HIZIQEELI 9:4 - Qullaawa Maxaafa

⁴ «Yerusaalamete katami baalaho kawanna ka'a higge ha'rami. Katamaho assinoonnihu tiyyi'nanni coyinni kainohunni, lowo geeshsha yaade dadillanni noo manni albi aana malaate wori» yiisi.

HIZIQEELI 9:4 ပူးပေါင်းရင်းမြစ်များ

KALAQAMA 4:15

Kaaliiqi isira, «Dee'ni dihattooti! Kunni ka'a ate shaannohura baalaho lamala ero rabba iillitannosi» yiisi. Kaaliiqi Qaayeeli afihu baalu shaannosikki gede malaate worisi.

LAYINKI MOOTOOLLA 22:13

«Martine aninna Yihudaho hee'ranno manni kunni maxaafi giddo noo coye buuxa dandiineemmo gede Kaaliiqa xa'me. Akaakkanke Kaaliiqira hajajama gibbino daafiranna kunni maxaafi giddo kulloonni coyeno wonsha hoogginohura Kaaliiqi hanqinonke» yiinsa.

FAARSO 119:136

Mannu seerakki diigino daafira, hindiiddo'ya wayimma lolakkanno.

FAARSO 119:53

Bushuullu seerakki huntanna afeemmo woyite, lowo geeshsha aarameemmo.

FULO 12:13

Xullichi'nera waalchoho noo mundee, ki'ne heedhinoonni mine ikkinota leellishshanno malaateeti; anino mundee afeemmo woyite agure saeemmo'ne; kunni garinni Gibitsoota qoomamunni ganeemmo yannara, ki'nera mittu qoomamino di"iillanno'ne.

FULO 12:23

Kaaliiqi Gibitsoota reyotenni ganara baattonsara ha'ramanni, gafotenna lamunku waalchira mundee afanno woyite agure sa"anno; shaanno sokkaasinchino mini'nera e"e ki'ne shaannokki gede hoolanno.

FULO 12:7

Mannuno mittu mittunku maala intanni mini xullichira waalchohonna gafote mundee ga'nona.

ISAYAASI 57:15

Rooriidihunna wo'munkura aliidihu, hegerera hee'rannohu Qullaawu, «Ani iima qullaawa darga hee'reemmo. Qoleno umonsa heeshshi assitannorihanna saonsa aagintaabbannori wodana haaroonseemmo.

ERMIYAASI 13:17

Yiinota gibbiniro kayinni, boo'na'ne daafira maaxame wi'leemmo. Kaaliiqi manni qafadame ha'ranno woyite, agurummokkinni hururame xurfu yee wi'leemmo.

HIZIQEELI 21:6

«Koo manchi beetto, mannu baalu afannohewa heedhe, hexxo mudhite dadillitanni uri!

HIZIQEELI 6:11

Mootichu Kaaliiqi, «Israeelete manni assino bunshenninna shagaggi'nanni coyinni kainohunni, hudetenninna bagadunni goofanno daafira, umo cu'midhine gagaso ga'nitinanni bayisibao yitinanni hururantine wi'le.

HIZIQEELI 9:5

Galagaleno Maganu wole manna, «Ki'neno isi hoode katamu giddo kawanna ka'a hadhinanni manna shiiyye; mittoreno marartine gatissinoonte.

HIZIQEELI 9:6

Meya labbaaha aja akkala yitinikkinni oosonte ledo baalanka shiiyye. Kayinnilla albisi aana malaatu noosiha ayeno kissinoonte; shaano kawiinni Qullaawu Mini'yanni hanaffe» yaanna macciishshoommo. Kunnira, hakko Qullaawa Mine uurrite noo albisootinni kayisse shaa hanaffu.

AMOOTSI 6:6

Woyinete xajje birilletenni ikkikkinni, gawatetenni agginanni. Lowo geeshsha waaga iibbado shitto buudhitinanni; Israeelete aana daggino baora kayinni, horonta didadillitinanni. Konne baala coye assitinanni daafira, ki'nera aanne'e!

SOFFOONIYAASI 1:12

«Hakka waro Yerusaalame caabbichunni qonqolche laeemmo. La'minyunni boo'nite, ‹Kaaliiqi danchano ikko busha coye horontanni diassanno› yitannore qorichisheemmo.

SOFFOONIYAASI 3:18

Kaaliiqino, «Kunni ka'a bao iillitannohekki gede asseemmo; saalakkino hooleemmo.

MILKIYAASI 3:16

Hatte yannara Kaaliiqa waajjitannorinna su'masi ayirrissannori insa insanaawa hasaabbu. Isino macca insa widira qoli; coyidhinoreno macciishshi. Hawantannokki gede su'mansa maxaafisira borreessi.

LAYINKI QORONTOOSI 1:22

Qoleno isire ikkankera sumudinonkehunna Qullaawa Ayyaana taje asse wodaninkera worinohu isooti.

LAYINKI QORONTOOSI 12:21

Galagale ki'newa dayemmo woyite, miteekke Magani'ya ki'ne albaanni shollishannoe yee waajjeemmo. Kunni albaanni cubbo loose, hattenne loosino battewiinni, foorretewiinni, busha hamaandewiinni aagintaawe higinokki manni daafira dadillu amadannoe yee waajjeemmo.

GALATIYU SOKKA 6:17

Yesuusi yeenna gawajjinoonnieta leellishshanno bassuwa aana'ya noo daafira, kunni ka'a ayino qarrisoonke"e.

EFESOONI SOKKA 4:30

Wodamate barrira sumudantinoonniha Qullaawa Maganu Ayyaana dadillissinoonte.

LAYINKI XIMOOTEWOOSI 2:19

Ikkollana, «Mootichu isire ikkitinore afino» qoleno, «Mootichu su'ma ganannohu baalu bunshetewiinni xooqo» yitannoti shashshafantannokkiti Maganu safo sigiigge heedhanno.

YOHAANNIS AJUUJA 14:1

Laeemmo woyite, Ge'rechu Tsiyooni Ilaali aana uurre nooha afummo. Isihanna Annisi su'ma albinsara borreessinoonniri 144,000 manni isi ledo no.

YOHAANNIS AJUUJA 20:4

Hakkunni gedensaanni yoote roorre uyinoonniri ofolte noota ayirrado barcimma afummo. Yesuusi xawisino halaale farcidhinohuranna Maganu qaali daafira goowansa gorrinoonni manni lubbuwa afummo. Insa moyicho woy misilesi dimagansidhinoreeti; moyichu malaateno albinsaranna angansara diwodhitinoreeti. Insa reyotenni ka'e Kiristoosi ledo kume diro mookku.

YOHAANNIS AJUUJA 9:4

Baattote aana noo hayisso woy aye mu'runo ikkito woy haqqa gawajjitannokki gede kullinsa; Maganu sumudi albinsara nookki manna calla shetissanno gede kulloonninsa.