HIZIQEELI 9:11 - Qullaawa Maxaafa

¹¹ Hakkunni gedensaanni, hakku waajjo shaalado uddano uddi're borreessinannire amadino manchi galagale daye, «Hajajoottoeha baala wonshoommo» yee Kaaliiqira coyi'ri.

HIZIQEELI 9:11 ပူးပေါင်းရင်းမြစ်များ

FAARSO 103:20

Coyi'rannore macciishshitinanniri, hajajosi wonshitinanniri, ki'ne wolqaataammu sokkaasine Kaaliiqa galattesi.

HIZIQEELI 10:1

Qoola afi'rino kalaqami umma iimaanni nooha xawannoha qalcho lawannoricho laummo. Kalaqamu aanano bulu dilqinni seekkinoonniha mootete barcima lawannore laummo.

HIZIQEELI 9:10

Kunni daafira, dimarareemmonsa; digatiseemmonsa. Insa wolootu aana assitinore baala, qole insa aana abbeemmo» yee dawarie.

HIZIQEELI 9:2

Gobbaanni aliyye ragaanni Qullaawu Mini waalchinni 6 manni olu uduunne amade daanna afummo. Insa ledo waajjo shaalado uddano uddi're borreessinanniricho amadinohu mittu manchi no. Baalunku dagge camotenni seekkinoonnihu kakkalote dargi mule uurritu.

YOHAANNIS AJUUJA 16:17

Lamalki sokkaasinchino angasi noo gabate giddo nooha diilallote giddo duni. Qullaawu Mini giddo noohunni ayirradu barcimiwiinni, «Coyi goofino» yitannoti naggi yitino huuro fultu.

YOHAANNIS AJUUJA 16:2

Umi sokkaasinchi mare angasi noo gabate giddo nooha baattote aana duni. Moyichu malaate wodhitinoriranna misilesi magansidhinorira shetissannoti busha mada kalaqantunsa.