HIZIQEELI 8:16 - Qullaawa Maxaafa

¹⁶ Hakkunni gedensaanni, giddoonni noohuwa Qullaawu Mini nafarira haa're massie. Hakkiicho Qullaawu Minira e'nanniwa kakkalote darginna sa'nanni doogo mereero, 25 manni geeshshi no. Insano badhe Qullaawu Kaaliiqi Minira wodhite, fultanni noo arrishsho magansidhanni soojjaatira higge guluphite kumbuultanni no.

HIZIQEELI 8:16 ပူးပေါင်းရင်းမြစ်များ

UMI MOOTOOLLA 8:29

‹Su'ma'ya woshshinanniwaati› yoottowa kunni Mini widira hashshanna barra lai. Ani soqqamaanchikki kunni Mini widira hige huucci'reemmo yanna baalantera huuccatto'ya macciishshie.

LAYINKI MOOTOOLLA 16:14

Camotenni seekkine Kaaliiqira bandoonnihu kakkalote uduunnichi, isi seekkisiisinohu kakkalote uduunnichinna Qullaawu Mini mereero no. Isono dargisinni hoole haaroho midaadoonni aliyye ragaanni qole wori.

LAYINKI MOOTOOLLA 21:5

Lamunku Qullaawu Mini nafarchira beeddahe magansi'rate yee kakkalote darguwa seekki'rino.

LAYINKI MOOTOOLLA 23:11

Yihudu mootoolla Qullaawu Mini waalchira arrishsho magansi'rate uyitino farado hooli; ledo noo faradi gaareno giiri. Kuri baalunku jawu roorrichi Naataani-Meleeki yinannihu hee'ranno mini mule Qullaawu Minira e'nanni waalchi nafara nooreeti.

LAYINKI MOOTOOLLA 23:5

Yihudu katammaranna Yerusaalamete qooxeessira noo gaarrara kakkalote darguwa aana kakkaltanno gede Yihudu mootoolla wortino qeesoota baala soqqantannokki gede assi. Ba"aalira, arrishshote, aganahonna gordu beeddahe baalate kakkaltanno qeesoota hooli.

LAYINKI DUDUWO 29:6

Akaakkanke, Maganinke Kaaliiqira diammanantino; isi giwanno coye assite isono facci assite agurtino. Isi galannowiinni alba shawwu yite isira badhe wodhitino.

LAYINKI DUDUWO 7:7

Selemooni Qullaawu Minira albaanni noo nafarchira mereeroho noo darga Kaaliiqira baxxinoha assi. Hakkiinni aanche shilqote kakkalo, gidu fushshaatenna mittimmate kakkalora cooma hakkiicho Kaaliiqira shiqishi. Hatto assinohu camotenni seekkisiisinohu kakkalote uduunnichi konne baalankare haa'rannokki daafiraati.

ERMIYAASI 2:27

Ki'ne anewa higa gibbine haqqicho, ‹Annankeeti› kinchono, ‹Amankeeti› yitinanni daafira, saalu amadanno'ne. Qarru iillanno'ne yannara kayinni, ‹Amo gatisinke› yitinannie.

ERMIYAASI 32:33

Insa anera badhe wodhitinoe; marro marro hige rosiiseennansano dimacciishshitino; diseejjantino.

ERMIYAASI 44:17

Ninke assineemmo yinoommore kayinni assineemmo; gordu mootitte yinannitera maganonkera xiniinsi'neemmo. Annuwanke, mootoollankenna gashshaanonke Yihudu katammaranna Yerusaalamete dooggara assitino garinni xaano woyinete xajje fushshaate shiqinsheemmose. Konne coye assinanni hee'ni waro lowo qiniiti noonke; jirono noonke daafira mitto qarrano diafi'noommo.

ERMIYAASI 7:18

Ooso haqqe gamba assitanno; annuwa giira giirtanno. Meentu Gordu Mootitteeti yinannitera kaphu maganora tima ganara bullee liisanno. Ane hanqissara yite agattote fushshaate wole kaphu magannara lolaassino.

ERMIYAASI 8:2

Miqqansa gamba assine madaara agurre, ishinu gede xawoho billaallinsanni. Insa magansidhanninna amaa'litanni baxillunni soqqantanni heedhino arrishsho, aganinna beeddahe albaanni tunge agurranni.

HIZIQEELI 10:3

Giddora ei woyite, kirubeeli Qullaawu Minira wodiidi ragaanni uurre no; giddoyidono gomichu diwe no.

HIZIQEELI 11:1

Maganu Ayyaani uullanni iima qole kayise"e, soojjaati ragaanni noohuwa Qullaawu Mini waalchiwa abbie. Hakkiicho waalchu mule 25 manna afummo. Insa mereero mannu albisoota ikkitinori Azuuri beetti Azaaniyanna Beenaya beetti Felaaxiyi no.

HIZIQEELI 23:35

Xaano Mootichu Kaaliiqi, «Hawoottaehuranna alba bushshe badhe wodhoottaehura, yortokkinna foorrekki daafira qarra adhatta» yiise.

HIZIQEELI 23:39

Kaphu magannara kakkalara ooso'ya gorri barra, e"e Qullaawa Mine'ya batteessino.

HIZIQEELI 40:28

Hakku manchi wodiidi waalchi ragaanni giddoyidi nafarchira haa're massie. Isino waalcho bikkita hala'linye gobbayidihu ledo taaloho.

HIZIQEELI 40:6

Hakkunni gedensaanni, soojjaati ragaanni noo waalchiwa sae ha'ri. Dirima fule, e'nanni waalcho bikki; du'millisino 6 cigileeti.

HIZIQEELI 43:5

Kaaliiqi Ayyaani iima qole gotti asse, giddoyidi nafarchira haa're eessie. Kaaliiqi ayirrinyi Qullaawa Mine wo'me nooha afummo.

HIZIQEELI 43:8

Mootoolla mootete minnansa waalchuwa Qullaawu Mini'yara gamba assite uurrissino. Anenna insa mereero mittu huxxi callu no. Assitino bunshe baalatenni Qullaawa su'ma'ya batteessitino. Kunninni kainohunni insa hanqi'yanni hunoommo.

HIZIQEELI 45:19

Qeesichu tenne cubbo agursiisate kakkalloonni mundee aaninni shiima haa're, Qullaawu Mini tuuqqa, kakkalote darga shoolenta maddenna giddoyidi nafarchira e'nanniwa noo tuuqqara gananno.

HIZIQEELI 46:1

Mootichu Kaaliiqi, «Giddoyidi nafarchira e'nannihu soojjaati waalchi, leyunku loosi'nanni barri giddo cufame keeshshona. Fooliishshote Barranna Aganu Leellanno Ayyaanira kayinni fa'namona.

HIZIQEELI 7:23

«Mannu baalu gara hawanno; baattote aana manna shitannori wo'mitanno. Katamma baalate haxawarrimma hala'litanno.

HIZIQEELI 8:15

Isino, «Koo manchi beetto, tenne dhagge la"atto? Xaano kawiinni sainoha tiyyi'nanni coye afatto» yiie.

IYUEELI 2:17

Kaaliiqi soqqamaano qeesootu, kakkalote dargira albaanni uurrite wi'litanni, «Kaaliiqanke ballo, mannakki marari; daga mishshanninna qacifattanni, ‹Maganinsa hiikko nooyya?› yitanni, arrassitannonsa gede assitooti» yitona.

MARRO 17:3

hooloommorira wole magannara yaano arrishshote woy aganaho woy gordu beeddahera soqqantannohanna magansidhannoha ikkiro,

MARRO 4:19

Gordu iimira higgine arrishsho, agananna beeddahe baala la'inanni yannara, insara kumbuultinannikki gedenna jifantinannikki gede, Magani'ne Kaaliiqi gordu woroonni nootera wole gosara qeechansa asse uyinore magansidhinannikki gede qorophe.