HIZIQEELI 8:11 - Qullaawa Maxaafa

¹¹ Saafaani beetti Azaaniya ledo hee'ranna, 70 Israeelete geerri hakkiicho no. Mittu mittunku hixaana giirranni baccicho anga amade no; hixaanuno wiliilanni no.

HIZIQEELI 8:11 ပူးပေါင်းရင်းမြစ်များ

LAYINKI MOOTOOLLA 22:12

Hakkunni gedensaanni Hiliqiyara, Saafaani beetti Ahiqaamira, Mikaya beetti Akiboorira, mootete mini borreessaanchira Saafaaniranna mootete soqqamaanchira Asayara,

LAYINKI MOOTOOLLA 22:14

Hiliqiya, Ahiqaami, Akiboori, Saafaaninna Asaaya Yerusaalamete haaro minnoonni minnara heedhannotewa Hulda yinanni himanaanchowa marte sonkoonni coye xa'mituse. Ayiddaannise Shaluumi Harihaasi beetti beetti Tequwa ilinoho. Isi Qullaawu Mini imaanira annimma uyinoonnisiho. Insano himanaanchote coye seekkite kultuse.

LAYINKI MOOTOOLLA 22:3

Iyosiyaasi moohihunni tonaa settikki diro, Meshulaamira beettu beetti Atsaaliya ilinoha mootete mini borreessaancho Saafaani Qullaawu Minira soye,

LAYINKI MOOTOOLLA 22:8

Hiliqiya borreessaanchu Saafaanira, «Seeru Maxaafa kawiichinni Qullaawu Mininni afoommo» yee uyi. Saafaanino haa're nabbawi.

LAYINKI MOOTOOLLA 25:22

Nabukadanatsoori Saafaani beetti Ahiqaami ilinohu Gedaaliya Yihudaho gatino manna gashshanno gede wori.

LAYINKI DUDUWO 26:16

Ooziya jawaante afi'rihu gedensaanni hajajamannokkiha ikkino. Hajajama giwasino uwanno gede assitinosi. Hixaana giirranni uduunnichi aana hixaana giirara Qullaawu Minira eatenni Kaaliiqa Maganosi seyatino.

LAYINKI DUDUWO 26:19

Hixaana giirranni uduunnichi mule kashilo worroonni baccicho anga haa're hixaana giirara uurre noohu Ooziya qeesootaho hanqi. Hakkawoyintenni taraawannohu gogu dhibbi albisi aana leelli.

LAYINKI DUDUWO 34:20

Hakkunni gedensaanni Hiliqiyara, Saafaani beetti Ahiqaamira, Mikaya beetti Abidoonira, mootete mini borreessaanchira Saafaaniranna mootete soqqamaanchira Asayara,

FULO 24:1

Kaaliiqi Musera, «Ati ani noommowa amo; Aarooni, Naadaabi, Abihunna Israeelete giddonnino 70 geerra haadhe abbiteenna, fafowa heedhe heeshshi yite kumbuulto ikkinnina,

FULO 24:9

Muse, Aarooni, Naadaabi, Abihunna Israeelete manni giddonnino 70 geerri ilaalu aanira fulte,

ISAYAASI 44:13

Haqqa darannohu balaxe somanno; qoleno akeekanno; xafe hifa aaninni hoole taashshanno. Suude manna lawannoha asse seekke masse galmaho woranno.

ERMIYAASI 19:1

Kaaliiqi, «Hadhe dora ganannohuwiinni gambayicho hidhi. Mannu giddonni jajjabba gashshaanonna albiidi qeesoota ledokki haadhe ha'ri.

ERMIYAASI 19:4

Togo asseemmohuno ane agurtinoehuraatinna, konne darga allagga magannaha assitino daafiraati. Insa, annuwansanna Yihudu mootoolla egentinokki magannara kakkaltino. Konne dargano keeraanote mundee duntino.

ERMIYAASI 26:22

Ikkollana, Moote Iyoaaqeemi haa're abbanno gede Akiboori beetto Elinaataani wolu manni ledo Gibitse soyino.

ERMIYAASI 26:24

Saafaani beetti Ahiqaami gargarinoe daafira shitannoerira sayise diuyinoe.

ERMIYAASI 29:3

Yihudu moote Sedeqiyaasi Baabilooni moote Nabukadanatsooriwa Baabilooni soyinori Saafaani beetti Eliaasinna Hiliqiya beetti Gemaariya anga borrote sokka soommo.

ERMIYAASI 36:10

Mannu baalunku macciishshanna, Baarooki ani kulanna xaanxoonni gogira borreessino qaale nabbawi. Nabbawinohuno mootete mini borreessaanchi Saafaani beetti Gemaariya holgi widoonni hige saeeti. Kuni holgi noohuno Qullaawu Minira massannohu haaru huxxi waalchi mule aliidi nafari widoonniiti.

ERMIYAASI 44:21

«Ki'nenna akaakka'ne, mootoolla'nenna roorrooti'ne, qoleno baatto'nera hee'ranno manni baalu Yihudu katammaranna Yerusaalamete dooggara hixaana giirtinita Kaaliiqi diafino yitineetinso hawinoha laweenna'neeti?

ERMIYAASI 5:5

Xa gashshaanonniwa mare insa ledo hasaaweemmo; insa Maganinke Kaaliiqi Seeranna, assitara hasi'rinore baala seekkite affino› yee hedoommo. Insano affe heedhenni isira hajajama gibbino.

ERMIYAASI 52:27

Mooteno hakkiicho gansiise shettotenni reyitanno gede assi. Yihudu manni gobbansanni kunni garinni qafadame ha'rino.

ERMIYAASI 7:9

Ki'ne moortinanni, beebbaataamo manna shitinanni. Foortinanni; beebbatenni xaartinanni; Ba"aalira kakkaltinanni; albaanni egentinoonnikkita kaphu maganna magansidhinanni.

HIZIQEELI 20:1

Qafadammummohunni lamalki diro, ontikki aganira, tonnikki barra, shiimu Israeelete manni albisooti Kaaliiqi hedo xa'me afate anewa daye alba'yaanni ofolli.

HIZIQEELI 8:10

Giddora e"e laeemmo woyite, xarrate aana hamasu, giwissannotinna intannikki saada misilla, hattono Israeele magansidhannoti kaphu maganna rarra'e no.

HIZIQEELI 9:6

Meya labbaaha aja akkala yitinikkinni oosonte ledo baalanka shiiyye. Kayinnilla albisi aana malaatu noosiha ayeno kissinoonte; shaano kawiinni Qullaawu Mini'yanni hanaffe» yaanna macciishshoommo. Kunnira, hakko Qullaawa Mine uurrite noo albisootinni kayisse shaa hanaffu.

DAANIEELI 9:8

Mooticha'ya! Cubbo loonsoommo daafira uminke, mootoollanke, gashshaanonkenna akaakkanke aana shollinye abbi'noommo.

KIIRO 11:16

Kaaliiqi Musera, «Israeelete manni giddonni manna gashsha egentinore 70 roorroota doori; insano haadhe Qullaawu Dukkaniwa abbite mulekki uurritanno gede assi.

KIIRO 11:25

Hakkunni gedensaanni Kaaliiqi gomichunni dirre Muse ledo hasaawi. Isira uyino Ayyaanano lamalawunku roorrootira uyi. Insano Ayyaanu aanansa dirranni hee'reennanni himana coyidhu. Hakkunni gedensaanni kayinni ledde dicoyidhino.

KIIRO 16:17

Mittu mittunku manchi hixaana aanaho wore baccichosi anga adhe Kaaliiqi albira dayona. Atinna Aaroonino bacce'ne adhitine shiqqe» yii.

KIIRO 16:35

Giirano Kaaliiqiwiinni dirrite hixaana giiranni nooha 250 manna ittu.

LUQAASI 10:1

Hakkunni gedensaanni Yesuusi wole lamalayina lame rosaano doore, isi ha'rara hedino katammanna darga baala alba ikkite hadhanno gede lame lame asse soyi.