HIZIQEELI 8:17 - Qullaawa Maxaafa

¹⁷ Kaaliiqino, «Koo manchi beetto, tenne dhagge la"atto? Kuni Yihudu manni, konne la"attoha tiyyi'nanni coye baala assatenninna gobbate aana barshe halashsha callatenni deeffatannoha di"ikkino. Roorenka kawa Qullaawu Minira nafa suwe daye, konne baala assatenni ane layinkimeeshsho hanqisaera hasi'ranno; dandaaminsa garinni ane aarsate xontannoe gara lai.

HIZIQEELI 8:17 ပူးပေါင်းရင်းမြစ်များ

KALAQAMA 6:11

Baatto Maganu illera bushshe leeltu; barshu wo'minota ikkitu.

KALAQAMA 6:13

Maganu Nohira, «Mannu sircho baattote aaninni hunammora murci'roommo; insanni kainohunni baattote barshu wo'minona, ani kuneeti baattote aana noo kalaqama baala huneemmo.

LAYINKI MOOTOOLLA 21:16

Minaase Yihudu manni cubbo loose Kaaliiqa dadillisanno gede assatenni sae, keeraano lowo manna shee Yerusaalamete doogga mundee calla assino.

LAYINKI MOOTOOLLA 24:4

Minaase keeraano manna shee Yerusaalame mundee calla assino. Kunnira, Kaaliiqi hakkonne cubbo agurara dihasi'rino.

ERMIYAASI 19:4

Togo asseemmohuno ane agurtinoehuraatinna, konne darga allagga magannaha assitino daafiraati. Insa, annuwansanna Yihudu mootoolla egentinokki magannara kakkaltino. Konne dargano keeraanote mundee duntino.

ERMIYAASI 20:8

Ani coyi'reemmo kiironni raare, haxawarrimmannirenna baonnire kuleemmo; Kaaliiqa'ya ate sokka kuloommo daafira, wo'manka woyite xonnoonnie; diqantoonnie.

ERMIYAASI 44:3

Kuni ikkinohuno, bunshe assatenni hanqissinoe daafiraati. Kaphu magannarano kakkaltino; insa ki'neno akaakka'neno egentinoonnikki maganna magansidhino.

ERMIYAASI 6:7

Balete giddonni wayi fulannohu gede, Yerusaalamete kataminni bunshe fultanno; isi giddonni fultannota, beebbatenna barshu raare macciishshoommo; wo'manka woyite dhibbanna mada calla anfanni.

ERMIYAASI QURTO 1:5

Cubbise batinyinni kainohunni, Kaaliiqi shetisinose daafira, diinnase isera umo ikkitino; insara baalu coyi qiniinonsa. Oososeno diinu qafadanno gede assino.

HIZIQEELI 11:6

Kunni katamira lowo manna shaa'nenni kainohunni doogga baalate reeshshu wo'mino.

HIZIQEELI 16:26

Ane hanqisate yite, hakkuri sarmitannokkiri Gibitsootu olliikki, ledokki foortanno gede assootta.

HIZIQEELI 18:12

buxanenna qarrantinore miiciro, manni jajja wolqatenni adhiro, woxe liqiissanno woyite amadote adhinoha qolannokkiha ikkiro, wole daga magansidhannowa mare kaphu maganna magansi'ratenni tiyyi'nanni coye assiro,

HIZIQEELI 23:25

Ani atera hanqoommo daafira, insano hanqinsanni ate aana hasidhure assitanno gede agureemmo. Sanokkinna maccuwakki murtanno; oosokkino shitanno. Gattinore oosokkinna seennekki atewiinni hawulukke haadhe giirtanno.

HIZIQEELI 28:16

Wole gosa ledo daddi'litanni, mararro nookkihanna busha ikkootto. Kunni daafira, Qullaawu Ilaali'ya aaninni ishinu gede fushshe tugoommohe; kirubeelino cululluqa dilqa kinna giddonni shorrannohe gede assoommohe.

HIZIQEELI 45:9

Mootichu Kaaliiqi, «Ki'ne Israeelete gashshaano seeda yanna cubbo loossinanni keeshshitinoonni. Xa kayinni beebbanna gadadishsha agurre; suwashshonna taalo ikkino coye asse. Manni'ya layinkimeeshsho baattote aaninni shorramanno gede assitinoonte. Konne coye kuleemmo'nehu ani Mootichu Kaaliiqaati.

HIZIQEELI 7:11

Assinanni beebba bunshe batissanno; kunni daafira jiro, gaacheenunna ayirrinyu dihee'rannonsa.

HIZIQEELI 7:23

«Mannu baalu gara hawanno; baattote aana manna shitannori wo'mitanno. Katamma baalate haxawarrimma hala'litanno.

HIZIQEELI 8:6

Maganuno, «Koo manchi beetto, ikkanni noo coye baala laitto? Israeelete manni konne assanni nooha tiyyi'nanni coye lai. Togo assansanni Qullaawu Dargi'yanni fafeemmo gede assitinoe. Kawiinni roorinoha lowo geeshsha saalsiisanno coye xaanni la"atto» yiie.

HIZIQEELI 9:9

Maganuno, «Israeeletenna Yihudu manni lowo geeshsha busha cubbo loosatenni sao assino; baatto baalate aana shaa batidhino. Yerusaalameteno maqqaallo batidhino. Qolteno, ‹Kaaliiqi gobbanke hawino; ninkeno la"a agurinonke› yitino.

AMOOTSI 3:10

Kaaliiqi, «Kuni manni danchare assa diegennino. Wolqatenninna beebbatenni adhitino jajja, kinchunni huxxinoonni katammara wonshidhanno.

AMOOTSI 6:3

Ki'ne, «Bushu barri rahe didaanno» yitine heddine barshe loossinanni.

MIKIYAASI 2:2

Hasidhuro manni baatto wolqatenni loosidhanno. Mine hasidhuro manniha giddetenni adhitanno. Manna fugge beeshshite jajjansa adhitanno.

MIKIYAASI 6:12

Mereero'ne noore buxane gadadissino. Wo'munku kapho coyidhinannireeti.

SOFFOONIYAASI 1:9

Kaphu maganna magansidhannore, mootichinsa mine hanaaqunninna xagarrotenni afidhino jiro wonshitannore qorichisheemmo» yaanno.