HOOSEI 10:12 - Qullaawa Maxaafa

¹² Anino, ‹Kunni ka'a galo baatto hawuurre; keeraanchimma umi'nera wixidhe; anera ammanantinoonnire ikka'nenni daanno atoote gamba assidhinannina. Kuneeti ane Kaaliiqi'newa higginanni yanna xaati! Anino daye atoote xeenimma dirriseemmo'ne› yoommo.

HOOSEI 10:12 ပူးပေါင်းရင်းမြစ်များ

FAARSO 105:4

Kaa'losi afidhinanni gede Kaaliiqa hasidhe; wo'manka woyite magansidhesi.

FAARSO 72:6

Mooteno xawoho gananno xeeninna baattote uwanno shori gedeeha ikko.

LAWISHSHA 11:18

Busha mancho gamba assi'rannori dikaa'lannosi; keeraanchu kayinni halaalu woxe afi'ranno.

LAWISHSHA 18:21

Reyonna heeshsho arrawu aana no; kunnira, mannu coyi'rinore adhanno.

ROSIISAANCHO 11:6

Kuni woy ku'u woyyannoro, woy wo'munku seyannoro afoottokki daafira, soodono wixi; hashsha geeshshano wixa agurtooti.

ISAYAASI 30:23

Wixidhinanni jajja lossa'neranna lowo gide laashsha'nera Kaaliiqi xeena dirrisanno'ne; saada'ne hossannota hala'lado hayisso gobba aanno'ne.

ISAYAASI 31:1

Lowo farado, faradi gaarenna gaaddo afidhinota Gibitse hexxite, kaa'lote hakkiichira hadhannorira aanne'e! Israeelete Qullaawa ikkinoha hexxa agurtino; isi kaa'lono dihasidhino.

ISAYAASI 32:20

gide, daadanno wayi gama wixidhanno daafiranna, lalinsanna harrensa hossannowa afidhannohura, hagiirraamma ikkite heedhanno.

ISAYAASI 44:3

«Goodhino baattora waa eemmo; moola baattorano xashshu lolahanno gede asseemmo; oosokki aana Ayyaana'ya duneemmo; oosokki oosorano maasso lolaaseemmo.

ISAYAASI 45:8

Ki'ne gorduwa, keeraanchimma xeenu gede iiminni dirrisse! Gomichuno kikkiifona. Baattono fa'nanto; gatonna keeraanchimma lophito. Konne baala asseemmohu ani Kaaliiqaati» yii.

ISAYAASI 48:18

Hajajo'ya seekkitine macciishshitinoonniha ikkoommero, keeru moolannokki wayi gede, keeraanchimmano baaru dambali gede ikkite heedhanno'ne.

ISAYAASI 5:6

Hakkunni gedensaanni woyine'ya diquuxeemmo; giddono dilooseemmo. Kunnira woyine ishinu, kokko'lunna utu egemmanno gede asseemmo. Xeena ganannokki gede gomicho hajajeemmo» yii.

ISAYAASI 54:14

Halaalunna taashshate aana xinteemmohe; beebbanna gadadishshu atewiinni fafanno; waajjishannoherinna masisannoheri dihee'ranno.

ISAYAASI 55:6

Kaaliiqa leellanno yannara hasidhe; shiqqi yee hee'reenna woshshidhe.

ERMIYAASI 50:4

Kaaliiqi, «Hatte yannara, Israeelennihunna Yihudu manni gamba yee wi'lanni, ane Maganonsa hasi'ranni daanno.

HIZIQEELI 34:26

«Ani maassi'reemmonsa; Qullaawu Ilaali'ya gaangaawira hee'ranno gede asseemmonsa. Hasiisannonsa yannara ikkanno geeshshi xeena ee maassi'reemmonsa.

HOOSEI 12:6

Kunnira ki'ne Yaiqoobi sirchi Magani'ne kaa'lo hexxe; isiwano higge. Baxillenna halaalaancho yoo duudhine amadde. Agurtinikkinni Magano cincatenni agadhe.

HOOSEI 14:1

Israeelete manna! Magani'ne Kaaliiqiwa higge; sarraaqe tugino'nehu umi'ne cubbo ikkinota affe.

HOOSEI 6:3

Amme, Kaaliiqa afate lowo geeshsha diinaggaambona. Isino soodimari xawaabbinna baatto duushshannohu badheessi xeeni gede addinta ninkewa daanno» yaanno.

HOOSEI 8:7

Insa bubbe wixidhe hombobolatte mixxitanno; gideho gumu dihee'rannosi. Gumu hee'riro nafa allaggichu itanno.

AMOOTSI 5:15

Busha coye hunne; dancha coye baxxe; yoote nafara baala halaale xeissinoonte. Miteekke Olantote Mootichi Kaaliiqi, gatinoha Israeelete manna mararannoha ikkannona.

AMOOTSI 5:4

Kaaliiqi, «Israeelete manna, lubbotenni heedhinannina, ki'ne ane hasidhe.

AMOOTSI 5:6

Israeelete manna, lubbotenni heedhinanni gede, Kaaliiqa hasidhe. Gibbiniro kayinni, giirate gede ikke giiranno'ne. Beeteli heedhannoreno giira ittanno; hattenne giira xoyissannohu dihee'ranno.

AMOOTSI 5:8

Piliyaadisi yinannire 7 beeddahenna, Ooriyooni yinanni beeddahe, hubbo hubbo asse kalaqinohu Maganoho. Hashsha barraho, barra hashshaho soorrannohu, baaru waa gordu iimira fushshe, galagalche baattote aana lolaasannohu, wolqaataammanna qiishonsa buluulo assannohu isooti. Su'misino Kaaliiqaati.

LUQAASI 13:24

«Ruukkashsho waalcho higgine eate, wolqa'ne uyitu deerrinni jawaatte; kuleemmo'nena, hakko waalchi widoonni hige eate lowo manni hasi'ranno; ea kayinni didandaanno.

SOQQAMAASINETE LOOSO 2:18

Hakko barra, labbaanna meyaa soqqamaano'ya aana, Ayyaana'ya duneemmo. Insano himana coyidhanno.

LAYINKI QORONTOOSI 9:10

Wixi'rannohura wixa, itannohura tima halashshe aanno Magani wixidhinanni wixano fakkanche aanno'ne. Keeraanchimma'ne gumano halashshanno'ne.

YAIQOOBI 3:18

Keere baxxannori, keere wixidhe keeraanchimmate guma gamba assidhanno.