HOOSEI 10:5 - Qullaawa Maxaafa

⁵ Samaariyu katamira hee'ranno manni Beetiaweeni nooha siitu suudinni seekkinoonniha kaphu magano lowo geeshsha waajjanno. Ayirrinyisi mulqaminohura mannisi wi'lanno. Kaphu magani qeesootino, «Woo» yite wi'litanno.

HOOSEI 10:5 ပူးပေါင်းရင်းမြစ်များ

LAYINKI MOOTOOLLA 10:29

Ikkollana Iyu Israeele cubbu giddora eessinohu Naabaaxi beetti Iyorbiaami ha'rino doogo ha'ra diagurino. Iyorbiaami Beetelinna Daani uurrisi'rinota culkunni seekkinoonnita siitu misileno dihunino.

LAYINKI MOOTOOLLA 17:16

Maganinsa Kaaliiqi hajajo baala agurte magansidhannota 2 culkunni seekkinoonnita siittu misilla uurrisidhino. Qolteno Asheera mokkollicho seekkidhino; beeddahete kumbuultino; Ba"aalirano soqqantino.

LAYINKI MOOTOOLLA 23:5

Yihudu katammaranna Yerusaalamete qooxeessira noo gaarrara kakkalote darguwa aana kakkaltanno gede Yihudu mootoolla wortino qeesoota baala soqqantannokki gede assi. Ba"aalira, arrishshote, aganahonna gordu beeddahe baalate kakkaltanno qeesoota hooli.

LAYINKI DUDUWO 11:15

Iyorbiaami meichunna bootu misilenni seekkisiisi'rino magannara soqqantannore umisi qeese wodhino.

LAYINKI DUDUWO 13:8

«Xa ki'neno Kaaliiqi Daawiti sirchira uyinota gashshootu roorre ittissinara heddinoonni. Hedo'ne wonshi'rate lowo olantonna magansidhinara Iyorbiaami culkunni seekkisiisinota siittu misilla adhitine dagginoonni.

ISAYAASI 46:2

Baabilooni maganna hoo'la dandiitinokki daafira, alba higge gombisante ubbu; qafadante hadhu; insara hakkiichi gawalo ikki.

HOOSEI 13:2

Xaano cubbu aana cubbo loossanni no. Uminsara birra daashshite siittu misillanni kaphu maganna seekkidhe kumbuultino. Tenne angatenni seekkinoonnitera siittu misillara, «Amme kakkalo shiqishshe; sunqensa» yitanno.

HOOSEI 4:15

«Ki'ne Israeelete manni anera ammanama gibbinirono, Yihudu manni tenne sao giddora eanno gede assitinoonte. Kunnira ane magansidhinara Galgala woy Beetiaweeni hadhinoonte. ‹Kaaliiqi Halaaleeti› yitineno su'mi'yanni xaartinoonte.

HOOSEI 5:8

Olaho fultanno gede Gebaooni buudu xurumbi luulo, Raama siwiilu xurumbi luulo macciishshiishshe. Beetiaweeni, «Biiniyaami ga're! Ate ledo hee'noommo» yitinanni raarre.

HOOSEI 9:1

Israeelete manna! Ayyaanna dagate garinni ayirrisa agurre. Kuneeti Magani'newiinni baxxitine ayiddaannase agurte foortanno mancho gede ikkitinoonni. Atoote uyitanno'neha laweenna, Maganoho uyinanni ayirrinye kaphu magannara uyitinanni, ayiddumme baalate foorrete looso loossinoonni.

HOOSEI 9:11

Israeelete manni ayirrinyi, ceate gede buuwe ba"anno. Kunni ka'a ila diheedhanno; godowano diheedhanno; godowuno digatanno.

AMOOTSI 3:14

Loosino cubbi daafira, Israeelete manna qorichisheemmo barra, Beeteli Katami giddo nooha kakkalote darga diigeemmo; kakkalote darga noo buuddano, hiiqqaqqante baattote aana ubbanno.

SOFFOONIYAASI 1:4

«Yerusaalametenna Yihudu manna baala qorichisheemmo. Hakkonne dargano Ba"aali yinanniha kaphu magano maganisidhannore, gattinorenna qeesootano co'o asse huneemmo.

SOQQAMAASINETE LOOSO 19:27

Kunni garinni ninke looso calla ikkikkinni Issiyahonna gobba baalate egennaminohu Arxemiisi galmi mullare ikke gataraati; Arxemiisi ayirrinyino ba"araati» yii.

IYYAASU 7:2

Iyyaasu Iyyaarkonni, Beetelira soojjaatoonni Beetiaweeni mule noohuwa Gayi katamira manna soye, «Hakkiichira fultine baatto dooyye» yiinsa. Mannootuno fulte Gayi dooyyitu.

EJJEETTO 18:24

Isino, «Mayira maikkitto yitinannie? Seekki'roommota maganna'yanna qeesicha'ya adhitine hadhinoonni; hanni anera mayi gatinoe?» yiinsa.