HIZIQEELI 8:12 - Qullaawa Maxaafa

¹² Maganuno, «Koo manchi beetto, Israeelete geerri maaxante assitannore afitto? Misilla wo'mitino holge e'e kumbuultanno. Qolteno, ‹Kaaliiqi diafannonke; gobbankeno horonta facci asse agurino› yitanno» yiie.

HIZIQEELI 8:12 ပူးပေါင်းရင်းမြစ်များ

LAYINKI MOOTOOLLA 17:9

Israeelete manni Maganinsa Kaaliiqi giwanno coye baala assino. Shiimu qachinni kayise lowo katami geeshsha gaarra baalate dagate maganna magansi'nanni darga seekki'ri.

FAARSO 10:11

Bushu manchi wodanisinni, «Maganu assannoeri dino; la"annoekki gede alba shawwu yiino» yaanno.

FAARSO 14:1

Gowwootu wodaninsanni, «Maganu dino» yitanno. Loosinsa bushahonna hashakki'ne gimbanniho. Dancha looso loosannohu dino.

FAARSO 73:11

Insano, «Maganu ma afino? Wo'munkura Aliidihu egenninori nooni?» yitanno.

ISAYAASI 29:15

Heddinore Kaaliiqiwiinni goltara balete giddo maaxantannorira, «La"annonkehunna afannonkehu dino» yite loosonsa tunsichu giddo loossannorira aanne'e!

ISAYAASI 47:10

« ‹Afannoehu dino› yite, bunshekkinni naaxxootta; hayyokkinna egennokki so'risiissinohe; atenee Maganu gede assite kiirootta.

HIZIQEELI 14:1

Mitu mitu Israeelete geerri dagge alba'yaanni ofoltu.

HIZIQEELI 20:1

Qafadammummohunni lamalki diro, ontikki aganira, tonnikki barra, shiimu Israeelete manni albisooti Kaaliiqi hedo xa'me afate anewa daye alba'yaanni ofolli.

HIZIQEELI 8:11

Saafaani beetti Azaaniya ledo hee'ranna, 70 Israeelete geerri hakkiicho no. Mittu mittunku hixaana giirranni baccicho anga amade no; hixaanuno wiliilanni no.

HIZIQEELI 8:13

Galagale Kaaliiqi, «Kawiinni nafa roorinoha tiyyi'nanni coye assitanna la"atto» yiie.

HIZIQEELI 8:15

Isino, «Koo manchi beetto, tenne dhagge la"atto? Xaano kawiinni sainoha tiyyi'nanni coye afatto» yiie.

HIZIQEELI 8:17

Kaaliiqino, «Koo manchi beetto, tenne dhagge la"atto? Kuni Yihudu manni, konne la"attoha tiyyi'nanni coye baala assatenninna gobbate aana barshe halashsha callatenni deeffatannoha di"ikkino. Roorenka kawa Qullaawu Minira nafa suwe daye, konne baala assatenni ane layinkimeeshsho hanqisaera hasi'ranno; dandaaminsa garinni ane aarsate xontannoe gara lai.

HIZIQEELI 9:9

Maganuno, «Israeeletenna Yihudu manni lowo geeshsha busha cubbo loosatenni sao assino; baatto baalate aana shaa batidhino. Yerusaalameteno maqqaallo batidhino. Qolteno, ‹Kaaliiqi gobbanke hawino; ninkeno la"a agurinonke› yitino.

SOFFOONIYAASI 1:12

«Hakka waro Yerusaalame caabbichunni qonqolche laeemmo. La'minyunni boo'nite, ‹Kaaliiqi danchano ikko busha coye horontanni diassanno› yitannore qorichisheemmo.

EFESOONI SOKKA 5:12

Hattoo manni maaxe assanno coye xawoho hasaawa nafa saalfachishshanno.

MARRO 27:15

«Ogeessu seekkannoha, Kaaliiqi giwannota misile siwiilunni, haqqetenni woy kinnatenni qixxeessi're maaxe wodhannohu rumaminoha ikko. Mannu baalunku, ‹Eewanni ikko!› yoo.