HOOSEI 1:10 - Qullaawa Maxaafa

¹⁰ Israeelete manni batinyi kiirrara woy bikkinara dandiinannikkihu baaru shaafi geeshshiha ikkanno. Kaaliiqi, «Manna'ya di"ikkitinoonni» yiinsarono, hakko heedheennanni, «Heeshshote Magani ooso» yinanninsa yanna dagganno.

HOOSEI 1:10 ပူးပေါင်းရင်းမြစ်များ

KALAQAMA 13:16

Sirchokki baattote shaafi gede asse batiseemmo; baattote shaafa kiira dandaannohu hee'riro, ate sirchono kiira dandiinanni.

KALAQAMA 32:12

Atino ‹Halaalinta danchare asseemmohe; sirchokkino batinyunni kainohunni kiirrannikkiha baaru shaafi geeshshiha asseemmo› yoottota qaagi» yee huucci'ri.

LAYINKI SAAMUEELI 7:24

Mannakki Israeeleno hegerera atere assi'rootto. Mooticha, atino Maganonsa ikkootto.

ISAYAASI 43:6

« ‹Ooso'ya xeertote gobbanni daggona hooltinoontensa› yee, Aliyyeenninna wodiidoonni noo gosara kuleemmo.

ISAYAASI 48:19

Sircho'neno baaru shaafi gede batiseemmo; co'o yee goofannokki gede agareemmo.

ISAYAASI 63:16

Abirihaami afa hooginkerono, Israeeli egenna hooginkerono, ati annankeeti. Maganonke, bi're albinte gede ati annankeeti; bi're albinni kayisse gatisaanchonkeeti.

ISAYAASI 64:8

Ikkirono, Kaaliiqa ati ninkera annankeeti; ninke bushshaho. Seekkoottonkehu ateeti; ati angakkinni kalaqoottonke.

ISAYAASI 65:1

Kaaliiqi, «Huuccidhinoekkirira anenee xawisoommo; hasidhinoekkirira leelloommo; woshshidhinoekki gosara, ‹Yee› yoommonsa.

ISAYAASI 66:20

Insa roduuwa'ne baala gobba gobbantenni farado, faradi gaare, gaare, gaangootanna gaala gulufisiisse anera afanshu gede assite Qullaawu Ilaali'yawa Yerusaalame haadhe abbitannoe. Insa haadhe abbitanno Israeelooti gidu fushshaate lagaawinokki uduunnichira worre anera Qullaawu Minira haa'ne abbinannihu gede assite uyitannoe.

ERMIYAASI 33:22

Soqqamaanchi'ya Daawiti sirchonna Leewi sircho ikkitino qeesoota batiseemmo; batinyinsano gordu beeddahenna baaru shaafi gede kiirre anfannikkiha ikkanno» yiie.

DAANIEELI 6:26

Gashshooti'ya giddo hee'ranno manni baalu, Daanieeli Magano waajjanno gedenna, ayirrisanno gede lallawunni hajajoommo. Maganisi heeshshonnihonna hegerera hee'rannoho; isi hegere hegerera mootete; gashshootisirano gawalo dino.

HOOSEI 1:9

Kaaliiqi Hooseira, «Kunni ka'a Israeelete manni aneha di"ikkanno; anino insa Magano di"ikkeemmo. Kunni daafira beettikkira su'ma, Loaami yite fushshi» yiisi.

HOOSEI 2:23

Manna'yano baattote aana wixeemmo; duroo'mitanno gedeno asseemmonsa; «Maaro nookkireeti» yinoonnire maareemmonsa. «Manna'ya di"ikkitinoonni» yinoonnire, manna'yaati yeemmonsa. Insano, «Ati Maganonkeeti» yitannoe.

YOHAANNISI 1:12

Haadhinosiriranna su'misinni amma'nitinorira kayinni, Maganu ooso ikkitanno gede roorre uyinsa.

ROOMU SOKKA 8:19

Kalaqamu baalu, Maganu ooso la"ate quqquxame agadhe no.

LAYINKI QORONTOOSI 6:18

Ani anna ikkeemmo'ne; ki'neno anera meyaanna labbaa ooso ikkitinannie» yiino. Wo'manka Dandaanno Mootichi hatto yiino.

IBIRAAWOOTA 11:12

Kunni garinni, reyino manchi gede assine hendoonnihu Abirihaami, gordu beeddahenna baaru shaafi gede kiirre dandiinannikki manna ilino.