HIZIQEELI 7:24 - Qullaawa Maxaafa

²⁴ Lowo geeshsha busha daga kawa abbe minna'ne ragidhanno gede asseemmo. Wole daga magansidhinanni darguwa batteessitanno gede asseemmo yannara, bareedda'nera goonte diheedhannonsa.

HIZIQEELI 7:24 ပူးပေါင်းရင်းမြစ်များ

KALAQAMA 47:26

Kunnira Yooseefi loonsoonnihu giddonni ontunni mitte anga Ferioonira ikkitanno gede assi. Kuni coyino techo geeshsha Gibitsete gobbara seera ikke hee'ranno. Mootennita ikkitukkinni gattinoti qeesootu baatto callate.

FAARSO 106:41

Allaggu angara sayise uyinsa; diinnansano gashshaanonsa ikkitu.

FAARSO 74:7

Qullaawa Minekkino giirtu; Magansi'nannihe darga batteessitu.

FAARSO 83:12

Insa, «Maganu utuwa uminkeha assi'neemmo» yitino.

ISAYAASI 5:14

Jeennaatu egemmansara afoo fa'ne agare no; ayirraddanna cancanni xelleqqisannoha mannansa baala egemmara agare no.

ERMIYAASI 12:12

Moola noori nookki gaarra aaninni, huntannori dagganno. Qaccetenni qaccete geeshsha bagado soommo daafira, mittuno keere diafi'ranno.

ERMIYAASI 17:4

Hanqo'ya giirate gede bushshitine xoannokkiha assitinoonni daafira, iqqoommo'ne baatto hoogginanni gedenna egentinoonnikki gobba hadhine diini'nera soqqantinanni gede asseemmo'ne» yii.

ERMIYAASI 4:7

Doobbiichu maaxaminowiinni fulannonte gede, bagadaanono doobbiichu gede ikkite fultanno; insano Yihuda huntara dagganno. Yihudu katamma co'o yite ba'anno; mittuno dihee'ranno» yiinsa.

ERMIYAASI 6:12

Ani Yihudu manna qorichisheemmo yannara, mininsa, gatinsanna galtensa nafa gattukkinni, wolu mannira sayise eemmo. Konne coye coyi'roommohu ani Kaaliiqaati.

ERMIYAASI QURTO 5:2

Iqqinke allaggu anga no; minnankera manni gobba manni hee'ranni no.

HIZIQEELI 21:2

«Koo manchi beetto, Yerusaalametenna mannu magansi'rannowa himana coyi'ri.

HIZIQEELI 21:31

Hanqi'ya wolqa bubbanno giira gede aana'ne dirritanno; shaa rossinorira kaajjaddaho sayise eemmo'ne.

HIZIQEELI 24:21

Ki'ne Israeeleteno, ‹Wolqa'ne adawadhitinanniha, ille wortine la'inannihanna wodani'ne fooliishshi'rinoha Qullaawa Mine'ya batteesseemmo. Yerusaalamete gattinore ooso'nenna seenne'ne olu giddo shinanni› yee kuleemmo'ne gede hajajinoe.

HIZIQEELI 28:7

aanakki bala tugannoha mararro afi'rinokki diina haa're abbeemmohe. Insano ogimmakkinninna hayyokkinni afidhe duu'noottoha dancha coye baala guddanno.

HIZIQEELI 33:28

Gobbano mullicho ona asseemmo; adawadhitinanni wolqa baala gooffanno. Israeelete ilaalla, mannu heleqqi yaannokkita waajjishshannota ikkitanno.

SOFFOONIYAASI 1:13

Jironsa baalanti saamantanno; minnansano diigantanno. Hattenne yannara mine mi'nitanno; ikkollana digaltanno. Woyineno kaasidhanno; kayinnilla woyinete xajje diagganno» yaanno.