HOOSEI 10:8 - Qullaawa Maxaafa

⁸ Israeelete manni Aweeni yinanni katamira kaphu magano magansi'ranni cubbo loosanno gaarra diigantanno; kakkalonsa dargi aanano utunna kokko'lu fulanno. Hattenne yannara mannu ilaalla, «Maaxxenke» gaarrano, «Gollenke» yaanno.

HOOSEI 10:8 ပူးပေါင်းရင်းမြစ်များ

KALAQAMA 3:8

Hatte hawarro Kaaliiqi Maganu Edeni Gennetete giddo ha'ramanna hirbasi macciishshite, Addaaminna galtesi Kaaliiqi Maganu albinni wirri yite Gannatete haqqe mereero maaxantu.

UMI MOOTOOLLA 13:2

Isino Kaaliiqi hajajinosi garinni hakkonne kakkalote darga dannisanni, «Kakkalote darga! Kakkalote darga! Kaaliiqi, ‹Kune Daawiti mine Iyosiyaasi yinanni beetti ilamanno. Isino gaarrate aana seekkinoonnitera kakkalote darguwara kakkaltanno qeesoota abbe ate aana gorranno. Miqqansano ate aana giiranno.

UMI MOOTOOLLA 13:34

Iyorbiaami gashshooti baattote aaninni co'o yee ba"anno gede assino cubbi konneeti.

UMI MOOTOOLLA 14:16

Iyorbiaami cubbo loose Israeeleno cubbu giddora eessino daafira Kaaliiqi Israeele aguranno» yii.

LAYINKI MOOTOOLLA 23:15

Iyosiyaasi Israeele cubbu giddora eessihu Naabaaxi beetti Iyorbiaami Beeteli seekkisiisinoha magansi'nanni darga diigino; kakkalote bayichono diige kinnano cancane buko assino; Asheera mokkollichono giirino.

LAYINKI DUDUWO 31:1

Ayyaana ayirrisse ka'uhu gedensaanni, mannu wo'munku Yihudu katamma baala ha're kaphu magannata sooddiyye cancani. Asheera mokkollono hiiqqaqqi. Kakkalonsahanna daga magansidhanno gaarra diigi. Yihudu, Biiniyaami, Efireeminna Minaase gobbara noore kakkalote tulluwa baalano diigi. Hakkunni gedensaanni qae qaensa ha'ri.

ISAYAASI 2:19

Kaaliiqi baatto shafara daanno waro, hanqisinninna waajjishannohu xirchisiwiinni kinchu godiranna balete maaxantara wo'naaltanno.

ISAYAASI 2:21

Kaaliiqi baatto shafara daanno waro hanqisinninna waajjishannohu xirchisiwiinni gatate kinchu qarrira, godahonna balete giddo maaxantanno.

ISAYAASI 32:13

Manni'ya baattora utunna qu'muudo fultino daafira, alba hagiidhanni hee'rino minnaranna, hagiirru wo'meenna hee'rino katamira wi'le.

ISAYAASI 34:13

Mootete minenna qiinshoonni katamma baalate, utunna kokko'lu fulanno; Yeedaalanna awulo galtannowa ikkitanno.

HOOSEI 10:2

Wodaninsara xagarro wo'mitino; assitino saono amaddannonsa. Kaaliiqi, kakka'litanno darga baalanka hunanno. Kaphu magannara kumbuultara seekkidhino sooddiyyeno hiiqqaqqanno.

HOOSEI 10:5

Samaariyu katamira hee'ranno manni Beetiaweeni nooha siitu suudinni seekkinoonniha kaphu magano lowo geeshsha waajjanno. Ayirrinyisi mulqaminohura mannisi wi'lanno. Kaphu magani qeesootino, «Woo» yite wi'litanno.

HOOSEI 10:9

Kaaliiqi, «Israeelete manni Gibia katamira cubbo loosi yannanni kayise techo geeshsha, ane dadillisa diagurino. Kunnira Gibia olu ka"annonsa.

HOOSEI 2:6

Kunni daafira doogose utunni cufeemmo. Fultanno furcho afidhannokki gede gangaawase kinchunni huxxeemmo.

HOOSEI 4:13

Ilaallate aana kakka'litanno; tulluwate aana hixaana giirtanno. Jajjabbanna caaffaame haqqe danchu caali noote hundano, kunni gari kakkalo shiqishshanno. Kunninni kainohunni seenninsa baashaawanno; oosonsa seennino fooranno.

HOOSEI 4:15

«Ki'ne Israeelete manni anera ammanama gibbinirono, Yihudu manni tenne sao giddora eanno gede assitinoonte. Kunnira ane magansidhinara Galgala woy Beetiaweeni hadhinoonte. ‹Kaaliiqi Halaaleeti› yitineno su'mi'yanni xaartinoonte.

HOOSEI 5:8

Olaho fultanno gede Gebaooni buudu xurumbi luulo, Raama siwiilu xurumbi luulo macciishshiishshe. Beetiaweeni, «Biiniyaami ga're! Ate ledo hee'noommo» yitinanni raarre.

HOOSEI 8:5

Samaariyu manna! Siitu suudinni seekkinoonnita kaphu maganna'ne shagaggi're giwoommo. Hanqi'ya ki'ne aana giirate gede buwanno. Cubbi'nenni keeraabbinannikkihu mamooti geeshshaati?

HOOSEI 9:6

Baotenni gattara xooqqanno woyite, Gibitsootu gamba assite Memfiisi madaartannonsa. Duu'nitinoti birru jiro baala ishine uddidhe gattanno; galtanno mini giddono utunna kokko'lu fulanno.

AMOOTSI 1:5

Demaasiqote Katami huxxi cufanna baala hiiqqaqqeemmo. Aweeni Lagichira hee'ranno manna shorreemmo. Gashshaanchonsano Beeti-Edeninni huneemmo. Sooriyu mannino Qiiri yinanni gobba qafadame ha'ranno» yii.

AMOOTSI 3:14

Loosino cubbi daafira, Israeelete manna qorichisheemmo barra, Beeteli Katami giddo nooha kakkalote darga diigeemmo; kakkalote darga noo buuddano, hiiqqaqqante baattote aana ubbanno.

AMOOTSI 7:9

«Yisihaaqi sirchi magansi'ranno gaari diigamanno; Israeelennihu qullaawu darginsa onanno; Iyorbiaami maateno bagadu gudanno» yii.

AMOOTSI 8:14

‹Daani magano› woy ‹Bersaabehi magano› yitanni Samaariyu maganna battennite su'minni xaartannori ubbanno; ubbinowiinnino horonta dika'anno» yii.

MIKIYAASI 1:13

Ki'ne Lakiishi heedhinanniri faradu gaare qixxeessidhe. Israeelete cubbi balaxe ki'newa leellinona, kunnira Yerusaalame sao assitanno gede kaima ikkitinoonniri ki'neeti.

MIKIYAASI 1:5

Kuni baalu ikkannohu Israeelete manni cubbo loosatenni Magano dadillisinohuraati; Israeelete manni baora kaima ikkinohu ayeti? Jawiidi katamansa Samaariya di"ikkino? Yihudu manni kaphu maganna magansi'ratenni cubbo loosanno gede assinohuno ayeti? Yerusaalame di"ikkitino?

NAHOOMI 3:11

Nennewe! Ati dimbe gaggawanno manchi gede ikkattohunna diinnakkiwiinni xooqqe umo worattowa hasi'ratto yanna dagganno.

LUQAASI 23:30

Hattenne yannara mannu ilaalla, ‹Aananke ubbe!› Gaarrano, ‹Maaxxenke!› yaanno.

MARRO 9:21

Qoleno hakkonne cubbu looso'ne, seekkidhinoonnita siitu misile haa're giiroommo. Hakkunni gedensaanni, hiiqqaqqe bukonna buluulo asse ilaalu aaninni dirranno wayi giddo fincoommo.

YOHAANNIS AJUUJA 6:16

Ilaallatenna kinnate, «Ayirradu barcimira ofolle noohu albinninna Ge'rechu hanqinni aananke ubbine maaxxenke!

YOHAANNIS AJUUJA 9:6

Hatte yannara mannu reyo halchanno; kayinni diafi'ranno. Reyara baxanno; reyo kayinni albinni xooqqanno.