HIZIQEELI 6:3 - Qullaawa Maxaafa

³ ‹Israeelete ilaalla ane Maganu qaale macciishshe! Ani Mootichu Kaaliiqi coyi'reemmoha ilaalla, gaarra, boonnanna lagga baalu macciishshe! Alba hige, mannu kaphu magannara kumbuulanno darguwa baala diigeemmo.

HIZIQEELI 6:3 ပူးပေါင်းရင်းမြစ်များ

UMI MOOTOOLLA 14:23

Wole gobba maganna magansi'nanni darga seekkidhu. Gaarrate aananna sinnaame haqqe hunda magansidhanno sooddiyyenna Asheera mokkollo uurrisidhu.

ISAYAASI 27:9

Kunnira, Yaiqoobi ooso Israeele cubbinsara maaro afidhannohu, dagannita kakkalote kinna daakke bullee assite, hixaana giirranni uduunneno ikko Asheera mokkollo hoolturooti.

ISAYAASI 30:25

Diini'nera goofo iillitanno yannara, jajjabba ilaallanninna gaarratenni bu'a lolakkanno'ne.

ERMIYAASI 2:20

Kaaliiqi qole, «Ki'ne Israeele, kuneeti lowo yannanni kayissine, qambara'ne hiiqqidhine usura'neno tidhitinoonni; soqqamanna magansi'ra gibbinoonnie. Jajjabba ilaallaranna lowiddaanna haqqe hunda, wole maganna ledo foortinoonni.

ERMIYAASI 22:29

Baatto! Baatto! Baatto! Ani Kaaliiqi coyi'reemmore macciishshi:

ERMIYAASI 3:23

Halaalinta gaarrate birxe fulle, kaphu maganna magansi'ranke mittoreno dileddinonke. Israeele gatisattohu Maganinke Kaaliiqi ate callaati.

ERMIYAASI 3:6

Iyosiyaasi moohe noo yannara Kaaliiqi anera, «Ammana xe'inoseti Israeele assiture afitto? Ise anewiinni baxxite seeddaanna ilaallanna lowiddaanna sinna batidhino haqqe baalate hunda marte foortino.

HIZIQEELI 36:8

Ki'ne Israeelete ilaallara yeemmohu konneeti. Aana'ne heedhanno haqqe baala galagalte lattanno; gumano uyitanno. Israeeleno rahotenni gobbansa higganno.

LEEWAAWOOTA 26:25

Ledo'ne eoommo gondooro diigginoonni daafira, ki'ne rabbisate bagado soyemmo; katamma'nera maaxamate gamba yitinanni yannara, dhibba soyemmo'ne; diinu angara sa'ine aamantinanni gede asseemmo'ne.

LEEWAAWOOTA 26:30

Gaarunnita kumbuultinanni baseno diigeemmo; hixaana giidhitinanni uduunne huneemmo; reeshsha'neno hiiqqaqqantino maganna'ne aana tugeemmo; ki'neno tiyyi're giweemmo'ne.

AMOOTSI 7:9

«Yisihaaqi sirchi magansi'ranno gaari diigamanno; Israeelennihu qullaawu darginsa onanno; Iyorbiaami maateno bagadu gudanno» yii.

MIKIYAASI 6:1

Kaaliiqi Israeelete manna abbooshshi'rino gara macciishshe. Kaaliiqa ballo ka'e, mannikki aana noohe hanqo xawisi; ilaallanna gaarra ati yaattore macciishshito.

MIKIYAASI 6:2

Ki'ne ilaalla Kaaliiqi Maganu manna abbooshshi'rino gara macciishshe. Ki'ne kaajjaddu baattote rumuddano macciishshe. Kaaliiqi mannasi Israeele abbooshshi'rino; qoleno boroorino.