HIZIQEELI 5:14 - Qullaawa Maxaafa

¹⁴ Qooxeessi'nera noo gosa affanno'ne yannara, bao'ne la'e oso'litanno'ne.

HIZIQEELI 5:14 ပူးပေါင်းရင်းမြစ်များ

NEHIMIYA 2:17

Xa kayinni insara, «Xaate noo qarra baala la'e. Kuneeti, Yerusaalame diigantino; huxxu waalchuwano giirante gooffino. Kunnira, xa amme ka'ne katamu huxxa huxxine, iillinonke saala hoo'lino!» yoommonsa.

ERMIYAASI 19:8

Konne katamano diigame duunamanno gede asseemmo; hakkaanni hige sa"annohu baalu mase afoo cu'mi'ranno; ikkino coye lae maala'lanno.

ERMIYAASI 23:40

Hegerera hambannikki saaliranna shollinyira tuge agureemmonsa» yiie.

ERMIYAASI 42:18

«Ani Israeelete Magani Olantote Mootichi Kaaliiqi ki'nera kuleemmo coyi, ‹Gibitsete gobba ha'ne hakkiicho hee'neemmo› yitiniro, kunni albaanni Yerusaalamete manni aana abboommo hanqonna aara ki'ne aanano abbeemmo. Mannu ki'ne aana ikkino coye lae masanno; la"anno'nehu baalu qacifatanno'ne; su'mi'neno rumonniha ikkanno. Konne darga layinkimeeshsho dila'inanni yoommo» yiinonsa.

ERMIYAASI QURTO 1:4

Ayyaana ayirrisate Qullaawu Minira daannohu nookki daafira, Tsiyooni doogga ca'lamaddi yitino. Katamu waalchuwa onate; qeesootise wi'litino. Seennise yaadanno; Tsiyoonino dadillu giddo no.

ERMIYAASI QURTO 1:8

Kuneeti ayiirinyise baalu sae ha'rino; mulla ikkiteenna baalunku qacifatinose; saalisenni kainohunni gurura'anni alba diphitanno; Yerusaalame tiyyi'nanni cubbinni umose boshshitino.

ERMIYAASI QURTO 5:18

Kuni ikkinohu, Tsiyooni Ilaali mulla ikke, yeedaala burraaqqannoha ikkino daafiraati.

HIZIQEELI 12:20

Xa mannu wo'me noo katamma ba'anno; baattono mullicho uulla ikkitanno. Hatte yannara, ani Kaaliiqa ikkoommota affanno» yiie.

HIZIQEELI 16:57

Hattonni loosootta bunshe baala leeltara albaanni, Soddooma haariimootta. Xa kayinni, atinni ise gedeeta ikkootta; xa ati Edoomootaho, Filisxeemootahonna giwannohe olliira haariimo ikkootta.

HIZIQEELI 22:4

Manna shaakkinni sao assootto; seekki'rootto maganna kaphunnitenni battaawootto. Kunnira, baokki barri rahino; isinni iillino. Daga arrassitannohe gedenna gobba baala qacifattannohe gede assoommohehu kunniraati.

HIZIQEELI 23:32

Mootichu Kaaliiqi, «Kuneeti rodookki aggino finiinchira agatta; kuni qarrino, lowohonna fullannikkiho. Mannu baalu haariimanni arrassannohe; qarrikki finiinchino wo'maho.

HIZIQEELI 33:28

Gobbano mullicho ona asseemmo; adawadhitinanni wolqa baala gooffanno. Israeelete ilaalla, mannu heleqqi yaannokkita waajjishshannota ikkitanno.

HIZIQEELI 36:34

Gate'neenni higge sa'inori baalunku mullicho ona ikke nooha affino. Xa kayinni, galagalchitine loossine shaqqishshinanni gede asseemmo.

HIZIQEELI 6:6

Israeelete katamma baalanti co'o yite ba'anno; kakkalonsa darguwanna kaphu kakkalonsa baala hiiqqante butu yitanno. Hixaana giirranni uduunnino cancanamanno; seekkidhinori baalu co'o yee ba"anno.

DAANIEELI 9:16

Mooticha'ya! Kunni albaanni wonqonke ikkite assoottoha dancha coye qaagge eeggatena hanqokkinna aarakki qullaawu ilaali aana noohu katamikki Yerusaalamete aaninni hooli. Ninkenna akaakkanke assitino saonni kainohunni Yerusaalamenna mannikki wole gosa oso'litannoha ikkino.

MIKIYAASI 3:12

Kunnira, ki'nenni kainohunni Yerusaalamete Katami loosi'nanni darga ikke gatanno. Diigame duuno ikkanno. Qullaawu Mini minamino ilaalino dubbo ikkanno.

MARRO 28:37

Kaaliiqi baatto baalate billaalliseenna'ne heedhinanni yannara, hatte gobbara heedhanno gosa ki'ne aana iillino coye baala la'e bararraaqqannno. Ki'neno arrassitanno'ne; qacifattanno'ne.