HIZIQEELI 8:18 - Qullaawa Maxaafa

¹⁸ Addinta insa aana hanqo'ya dirriseemmo; horonta dimarareemmonsa. Digatiseemmonsa; raarte huuccidheenna nafa horonta dimacciishsheemmonsa» yiie.

HIZIQEELI 8:18 ပူးပေါင်းရင်းမြစ်များ

LAWISHSHA 1:28

Hatte yannara, woshshidhinannie. Ani kayinni yee diyeemma'ne; diinaggaabbine hasidhinannie; ikkeennano diafidhinannie.

ISAYAASI 1:15

«Anga'ne huuccattote anewa qoltine fantinirono caaqqi yee dilaeemmo'ne. Anga'ne mundeetenni karsantinota ikkitinohura, aye geeshshano huuccidhineenna dimacciishsheemmo'ne.

ISAYAASI 59:1

Kaaliiqi anga gatisate dihara'mitino; maccasino macciishsha digibbino.

ISAYAASI 59:2

Ikkollana sao'ne ki'nenna Maganu mereero golo ikkitino; huuccatto'ne macciishshannokki gede, cubbi'ne albasi ki'newiinni shawwu assino.

ERMIYAASI 11:11

Kunnira, kune ani Kaaliiqi aanansa bao abbeemmo; baotewiinnino gatte diaffanno. Kaa'lote woshshidhuero nafa dimacciishsheemmonsa.

ERMIYAASI 14:12

Qatunte huuccidheenna nafa dimacciishsheemmonsa. Shilqote kakkalonna gidu fushshaate uyiteennaeno diadheemmo; roorenka insa olunni, hudetenninna dhibbunni gudeemmo» yiie.

ERMIYAASI 23:39

halaalintanni insa duhu gede aani'yanni hoole akaakkansara oommo katami ledo mitteenni fafowa masse tuge agureemmonsa.

ERMIYAASI 44:3

Kuni ikkinohuno, bunshe assatenni hanqissinoe daafiraati. Kaphu magannarano kakkaltino; insa ki'neno akaakka'neno egentinoonnikki maganna magansidhino.

ERMIYAASI 44:6

Kunni daafira, Yihudu katammaranna Yerusaalamete dooggara hanqo'yanna aara'ya dirrise giirantanno gede assoommo. Kune techo la'inanninte gede diigante mulla darga ikkite gattino.

ERMIYAASI QURTO 1:5

Cubbise batinyinni kainohunni, Kaaliiqi shetisinose daafira, diinnase isera umo ikkitino; insara baalu coyi qiniinonsa. Oososeno diinu qafadanno gede assino.

ERMIYAASI QURTO 2:17

Kaaliiqi hedinore baala assino; alba balaxe coyi'rino garinni, kune mararro nookkiha diigino. Diinu hagiidhanno gede assinohe; diinikkira wolqa ledino.

HIZIQEELI 16:42

Hakkunni gedensaanni, hanqi'ya qiideenna sammi yeemmo; hakkunni ka'a hanqe diaarameemmo.

HIZIQEELI 23:25

Ani atera hanqoommo daafira, insano hanqinsanni ate aana hasidhure assitanno gede agureemmo. Sanokkinna maccuwakki murtanno; oosokkino shitanno. Gattinore oosokkinna seennekki atewiinni hawulukke haadhe giirtanno.

HIZIQEELI 24:13

Yerusaalame! Foorrekki batteessitinohe; ani keereensammohera hasi're hee'reennanni, ati kayinni keeraa'ma giwootta. Wolqa'ya leellishammohe geeshsha horonta dikeeraa'matta.

HIZIQEELI 9:10

Kunni daafira, dimarareemmonsa; digatiseemmonsa. Insa wolootu aana assitinore baala, qole insa aana abbeemmo» yee dawarie.

HIZIQEELI 9:5

Galagaleno Maganu wole manna, «Ki'neno isi hoode katamu giddo kawanna ka'a hadhinanni manna shiiyye; mittoreno marartine gatissinoonte.

MIKIYAASI 3:4

Ki'neno qarrantine Kaaliiqiwa higgine raartinanni yanna dagganno. Isi kayinni didawaranno'ne. Busha looso loossinoonni daafira huuccatto'ne dimacciishshanno.

NAHOOMI 1:2

Kaaliiqi Maganu wole maganna magansidhannore wore dila"anno. Diinnasinna hettissannosire baala qorichishanno; hanqosi aanansa dirrisanno.

ZAKKAARIYAASI 1:2

Olantote Mootichi Kaaliiqi Zakkaariyaasi mannaho, «Ani Kaaliiqi akaakka'nera lowo geeshsha hanqoommo;

ZAKKAARIYAASI 7:13

Ani coyi'reenna, macciishsha gibbunte gede, anino huuccidheenna dimacciishsheemmonsa.

LUQAASI 13:25

Minu anni kae waalcho cufanno. Ki'ne gobbaanni uurritine woshshitinanni, ‹Mooticha, ninkeetina faninke!› yitinanni. Isi qole, ‹Maminni dagginoonniro diegennoommo'ne› yaanno'ne.

UMI SAAMUEELI 8:18

Hakko barri iillanno woyite, baxxine doodhitinoonni moote assanno'ne beebbanni kainohunni raartinanni. Kaaliiqi kayinni hakka waro dimacciishshanno'ne» yiinsa.