HIZIQEELI 8:3 - Qullaawa Maxaafa

³ Isino mannu anga labbannotenni umi'ya danancho amade gotti assie. Tenne ajuujanni Maganu Ayyaani baattotenni iima qole kayise, Yerusaalame iillishie. Aliyye ragaanni Kaaliiqa hanqissannoti kaphu maganna noowa Qullaawu Maganu Minira haa're massie.

HIZIQEELI 8:3 ပူးပေါင်းရင်းမြစ်များ

UMI MOOTOOLLA 18:12

Ani kawiichinni ka"anni hee'reennanni ate Maganu Ayyaani anfannikkiwa haa're ha'rihero ani hiikka higeemmo? Akiaabira konniicho noottota kuleenna daye ate hooganno woyite ane shaannoe. Ani anje'yanni kayise Kaaliiqa waajjeemmoha ikkoommota ati egennootto.

LAYINKI MOOTOOLLA 16:14

Camotenni seekkine Kaaliiqira bandoonnihu kakkalote uduunnichi, isi seekkisiisinohu kakkalote uduunnichinna Qullaawu Mini mereero no. Isono dargisinni hoole haaroho midaadoonni aliyye ragaanni qole wori.

LAYINKI MOOTOOLLA 2:16

«Kuneeti konniicho 50 jawaatu manni no; miteekke Kaaliiqi ayyaani mootichakki masse mitu ilaali aana woy mitu lagichira worannona, hanni marre hanso ikka?» yitusi. Elsai qole, «Dee'nina, hadhinoonte!» yii.

LAYINKI MOOTOOLLA 21:7

Qullaawa Mine, angasinni boce seekki'rinota Asheera mokkollicho worino. Kuni Qullaawu Mini Maganu Daawitiranna beettisi Selemoonira, «Kuni Yerusaalamete noohu Qullaawu Mini ane magansi'nannie gede tonaa lamente Israeelete ga're gobba giddonni doodhoommo dargaati.

FAARSO 78:58

Gaaraho magansidhannowa hanqissinosi; seekkinoonni misillanni aarsitinosi.

FULO 20:4

«Gordohono ikko baattote, baattote woroonni wayi giddo noorichinnino ikkiro magansi'rate yitine ayee misileno seekkidhinoonte.

FULO 20:5

Kaphu magannara kumbuultinoonte; insano magansidhinoonte. Ani hinaasaancho Maganootina, gibbannoerira sasenna shoole ilama geeshsha annuwate cubbo oosote iillisheemmo.

FULO 34:14

Ani Kaaliiqi hinaasaancho Maganootina, wole magano magansidhinoonte.

ERMIYAASI 32:34

Ane magansi'rate minnoonni Mini giddo tiyyi'nanni maganna worte batteessitino.

ERMIYAASI 7:30

Ki'ne Yihudu manni busha coye assitinoonni; ani giweemmota kaphu maganna abbitine wortine Qullaawa Mine'ya batteessitinoonni.

HIZIQEELI 1:1

Sajjiikki diro shoolki aganira ontikki barra, Baabilooni gobbara Kebaari Wayi mule Yihudunni qafadantinori ledo hee're gordu fa'nameenna, Magano ajuujatenni afoommo.

HIZIQEELI 10:3

Giddora ei woyite, kirubeeli Qullaawu Minira wodiidi ragaanni uurre no; giddoyidono gomichu diwe no.

HIZIQEELI 11:1

Maganu Ayyaani uullanni iima qole kayise"e, soojjaati ragaanni noohuwa Qullaawu Mini waalchiwa abbie. Hakkiicho waalchu mule 25 manna afummo. Insa mereero mannu albisoota ikkitinori Azuuri beetti Azaaniyanna Beenaya beetti Felaaxiyi no.

HIZIQEELI 11:24

Ajuujatenni Maganu Ayyaani baattotenni iima qole kayise, Baabilooni qafadante nooriwa haa're massie. Hakkunni gedensaanni ajuuja maaxantue.

HIZIQEELI 2:9

Hakkunni gedensaanni, mitte anga anewa higge diriirte noota afummo. Tenne angara xaaxamino maxaafi no.

HIZIQEELI 3:12

Hakkunni gedensaanni, Maganu Ayyaani iima qole gotti assie. Badhe'yaanni, «Gordoho ayirre hee'rannohu Kaaliiqi galatamo» yitannota lowo huuro macciishshoommo.

HIZIQEELI 3:14

Kaaliiqiti jawaata wolqa anewa daggu. Ayyaanisi iima qole kayisie yannara, aarunna hanqu giddo wo'mie.

HIZIQEELI 37:1

Kaaliiqiti jawaata wolqa anewa daggu; Ayyaanisi ane masse lowo miqqa duunantino lagichira worie.

HIZIQEELI 40:2

Ajuujatenni Kaaliiqi haa're masse, Israeelete gobbara mittu seedu ilaali aana worie. Wodiidi ragaanni, minnoonni katama labbannota mimmitu mule noota kinchu minna afummo.

HIZIQEELI 43:5

Kaaliiqi Ayyaani iima qole gotti asse, giddoyidi nafarchira haa're eessie. Kaaliiqi ayirrinyi Qullaawa Mine wo'me nooha afummo.

HIZIQEELI 43:8

Mootoolla mootete minnansa waalchuwa Qullaawu Mini'yara gamba assite uurrissino. Anenna insa mereero mittu huxxi callu no. Assitino bunshe baalatenni Qullaawa su'ma'ya batteessitino. Kunninni kainohunni insa hanqi'yanni hunoommo.

HIZIQEELI 5:11

«Kunnira, heeshshote Magano ikka'yanni ani Mootichu Kaaliiqi yeemmohu konneeti. Bunshenna batte wo'mitino coye baala assatenni, Qullaawa Mine'ya batteessitinoonni daafira, anino mararro nookkiha badhe wodhe giweemmo'ne.

HIZIQEELI 7:20

Xumu dilqu irrinni naaxxitino yanna no; ikkollana saalsiissannota kaphu maganna seekkidhino; jironsa tidhitinokkita assoommohuno kunniraati.

HIZIQEELI 8:5

Maganuno, «Koo manchi beetto, aliyye widira higge lai» yiie. Laummo woyite, huxxu waalchira albaanni noo dargi kakkalonnihu mule Magano hanqisinoha kaphu magano afoommo.

HIZIQEELI 9:2

Gobbaanni aliyye ragaanni Qullaawu Mini waalchinni 6 manni olu uduunne amade daanna afummo. Insa ledo waajjo shaalado uddano uddi're borreessinanniricho amadinohu mittu manchi no. Baalunku dagge camotenni seekkinoonnihu kakkalote dargi mule uurritu.

DAANIEELI 10:10

Hakkunni gedensaanni angasinni amade kayise, huxi'ranni hee'renni anga'yanni irkisi're gulupheemmo gede assinoe.

DAANIEELI 10:18

Hakku mancho lawanno sokkaasinchi lede kisieta jawaante afi'roommo.

DAANIEELI 5:5

Hedeweelcho mannu anga fulte caabbiyye worrannihura albaanni nootera maarrangoonnitera Qullaawu Mini xarra aana borreessa hanaffu. Anga borreessitanni heedheenna moote afi.

SOQQAMAASINETE LOOSO 8:39

Wayi giddonni fultuhu gedensaanni Maganu Ayyaani Filiphoosi wolewa haa're ha'risi. Manchu layinkita iso diafino; ikkollana tashshi yaannasi doogosi ha'ri.

MARRO 32:16

Kaphu maganna magansi'ratenni, Magano hinaasiisse hanqissinosi. Hakkore magansi'ratenni battete coye assitino.

MARRO 32:21

Tidhitinokkitenni kaphu magannanni hinaasiisse hanqissinoe. Anino hinaasiissannonsanna hanqissannonsa gede, tidhitinokkita gowwa gosa soyemmonsa.

MARRO 4:24

Magani'ne Kaaliiqi ittanno giiraati. Wole magano banxanna lae cincannokki Maganooti.

MARRO 5:9

Ani Maganikki Kaaliiqi giwannoehanna sirchosi sasenna shoole ilama geeshsha qorichisheemmo. Ani wole magano banxanna lae dicinceemmohona, wole magannara soqqantooti.

MARRO 6:15

Mereero'ne noohu Magani'ne Kaaliiqi wole maganna magansi'nanna lae cincannokki daafira, hanqisi aana'ne giirate gede buweenna baattote aaninni hunanno'ne.

IYYAASU 24:19

Iyyaasuno mannaho, «Kaaliiqi qullaawanna hinaasaancho Magano ikkinohura, ki'ne isira soqqama didandiitinanni. Wole maganna magansidhiniro, sao'nenna cubbo'ne baala diaguranno.