HOOSEI 10:14 - Qullaawa Maxaafa

¹⁴ manni'ne aana jawaatu oli daanno; qiisho'ne baalanti diigantanno. Kunino Shalamaani yinanni moote Beeti-Arbeeli yinanni katama olunni diigi gedenna amuuwa oosonsa ledo baattote aana cancane gudi yanna gede ikkanno.

HOOSEI 10:14 ပူးပေါင်းရင်းမြစ်များ

KALAQAMA 32:11

Daye anenna meento'ya oosonke ledo gudannonke yee waajjoommona, rodii'ya Eesawu anganni gatisie.

LAYINKI MOOTOOLLA 17:16

Maganinsa Kaaliiqi hajajo baala agurte magansidhannota 2 culkunni seekkinoonnita siittu misilla uurrisidhino. Qolteno Asheera mokkollicho seekkidhino; beeddahete kumbuultino; Ba"aalirano soqqantino.

LAYINKI MOOTOOLLA 17:3

Asoori moote Seliminaasoori daye qasisi yannara qeelame anga ee, diru dirunkunni isira gabbaranni hee'rino.

LAYINKI MOOTOOLLA 18:33

«Wole gosa maganna giddonni Asoori moote anganni mannasi gatise egennino magani nooni?

ISAYAASI 17:3

Israeeleno qiisho nookkita ikkitanno; Demaasiqo wolu angara e'anno. Gattino Sooriyooti Israeelete manni gede shollitanno. Konne coye coyi'roommohu ani Olantote Mootichi Kaaliiqaati.

ISAYAASI 33:14

Tsiyooni heedhanno cubbaataammi waajjitanno; maganiweelo gosano qece yite huxidhanno. Insano, «Xo'annokki giira Kaaliiqi hanqite ledo, hee'ra dandaannohu ayeti» yitanno.

ERMIYAASI 13:14

Aja akkala googiddate gede mimmitoho qole ganeemmo; insa hunate dimarareemmo; dimaareemmonsa; yoommotano badhera diqoleemmo» yii.

ERMIYAASI 48:41

Katammanna qiisho baala amadantanno; hatte yannara Moaabi olanto game amaddino mancho gede ikkitanno.

HOOSEI 10:15

Beeteli manna! Loossinoonnihu cubbi'ne batinyinni kainohunni ki'nerano hattoo bao iillitanno'ne. Olu ka"anni hee'reennanni hakkawoyintenni Israeelete moote horonta ba"anno» yaanno.

HOOSEI 13:16

Samaariyu anera maahoyye giwino daafira qorichisheemmo; mannisino olunni reyanno. Qaaqquullu baattote aana cancanamanno; godowinni noorihu godowinsa dadhamanno» yii.

AMOOTSI 3:14

Loosino cubbi daafira, Israeelete manna qorichisheemmo barra, Beeteli Katami giddo nooha kakkalote darga diigeemmo; kakkalote darga noo buuddano, hiiqqaqqante baattote aana ubbanno.

AMOOTSI 3:8

Doobbiichu ittananna macciishshe, waajjannokkihu ayeti? Mootichu Kaaliiqi go'lino coye kuleennasi, himana coyi'rannokkihu nooni?

AMOOTSI 9:5

Olantote Mootichi Kaaliiqi baatto amammadanno; iseno shiiltanno. Abbayi Wayi wo'me iima hige ka"annonte gede, baatto baala hembeelantanno; baattote aana hee'rannohu baalu wi'lanno.

MIKIYAASI 5:11

Gobba'nera noo katamma huneemmo. Qiisho'ne wo'manta diigeemmo.

NAHOOMI 3:10

Tenne kaa'lo giddoonni, Tebisi Katama diinu horreenna, mannisino qafadamino; qaaqquullesino kinnatenni cancanne doogga baalate tungoonni. Ejjeettonsano hixa ga'nite beeqqite cagaagetenni usurte haadhe hadhinonsa.

NAHOOMI 3:12

Qiishokki baalanti balaxxe iillitino laalo amadde hunduruurritino haqqicho gedeeta ikkitanno. Shashshafante giggiltanno yannara, itannohu afiira ubbanno.

IMBAAQOOMI 1:10

Mootoolla mishshanno. Gashshaanono arrassitanno. Katammate qiisho baala mishshe oso'litanno. Qiishote aanchite bushsha duunte aanaanni higge fulte amaddanno.