HIZIQEELI 9:2 - Qullaawa Maxaafa

² Gobbaanni aliyye ragaanni Qullaawu Mini waalchinni 6 manni olu uduunne amade daanna afummo. Insa ledo waajjo shaalado uddano uddi're borreessinanniricho amadinohu mittu manchi no. Baalunku dagge camotenni seekkinoonnihu kakkalote dargi mule uurritu.

HIZIQEELI 9:2 ပူးပေါင်းရင်းမြစ်များ

LAYINKI MOOTOOLLA 15:35

Ikkeennano gaarrate aana noota dagate maganna magansi'nanni darguwa didiigino. Mannuno hakkiicho kakkalanna hixaana giira diagurino. Qullaawu Miniha aliyye waalcho seekkisiisinohuno isooti.

LAYINKI DUDUWO 27:3

Iyoaataami Qullaawu Miniha aliyye waalcho galagalche seekke, Yerusaalamete Katamira Oofeeli yinanni gaari widoonni noo huxxa huxxatenni lowo looso loosino.

LAYINKI DUDUWO 4:1

Moote Selemooni seendille 20 cigile, godowano 20 cigile, hojja 10 cigile ikkinoha kakkalote uduunnicho camotenni seekki.

FULO 40:29

Kaaliiqi hajajinosi garinni Muse, shilqote kakkalo kakkallanni uduunnicho, Qullaawu Dukkanira albaanni e'nanniwa wore, shilqonnihanna gidu fushshaate shiqishi.

ERMIYAASI 1:15

Kune lai, ani aliyyeenni heedhanno daga baala kawa dagganno gede woshsheemmo. Konne coye coyi'roommohu ani Kaaliiqaati. «Insano Yerusaalamete qooxeessira heedhannota Yihudu katamma baala amadde gashshootensa halashshidhanno.

ERMIYAASI 25:9

‹Kune aliyye mannanna borojjicho'ya Nabukadanatsoori woshsheemmo. Insano tenne baattora noo mannanna qooxeessaho noore baala guddanno gede asseemmo; la"annohu baalu waajje afoo cu'mi'ranno gede asseemmonsa.

ERMIYAASI 26:10

Yihudu roorrootino konne coye macciishshite gashshootu mininni ka'e Qullaawu Minira dagge haaru e'nanni xullichira ofoltu.

ERMIYAASI 4:6

Aliyye raginni qoomamanna bala abbanni noommona, keeshshikkinni rahe gato noowa xooqanno gede, Tsiyooni katamma doogo leellishshesi.

HIZIQEELI 10:2

Maganuno waajjo shaalado uddano uddi'rino mancho, «Kalaqamu woroonni noo lami-qale mereeroonni higge sa'e ha'ri. Cilaattete kiffala cu'mite haadhe, katamu aana finci» yiisi. Anino la"anni hee'reennanni ha'ri.

HIZIQEELI 8:3

Isino mannu anga labbannotenni umi'ya danancho amade gotti assie. Tenne ajuujanni Maganu Ayyaani baattotenni iima qole kayise, Yerusaalame iillishie. Aliyye ragaanni Kaaliiqa hanqissannoti kaphu maganna noowa Qullaawu Maganu Minira haa're massie.

HIZIQEELI 9:11

Hakkunni gedensaanni, hakku waajjo shaalado uddano uddi're borreessinannire amadino manchi galagale daye, «Hajajoottoeha baala wonshoommo» yee Kaaliiqira coyi'ri.

HIZIQEELI 9:3

Hakkunni gedensaanni, Israeelete Magani ayirrinyi, ofolle noowiinni kirubeeli aaninni kae, Qullaawu Minira e'nanni xullicho mari. Maganuno waajjo shaalado uddano uddi're borreessinanniricho amadino mancho,

DAANIEELI 10:5

Haxo gotti yee laeemmo woyite, waajjo shaalado uddano uddi're halloho dancha culku qabatto qodhinoha mitto mancho afummo.

DAANIEELI 12:6

Insa giddonni mittu xashshoho aleenni hige uurre noo sokkaasincho, «Kuni maalalete coyi baalu wo'ma geeshsha mageeshshi yanna adhanno?» yee xa'mi.

LEEWAAWOOTA 16:4

Qullaawu Holgira eara albaanni biso hayishshi're, fuuttunni gannoonnita giddoyidi uddanonna qamise uddi'rona; luko lukona; hiito hallisira qodhona; umisirano xaanxoonni koffiya wodhona. Kuri baalu qullaawa imaanaati.

AMOOTSI 9:1

Kaaliiqi kakkalote dargi mule uurre nooha afoommo. Isino, «Uurrinanni dargi shafamanno gede, Qullaawu Mini heelliicho gani; minu tattae mannu aana uwanno gede assi. Hakkiinni gattinore ani bagadunni gudeemmo; xooqannohu xooqe fule diafanno; xooqe fulinoha lawannosihuno digatanno.

YOHAANNIS AJUUJA 15:6

Lamalanka qoomama haadhe noori, lamalanti sokkaasine Qullaawu Mininni fultu; insa bilicci yitannota waajjo seesu uddano uddidhe no; culkunni seekkinoonni uduunnicho gagasoho usudhite no.