HIZIQEELI 6:14 - Qullaawa Maxaafa

¹⁴ Halaaleho, anga'ya diriirse gobbansa huneemmo; wodiidoonni noo baatto moolatenni kayise, aliyye ragaanni Dibila katami geeshsha noo baatto mullicho asseemmo. Israeelootu heedhanno base baala co'o asse huneemmo; hatte yannara, ani Kaaliiqa ikkoommota mannu baalu afanno» yee coyi'rie.

HIZIQEELI 6:14 ပူးပေါင်းရင်းမြစ်များ

FAARSO 138:7

Qarru gaangeessannoe woyite, lubbotenni worattoe; aarunni ka'inoe diinna gante, wolqakkinni gatisattoe.

ISAYAASI 10:4

Qafadamatenninna reyotenni hiitto ikkitine gattinanni? Kunni baalu coyi giddoonni Kaaliiqi hanqi diqiidanno; angasi ki'ne qorichishara kayisinowiinni dihiggino.

ISAYAASI 24:1

Kune Kaaliiqi baatto diige mulla darga assanno; baattonniha dana soorre mannano billaallisanno.

ISAYAASI 24:7

Woyinete kaashshi moolino; haaro woyinete xajjeno ajjanno. Kunnira, alba hagiidhannohu baalu, xa dadillaamo ikkino.

ISAYAASI 26:11

Kaaliiqa, angakki bushuulle qorichishate ka'e no; insa kayinni diaffino; mannikkira mageeshshi laala noohero affe waajjito; insa diinnakkira qixxeessootto giira itto.

ISAYAASI 5:25

Kaaliiqi mannisira lowo geeshsha hanqino; qorichishansara anga kayise no; ilaalla shafantanno; mannu reeshshi ishinu gede doogga baalate uwanno. Tenne giddoonni Kaaliiqi hanqi diqiidanno; xaano qorichishansara qixxaawe no.

ISAYAASI 9:12

Isino soojjaatinni Sooriyoota, galchiminni Filisxeemoota soye egemmitannonsa gede assi. Kunni baalu giddoonni hanqisi kayinni diqiidino. Angasi insa qorichishate ka'inowiinni dihiggino.

ISAYAASI 9:17

Kunnira, Mootichu wedellansa qorichishanno; galte shii'rino meentonna annanna ama afidhinokki ooso dimararanno; baalunku Kaaliiqira badhe wodhino. Afiinsanni fulanno coyi baalu xagarrote. Insa qorichishate angasi ka'inowiinni dihiggino; tenne giddoonnino hanqisi diqiidino.

ISAYAASI 9:21

Minaasenna Efireemi ilama mimmito gawajjitanno; mitteenni gamba yite Yihudaho gaaddanno. Kunni baalunni Kaaliiqi hanqi diqiidanno; insa qorichishate angasi ka'inowiinni dihiggino.

ERMIYAASI 25:11

Baatto gudisante mullichonna ona ikkitanno; ki'neno ollii'neno 70 diro Baabilooni mootera soqqantinanni.

ERMIYAASI 48:22

Dibooni, Nebonna Beeti Dibilatayimi,

HIZIQEELI 12:15

«Allaggu gobbara hee'ranno manni mereero billaalliseemmonsa yannara, ani Kaaliiqa ikkoommota affanno.

HIZIQEELI 14:13

«Koo manchi beetto, mitte gobba manni cubbo loosironna ammanamannokkiha ikkiro, anga'ya diriirse sagale baala huneemmo. Hude soye mannunna saada mitteenni gooffanno gede asseemmo.

HIZIQEELI 15:8

Insa anera ammanantannokkire ikkitino. Anino baattonsa mulla ikkitanno gede asseemmo. Konne coye coyi'reemmohu ani Mootichu Maganoho» yiie.

HIZIQEELI 16:27

«Xa kayinni, ate qorichishatenna qeechakki ikkinoha atoote'ya atewiinni haa're hoolate anga'ya diriirsoommo. Foorrekkinni kainohunni gibbannoheriranna tiyyidhannoherira Filisxeemootaho sayise oommohe.

HIZIQEELI 25:7

Konne assa'nenni, saantannoriranna mulqidhanno dagara sayise eemmo'ne. Layinkimeeshsho manna ikkitinannikki gede woy umi'ne baatto heedhanno'nekki gede asse huneemmo'ne. Hatte yannarano, ani Kaaliiqa ikkoommota affinanni» yee coyi'rie.

HIZIQEELI 33:28

Gobbano mullicho ona asseemmo; adawadhitinanni wolqa baala gooffanno. Israeelete ilaalla, mannu heleqqi yaannokkita waajjishshannota ikkitanno.

HIZIQEELI 35:9

Hegerera mullicho darga asseemmohe; layinkimeeshsho katammakkira mittuno dihee'ranno. Hatte yannara ani Kaaliiqa ikkoommota afatto.

HIZIQEELI 7:1

Kaaliiqi,

HIZIQEELI 7:4

Horonta dimarareemmo'ne; maarono dieemmo'ne. Assitinoonnihu saalfachishanno coye ikkino daafira, qorichisheemmo'ne. Hatte yannara ani Kaaliiqa ikkoommota buuxxinanni› yaanno» yiie.

SOFFOONIYAASI 1:4

«Yerusaalametenna Yihudu manna baala qorichisheemmo. Hakkonne dargano Ba"aali yinanniha kaphu magano maganisidhannore, gattinorenna qeesootano co'o asse huneemmo.