HIZIQEELI 5:15 - Qullaawa Maxaafa

¹⁵ Hanqi'yanninna aari'yanni qorichisheemmo'ne yannara, qooxeessi'nera noo daga xontanni haariintanno'ne. Assoommo coyinni insano masse huxidhanno.

HIZIQEELI 5:15 ပူးပေါင်းရင်းမြစ်များ

UMI MOOTOOLLA 9:7

Israeele oommonsa gobbanni fushshe huneemmo. Magansi'naera yee qullaawa assoommoha konne mineno agureemmo. Gobba baalate hee'ranno manni Israeele haariimanni qacifatanno.

LAYINKI DUDUWO 29:8

Kunninni kainohunni Kaaliiqi hanqi Yihudunna Yerusaalamete aana dirrino. Affininte gede baalanka waajjishannohunna masisanno coyi amadinonsa.

FAARSO 39:11

Manna cubbisi daafira yite rufatto; banxannire baala huqu qasanno gede assatto; mannu baalu diilallote gedeeho.

FAARSO 79:4

Mulenke noo gosano xontinonke; gaangaawinkera heedhannori oso'litinonke; qacifattinonke.

ISAYAASI 26:9

Ati baattote aana noorira yoo yaatto waro, mannu taashshinanni gara bade afanno. Lubbo'ya hashsha ate sinsinnaabbanno; giddo'ya noo ayyaanino ate quqquxamanno.

ISAYAASI 43:28

Kunnira Qullaawu Mini roorrootita battensa reqecci asseemmo; Israeele Yaiqoobi sirchi shollanno gedenna, gudisame goofanno gede assoommo» yii.

ERMIYAASI 23:40

Hegerera hambannikki saaliranna shollinyira tuge agureemmonsa» yiie.

ERMIYAASI 29:18

Bagadunni, hudetenninna dhibbunni shorreemmonsa; daga baala la'e bararraaqqanno. Insa billaallisoommo gobbara noo manni baalu, ‹Insa gede ikke› yee rumanno; bararraaqanno; diqatannonna afoo cu'mi'ranno.

ERMIYAASI QURTO 2:15

Katamu widoonni hige sa"anno manni baalu, mishe angichunni kulannohe. «Baxamihunna gobba baala naaddu katami konneeti?» yee, umo shafanni qacifatanno.

ERMIYAASI QURTO 2:16

Diinnakki baala qacifattannohe; hinko faaccanni, «Agadhinoommo barri konneeti! Xa kune lubbotenni hee'ne la'noommo!» yitanno.

HIZIQEELI 11:9

Katami'nenni fushshe allaggaho sayise eemmo'ne; reyote yoo yeemmo'ne.

HIZIQEELI 14:8

Ani umi'ya insa giwatenni wolootaho bangagooshshe ikkanno gede asseemmo. Mannu ani Kaaliiqa ikkoommota afanno gede, manni'ya mereerinni insa huneemmo.

HIZIQEELI 16:41

Minnakki giirtanno; qorichishamakki meentu baalu la"anno gede assitanno. Kunni garinni foorrekkinna ellakkira foorrete woxe baatakki uurritanno gede asseemmo.

HIZIQEELI 16:57

Hattonni loosootta bunshe baala leeltara albaanni, Soddooma haariimootta. Xa kayinni, atinni ise gedeeta ikkootta; xa ati Edoomootaho, Filisxeemootahonna giwannohe olliira haariimo ikkootta.

HIZIQEELI 22:4

Manna shaakkinni sao assootto; seekki'rootto maganna kaphunnitenni battaawootto. Kunnira, baokki barri rahino; isinni iillino. Daga arrassitannohe gedenna gobba baala qacifattannohe gede assoommohehu kunniraati.

HIZIQEELI 23:32

Mootichu Kaaliiqi, «Kuneeti rodookki aggino finiinchira agatta; kuni qarrino, lowohonna fullannikkiho. Mannu baalu haariimanni arrassannohe; qarrikki finiinchino wo'maho.

HIZIQEELI 25:17

Lowo geeshsha qorichisheemmo; lowo geeshsha rabbisi'reemmo; hanqo'ya leellisheemmonsa yannara, ani Kaaliiqa ikkoommota affanno» yii.

HIZIQEELI 30:19

Gibitse kunni garinni qorichisheemmo yannara, ani Kaaliiqa ikkoommota affanno» yii.

HIZIQEELI 5:16

Sagale ho'le hudidhinanni gede asseemmo'ne. Hudeno ki'ne hunate olloonni maxxi gede ikkite gawajjitanno'ne.

HIZIQEELI 5:8

Kunni daafira, ani Mootichu Kaaliiqi diina ikkoommo'neta kulanni noommo'ne. Dagate gashshooti baalu la"anna qorichisheemmo'ne.

LEEWAAWOOTA 26:32

Dagge amaddara agarte nooti diinna'ne nafa massa geeshsha, baatto'ne mulla asseemmo;

NAHOOMI 1:2

Kaaliiqi Maganu wole maganna magansidhannore wore dila"anno. Diinnasinna hettissannosire baala qorichishanno; hanqosi aanansa dirrisanno.

UMI QORONTOOSI 10:11

Kuni coyi insa aana ikkinohu, ninke jiilleemmo gedeeti. Borreessinoonnihuno diru goofimarchira hee'noommorira ninkera seejjo ikkankeraati.

MARRO 28:37

Kaaliiqi baatto baalate billaalliseenna'ne heedhinanni yannara, hatte gobbara heedhanno gosa ki'ne aana iillino coye baala la'e bararraaqqannno. Ki'neno arrassitanno'ne; qacifattanno'ne.

MARRO 28:46

Kuni coyi baalu ki'neranna sirchi'nera malaatenna maalale ikke hegere geeshsha hee'ranno.