HIZIQEELI 7:15 - Qullaawa Maxaafa

¹⁵ Kaaliiqi Israeelete mannira, «Doogo doogonte olu, mine minenko dhibbunna hude no. Katamu gobbaanni hee'rannohu baalu olunni reyanno; katamaho noohuno dhibbunninna hudetenni reyanno.

HIZIQEELI 7:15 ပူးပေါင်းရင်းမြစ်များ

ERMIYAASI 14:18

Xawo fuleemmo woyite reyino manni reeshsha afeemmo; katama e"eemmo woyiteno hude guddanni noo manna laeemmo; himanaanonna qeesootu kayinni ikkinore affannokkiha, loosonsa loosidhanno» yee kuloommonsa.

ERMIYAASI QURTO 1:20

Kaaliiqa'ya ballo, shetto'ya lai! Lubbo'ya dadillu giddo no. Cubbi'yanni kainohunni wodani'ya hiiqqamino. Doogga baalate manna shinanni; gallanni mini waalchira reyo no.

ERMIYAASI QURTO 4:9

Gedensaanni sagale hoogge, hudetenni sununni reyitinorinni, bagadu shiinori woyyate.

HIZIQEELI 12:16

Insa giddonni shiimu manni olunni, hudetenninna dhibbunni gatanno gede asseemmo. Kunni garinni wole ga're mereero heedhe assitinori saalsiisannore ikkinota buuxxanno. Togo asse qorichishoommonsahu ani Kaaliiqa ikkoommota affanno» yee coyi'rie.

HIZIQEELI 5:12

Manni'ne giddonni sasunni mitte anga, katamu giddo hudetenninna dhibbunni gooffanno. Sasunni mitte anga katamu gobbaanni bagadunni reyitanno. Gattinori sayikki anga shoolenka raga billaallitanno gede asse, bagadunni shorreemmonsa.

HIZIQEELI 6:11

Mootichu Kaaliiqi, «Israeelete manni assino bunshenninna shagaggi'nanni coyinni kainohunni, hudetenninna bagadunni goofanno daafira, umo cu'midhine gagaso ga'nitinanni bayisibao yitinanni hururantine wi'le.

HIZIQEELI 6:12

Fafowa noori dhiwante reyitanno; mule noorino bagadunni reyitanno. Hakkiinni gattannorino hudetenni gooffanno. Kunni garinni aari'ya aanansa qiidanno.