HIZIQEELI 7:3 - Qullaawa Maxaafa

³ « ‹Israeele, kuneeti goofimarchi'ne iillino; assitinoonni sao baalate yoo yaammo'nera hanqi'ya aana'ne dirranno. Assitinoonnihu shagaggi'nanni coye ikkino daafira, ki'nera malino qoricha adhitinanni.

HIZIQEELI 7:3 ပူးပေါင်းရင်းမြစ်များ

KALAQAMA 6:13

Maganu Nohira, «Mannu sircho baattote aaninni hunammora murci'roommo; insanni kainohunni baattote barshu wo'minona, ani kuneeti baattote aana noo kalaqama baala huneemmo.

ISAYAASI 47:7

‹Ani hegere geeshsha moohe hee'reemma› yootta; assoottare mittoreno diqaagootta; kunni baalunkura gawalo mamaatiro diafootta.

ERMIYAASI 13:14

Aja akkala googiddate gede mimmitoho qole ganeemmo; insa hunate dimarareemmo; dimaareemmonsa; yoommotano badhera diqoleemmo» yii.

HIZIQEELI 11:21

Saalsiisannorenna tiyyi'nannire kaphu maganna magansi'ra baxanno manna kayinni qorichisheemmo. Assitinohura bushu coyi baalaho rabbisi'reemmonsa. Konne coye coyi'roommohu ani Mootichu Kaaliiqaati» yii.

HIZIQEELI 16:38

Adhamase gondooro diigge, manna shitanno mancho gede asse qorichisheemmohe. Hanqi'yanninna buwanno aari'yanni sheemmohe.

HIZIQEELI 16:43

Anjekki yannara assoommohere baala hawootta; kunni assootta coyi baalunni hanqisoottae. Kunnira, anino battennihu cubbikki deerrinni qorichisheemmohe. Tiyyi'nanni coyi assoottahu baalu aana, foorre mayira leditta? Konne coye coyi'reemmohu ani Mootichu Kaaliiqaati» yii.

HIZIQEELI 16:59

Mootichu Kaaliiqi, «Coyi'rootta qaale lashshi assatenni gondoorokki diigoottahura, atera malino qoricha eemmohe.

HIZIQEELI 18:30

«Xaano Ani Mootichu Kaaliiqi ki'ne Israeelete yeemmo'nehu konneeti: Mitto mitto'ne assooti'ne garinni qorichisheemmo. Kunnira, assitinanni bunshewiinni higge; cubbi'nenni kainohunni umo'ne huntinoonte.

HIZIQEELI 21:25

«Ati bunshenna batte wo'mitinohehu Israeelete albisaancho, goofimarchu qoricha eemmohe barri iillino.

HIZIQEELI 22:31

Kunnira, hanqo'ya insa aana dirriseemmo; assitino bunshe baalantenni kainohunni, insa aari'ya giiranni huneemmo. Konne coye coyi'roommohu ani Mootichu Kaaliiqaati» yii.

HIZIQEELI 24:14

Ani looseemmo yanna kuneeti daggino; cubbokki lashshi asse dilaeemmo. Mararummokkinni assootta bunshe baalate qorichisheemmohe. Konne coye coyi'roommohu ani Mootichu Kaaliiqaati» yii.

HIZIQEELI 33:20

Ki'ne Israeele kayinni, ani asseemmori gara ikkinokki gede assitine heddinanni. Ikkollana, mitti mitti'nera loosi'ne garinni yoo yeemmo'ne» yee coyi'rie.

HIZIQEELI 36:19

Assootinsanna ikkitonsa baala busha ikkitino daafira, yoo yuummonsa; allaggu gobbarano billaallisoommonsa.

HIZIQEELI 5:12

Manni'ne giddonni sasunni mitte anga, katamu giddo hudetenninna dhibbunni gooffanno. Sasunni mitte anga katamu gobbaanni bagadunni reyitanno. Gattinori sayikki anga shoolenka raga billaallitanno gede asse, bagadunni shorreemmonsa.

HIZIQEELI 5:13

«Rabbisi're higammo geeshsha haniqi'yanna aari'ya baalu ki'ne aana qiidanno. Kuni baalu ikkanno yannara, ammanama hooga'nera hanqoommohu ani Kaaliiqa ikkoommota affinanni.

HIZIQEELI 7:2

«Koo manchi beetto, ani Mootichu Kaaliiqi Israeelete mannira yeemmori konneeti: Baatto'ne baalate goofimarchu iillino.

HIZIQEELI 7:27

Mootenna gashshaanonsa baala hexxo ba'eennansa wi'litanno; mannuno waajje huxi'ranno. Loossino loosi baalaho qorichisheemmonsa; wolootaho yitino garinni yoo yeemmonsa. Kunino ani Kaaliiqa ikkoommota leellishannonsa» yii.

HIZIQEELI 7:4

Horonta dimarareemmo'ne; maarono dieemmo'ne. Assitinoonnihu saalfachishanno coye ikkino daafira, qorichisheemmo'ne. Hatte yannara ani Kaaliiqa ikkoommota buuxxinanni› yaanno» yiie.

HIZIQEELI 9:10

Kunni daafira, dimarareemmonsa; digatiseemmonsa. Insa wolootu aana assitinore baala, qole insa aana abbeemmo» yee dawarie.

HOOSEI 12:3

Albihu anninsa Yaiqoobi amasi godowi giddo hee're lakkichu rodiisi ginde amadino. Lophihu gedensaannino Maganu ledo sharramino.

AMOOTSI 8:2

Kaaliiqino, «Kuni la'anni noottohu maati?» yee xa'mie. Anino, «Le'ino laalo wo'mitino gimboola la"anni noommo» yoommo. Kaaliiqi qole, «Manni'ya Israeelete goofimarchu iillino. Kunni ka'a insa qorichishummokkinni diagureemmo.