HOOSEI 10:2 - Qullaawa Maxaafa

² Wodaninsara xagarro wo'mitino; assitino saono amaddannonsa. Kaaliiqi, kakka'litanno darga baalanka hunanno. Kaphu magannara kumbuultara seekkidhino sooddiyyeno hiiqqaqqanno.

HOOSEI 10:2 ပူးပေါင်းရင်းမြစ်များ

UMI MOOTOOLLA 18:21

Eeliyaasino mannaho, «Lamu wodaninni dintinanni heedhinannihu mamooti geeshshaati? Kaaliiqi Maganohoro iso magansidhe! Woy Ba"aali Maganohoro Ba"aali magansidhe!» yiinsa. Mannu kayinni mitto qaaleno didawarino.

FULO 23:24

Magannansa magansidhinoonte; qoltineno soqqantinoontensa; loosinsarano karsantinoonte. Magannansa co'o assitine hunne. Magansidhannota sooddiyyensano hiiqqaqqe.

LAWISHSHA 11:18

Busha mancho gamba assi'rannori dikaa'lannosi; keeraanchu kayinni halaalu woxe afi'ranno.

ISAYAASI 44:18

Hattoo manni mittoreno afannokki gede wodananna ille beewinoho.

ERMIYAASI 43:13

Gibitsete gobbara Heliyopoliisi yinanni katamira noota kinnatenni seekkinoonni sooddiyye diiganno. Gibitsennita kaphu magannanna galmuwansa giiranno yiino» yite kulinsa.

HIZIQEELI 14:5

Hakkuri kaphu maganna Israeele anewiinni faffanno gede assitino. Kayinnilla, xa qoleemmonsa dawaronni anewa higgannoha ikkanno.

HOOSEI 12:11

Kuni baalu ikke hee'reennanni Geleaadi gobbara kaphu magannara kumbuultanno. Kaphu magannara kumbuultannori kayinni ba'anno. Galgalaho woraamma kakkalote shiqishshanno. Kakka'litanno darguwa kayinni hiiqqaqqante loosu mereero kinnate duuno ikkite gattanno» yii.

HOOSEI 13:16

Samaariyu anera maahoyye giwino daafira qorichisheemmo; mannisino olunni reyanno. Qaaqquullu baattote aana cancanamanno; godowinni noorihu godowinsa dadhamanno» yii.

HOOSEI 3:4

Kunni garinni Israeelete manni moote nookkiha woy albisu nookkiha, kakkalo nookkiha woy sooddiyye nookkiha, qeesimmate uddano nookkiha woy Maganu yaannore kulannori nookkiha lowo diro hee'ranno.

HOOSEI 7:8

Kaaliiqi, «Israeelete manni dagate ledo karsamino. Insa galchiminokki timi gedeere ikkitino.

LEEWAAWOOTA 26:30

Gaarunnita kumbuultinanni baseno diigeemmo; hixaana giidhitinanni uduunne huneemmo; reeshsha'neno hiiqqaqqantino maganna'ne aana tugeemmo; ki'neno tiyyi're giweemmo'ne.

MIKIYAASI 5:13

Kaphu maganna'nenna angatenni seesiinse loonsoonni misilla'nera dikumbuultinanni.

SOFFOONIYAASI 1:5

Gumayicho giddite arrishshote, aganahonna beeddahete kumbuultannore huneemmo. Ane magansidhanninna su'miyanni xaartanni heedhenni, wirri yite Melkoomi yinannihu kaphu magani su'minni xaartannore huneemmo.

ZAKKAARIYAASI 13:2

Hakka waro, magannansa su'ma gobbate aaninni huneemmo; layinkimeeshsho qaagannonsahu dihee'ranno; battete ayyaaninni coyidhannore kaphu himanaano baattote aaninni hooleemmo.

MAATEWOOSI 6:24

«Mittu manchi lamu Mootichira soqqama didandaanno. Woy mitto giwe mitto baxanno; woy mitto ayirrise mitto mishanno. Hattonni mittu manchi Maganohonna woxeho borojjicho ikka didandaanno.

LUQAASI 16:13

«Mittu manchi lamu mootichira soqqama didandaanno. Woy mitto giwe, wole baxanno; woy mitto ayirrise, wole mishanno. Hattonni Maganohonna woxeho soqqama didandiitinanni» yii.

YAIQOOBI 1:8

Lame hedo noosihuranna yiinowa kaajje uurrannokki daafira afi'rara didandaanno.

YAIQOOBI 4:4

Ki'ne ammanantinannikkiri! Tenne gobba baxa Magano giwa ikkitinota diegentinoonni? Kunnira, tenne gobba baxannohu baalu Maganoho diinaho.

UMI YOHAANNISI 2:15

Tenne alame woy alamete aana noore baxxinoonte; tenne alame baxannohura Maganu Annu baxilli giddosi dino.

UMI SAAMUEELI 5:4

Layinki soodono ka'e la'anno woyite, Daagooni Kaaliiqi Taabootira albaanni, baattote aana gombisame no; angasinna umisi hiiqqaqqante xullote ubbeenna gatino widi callu dargaho no.