajjite qece yite huxidhanno» yii.

ERMIYAASI 5:22

Ane Kaaliiqa waajja mayira gibbini? Ane albaanni qece yaa mayira hooggini? Ani waa sae ha'rannokki gede assoommo. Wayi ayee geeshshano shafamiro, dambaluno kae luuliro, danna sa"ara didandaanno.

ERMIYAASI 50:4

Kaaliiqi, «Hatte yannara, Israeelennihunna Yihudu manni gamba yee wi'lanni, ane Maganonsa hasi'ranni daanno.

ERMIYAASI 7:6

Manni gobba manna, annanna ama afi'rinokkirenna gunnoota xiibbinoonte. Tenne gobbara hee'rannoha beebbaataamo manna shitinoonte. Ba'inannina kaphu maganna magansidhinoonte.

ERMIYAASI 7:9

Ki'ne moortinanni, beebbaataamo manna shitinanni. Foortinanni; beebbatenni xaartinanni; Ba"aalira kakkaltinanni; albaanni egentinoonnikkita kaphu maganna magansidhinanni.

HIZIQEELI 26:16

Baaru mule noo gobba mootoolla ayirradu barciminsa aaninni dirritanno; maareekonnihanna gashshootu imaana mulqidhe, waajjite huxidhanni uulla ofoltanno. Atera iillino qarra heddanni lowo geeshsha masse huxidhanno.

HOOSEI 3:5

Hakkunni gedensaanni Israeelete manni galagale hige Maganonsa Kaaliiqanna mootensa Daawitino hasi'ranno. Hatte yannara Kaaliiqa ayirrisanno; dancha atooteno adhanno.

IYUEELI 3:16

Kaaliiqi Tsiyooni Ilaalira, Yerusaalamete hee're harqanno; gordunna baatto shafantanno. Isi kayinni mannisira Israeelete, gaa'linanni qiisho ikkanno.

AMOOTSI 1:2

Amootsi, «Kaaliiqi Tsiyooni Ilaalira hee're, ittananno doobbiichi gede ikke rooddanno. Qoonqosi Yerusaalametenni beleqqanno; allaalaasine saada hosiisidhannowi moolanno; Qermeloosi Ilaali aana noo hayisso qoortanno» yii.

AMOOTSI 3:4

Doobbiichu dubbu giddo ugaaxe itannore afi'rikkinni, mulla ittanannoni? Ugaaxe mittoricho amadikkinni, noowa hee're gurura"annoni?

AMOOTSI 3:8

Doobbiichu ittananna macciishshe, waajjannokkihu ayeti? Mootichu Kaaliiqi go'lino coye kuleennasi, himana coyi'rannokkihu nooni?

MIKIYAASI 4:5

Daga wo'manti uminsa maganna magansidhanno. Ninke kayinni hegere geeshsha Kaaliiqa Maganonke magansi'neemmo; isira hajajammeemmo.

IMBAAQOOMI 3:16

Konne coye macciishshummota, mannimma'ya shiiltu; suume'ya huxidhu; miqqa'ya daaqqu; lekka'yano qece yitu. Maganu qarrissannonkere qorichisha geeshsha, cince agadheemmo.

ZAKKAARIYAASI 10:10

Gibitsete gobbanni qoleemmonsa; Asoorinni gamba asseemmonsa. Gobbansara mannu bati'ranno daafira, Geleaadinna Libaanoosi gobbara heedhanno gede asseemmonsa.

ZAKKAARIYAASI 10:12

Ani manna'ya dhaabbachisheemmo; insano qaali'yara hajajantanni su'ma'ya ayirrissanno. Konne coyi'roommohu ani Kaaliiqaati» yaanno.

ZAKKAARIYAASI 8:7

Ani manna'ya qafadame hee'ranno gobbanni soojjaatinninna galchiminni qole abbeemmo.

YOHAANNISI 8:12

Qoleno Yesuusi, «Ani baattote aana noo mannira xawaabbaho; ane hoode ha'rannohu heeshshote xawaabba afi'ranno ikkinnina tunsichoho diha'ramanno» yii.

SOQQAMAASINETE LOOSO 24:25

Phaawuloosi keeraanchimmannire, umo qee'linannirenna dagganno yoore kulanna macciishshe waajji. Kunnira, «Xa ikkinona ha'ri; injiiero wole woyite woshsheemmohe» yii.

ROOMU SOKKA 8:1

Kiristoosi Yesuusinni noorira xaate qorichu yoo diyinanninsa.

LAYINKI PHEEXIROOSI 2:10

Roorse hakkore battennita foorrete yorto ha'runsitannorenna Maganu roorre mishshannore yoote barrira agaranno. Kuri kaphaano rosiisaano mayinanke yitannokkirenna boonaleeyye ikkitinohura, aliidi ayirradda xona diwaajjitanno.

YOHAANNIS AJUUJA 10:3

Ittananno doobbiichi gede qoonqosi naggi asse doonqi. Doonqi yannara lamalunku beleqi xadhe coyi'ri.