HOOSEI 10:6 - Qullaawa Maxaafa

⁶ Kaphu magano Asoori gobba massineenna jawu mootera afansha ikke shiqanno. Busha amaale ha'runsatenni kainohunni Israeele saalunna shollinyu amadannonsa.

HOOSEI 10:6 ပူးပေါင်းရင်းမြစ်များ

LAYINKI MOOTOOLLA 17:3

Asoori moote Seliminaasoori daye qasisi yannara qeelame anga ee, diru dirunkunni isira gabbaranni hee'rino.

IYYOOBI 18:7

Albi gede halashshe qaafe diafanno; busha hedosi sarraaqqe tuggannosi.

ISAYAASI 1:29

Kaphu maganna magansi'rate yitine doodhitinoonni haqqenni kainohunni saalfattinanni.

ISAYAASI 30:3

Ikkollana Gibitsete moote hale assi'ra saalaho tugganno; Gibitse hexxa shollinye abbitanno.

ISAYAASI 45:16

Magansi'nanni misilla seekkitannori baalu saalfattanno; irraabbanno; baalunku mitteenni shollitanno.

ERMIYAASI 48:13

Beeteli Israeele irraawisinte gede, Kamooshino Moaabi gosa irraawisanno.

ERMIYAASI 7:24

Annuwa'ne kayinni macciishsha gibbinoe. Bushunna haxawarru wodaninsa hedannore assitino. Ani alba higge hadhanno gede hedummoro, insa kayinni badhe higge hadhanno.

HIZIQEELI 16:28

«Wolootu ledo loosatta foorre ikka hooggeennahe, Asoorootu hoode dodatta; albano ati insa elooti. Ikkollana, insano kassi diassitinohe.

HIZIQEELI 36:31

Hatte yannara, busha ikkito'nenna assitinoonniha busha coye qaaggine, cubbi'neranna assitinoonni batte baalate ki'nenee cee'mitinanni.

DAANIEELI 11:8

Magannansa misillano insara fushshaate assine shiqinshoonni uduunni culkunnihunna birrunnihu ledo Gibitse haa're ha'ranno. Haammata diro Gibitsete moote Sooriyu moote qasara dika"anno.

HOOSEI 4:19

Tenne bunshensanni kainohunni, bubbe fiite haadhe hadhannohu geeshsha faffe hadhanno; kaphu magannara kakkalansanni saalfattanno.

HOOSEI 4:7

«Ki'ne qeesootu kiiro'ne batidhu deerrinni, cubbi'ne ane albaanni bati'rino. Kunni daafira ayirrinye'ne mulqe shollisheemmo'ne.

HOOSEI 5:13

«Israeeli dhiwamasi, Yihudu madi'rasi afi woyite, Israeeli albasi Asoori widira higi. Kaa'lo afi'rate jawiidi mootewa manna soqqi. Kayinnilla isi gatisansara woy madansa hursara didandiino.

HOOSEI 8:6

Insa Israeele di"ikkitino? Kuni siitu suudinni seekkinoonnihu kaphu magani makaa'lannonsa? Ogeessu angasinni seekkinoha ikkino daafira, magano ikkara didandaanno. Kuni, Samaariyu manni siitu suudinni seekki'rino magani, hiiqqaqqame uwanno.

MIKIYAASI 6:16

Kuni duuchunku iillanno'nehu moote Omiirihanna gashshootesi ragi'nohu beettisi Akiaabi miniha busha rosonna busha looso ha'runsitinoonnihuraati. Isi amaale adhitinoonni daafira huneemmo'ne. Mannu wo'munku albaanni oso'linannire asseemmo'ne. Manni'ya mereero mishantinoonnire ikkitinanni» yaanno.