HIZIQEELI 9:6 - Qullaawa Maxaafa

⁶ Meya labbaaha aja akkala yitinikkinni oosonte ledo baalanka shiiyye. Kayinnilla albisi aana malaatu noosiha ayeno kissinoonte; shaano kawiinni Qullaawu Mini'yanni hanaffe» yaanna macciishshoommo. Kunnira, hakko Qullaawa Mine uurrite noo albisootinni kayisse shaa hanaffu.

HIZIQEELI 9:6 ပူးပေါင်းရင်းမြစ်များ

KALAQAMA 4:15

Kaaliiqi isira, «Dee'ni dihattooti! Kunni ka'a ate shaannohura baalaho lamala ero rabba iillitannosi» yiisi. Kaaliiqi Qaayeeli afihu baalu shaannosikki gede malaate worisi.

LAYINKI DUDUWO 36:17

Kunnira Baabilooni moote gawajjannonsa gede haa're abbi. Baabilooni mooteno Qullaawa Mine noore nafa agurikkinni Yihudunnita aja ooso baala shee gudi. Maganu sayise uyinosi daafira aju akkali, meya labbaahu gatikkinni baalanka mararikkinni gudino.

FULO 12:23

Kaaliiqi Gibitsoota reyotenni ganara baattonsara ha'ramanni, gafotenna lamunku waalchira mundee afanno woyite agure sa"anno; shaanno sokkaasinchino mini'nera e"e ki'ne shaannokki gede hoolanno.

ERMIYAASI 16:6

Tenne baattora noohu buxichuno dureessuno reyanno. Wi'lannonsahunna madaarannonsahu dihee'ranno; xissiisi're baqqaalla bici'rannohunna umo meexxannohu dihee'rannonsa.

ERMIYAASI 25:29

Kune ani guda hanafeemmohu ane kataminni kayiseeti. Qorichishantinikkinni gattinanniha lawino'ne? Baattote aana noo baalira bagado kayiseemmo. Konne coye coyi'roommohu ane Kaaliiqaati» yii.

ERMIYAASI 44:7

«Xaano ani Israeelete Magani Olantote Mootichi Kaaliiqi mitto coye xa'meemmo'ne. Ki'neno tenne bunshe mayira loossine tenne bao umi'nera, labballu, meentu, oosotenna qaaqquullu aana abbitine mannu taraare gooffanno gede assitinanni?

ERMIYAASI 44:8

Heedhinara dagginoonni gobbara Gibitsete noo magannara kakkaltinanni ane mayira hanqissinannie? Togo assatenni, umo'ne rumonniha assitine, daga baalate mereero ajiiffantannire ikkitinanni.

ERMIYAASI 6:11

Mooticha'ya, ate hanqi ane giddono buwanni no; giddo'ya amade keeshshiisha didandoommo» yoommo. Kaaliiqino, «Hanqo'ya doogote aana noo qaaqquulli aananna, gamba yite noo wedelli aana duni; ayiddaannanna ayiddaama mitteenni haa'nanni; lowo geeshsha geedhino geerri nafa digatanno.

ERMIYAASI 9:21

Reyo waalchonke iillitino; qiishonke giddora e'ino; qaaqquulle doogote, wedellano gudumaaleho shitanno» yoommo.

HIZIQEELI 11:1

Maganu Ayyaani uullanni iima qole kayise"e, soojjaati ragaanni noohuwa Qullaawu Mini waalchiwa abbie. Hakkiicho waalchu mule 25 manna afummo. Insa mereero mannu albisoota ikkitinori Azuuri beetti Azaaniyanna Beenaya beetti Felaaxiyi no.

HIZIQEELI 9:4

«Yerusaalamete katami baalaho kawanna ka'a higge ha'rami. Katamaho assinoonnihu tiyyi'nanni coyinni kainohunni, lowo geeshsha yaade dadillanni noo manni albi aana malaate wori» yiisi.

HIZIQEELI 9:5

Galagaleno Maganu wole manna, «Ki'neno isi hoode katamu giddo kawanna ka'a hadhinanni manna shiiyye; mittoreno marartine gatissinoonte.

AMOOTSI 3:2

Baattote aana hee'ranno manni baalu giddonni, ani dooroommori ki'ne calluwaho. Loossinanni cubbi baalaho, qorichisheemmo'nehuno kunniraati.

LUQAASI 12:47

Mootichisi hedo afanni hee'renni agadhinokkihunna hajajosi wonshinokki soqqamaanchi lowo geeshsha qorichishamanno.

MARRO 2:34

Hatte yannara, katammasi wo'manta amande diinge hunnoommo. Hakkiicho heedhannore labballo, meentonna oosonsa baala co'o assine gundoommo; mittono digatinsoommo.

MARRO 3:6

Hasebooni mooteha Sewooni katamma assinummonte gede katamma baalanta labballo, meentonna oosonsa co'o assine gundoommo.

MARRO 32:23

« ‹Higgannokki bao abbeemmonsa; bagado'yano aanansa gudeemmo.

LAYINKI XIMOOTEWOOSI 2:19

Ikkollana, «Mootichu isire ikkitinore afino» qoleno, «Mootichu su'ma ganannohu baalu bunshetewiinni xooqo» yitannoti shashshafantannokkiti Maganu safo sigiigge heedhanno.

YOHAANNIS AJUUJA 14:4

Meyate ledo foorte battaabbinokki daafira lago diafidhinoreeti. Insa Ge'rechu ha'rannowa baala hoodesi hadhanno. Maganohonna Ge'rechoho umi laalcho ikkite shiqqanno gede mannu giddonni wonde gatinsoonnireeti.

YOHAANNIS AJUUJA 7:3

«Maganinke soqqamaano albira sumuda worrammo geeshsha baatto woy baara woy haqqe gawajjitinoonte» yee raare kuli.

YOHAANNIS AJUUJA 9:4

Baattote aana noo hayisso woy aye mu'runo ikkito woy haqqa gawajjitannokki gede kullinsa; Maganu sumudi albinsara nookki manna calla shetissanno gede kulloonninsa.

UMI SAAMUEELI 15:3

Xa marte, Amaaleqoota qasi. Noonsare baala: Labbaaha, meyata, oosonna qaaqquulle, lalonna ge'reewo, gaalanna harre mittono gatisittokkinni co'o assite gudi› yiinohe» yiisi.