HIZIQEELI 5:13 - Qullaawa Maxaafa

¹³ «Rabbisi're higammo geeshsha haniqi'yanna aari'ya baalu ki'ne aana qiidanno. Kuni baalu ikkanno yannara, ammanama hooga'nera hanqoommohu ani Kaaliiqa ikkoommota affinanni.

HIZIQEELI 5:13 ပူးပေါင်းရင်းမြစ်များ

ISAYAASI 1:21

Ammanamino katami hiitto foora mancho gedeeha ikki! Albaanni halaalu wo'minohonna keeraano heedhannowaati; xa kayinni manna shitannori giddo wo'mitinoha ikkino.

ISAYAASI 1:24

Kunnira ani Wolqaataamu Israeelete Gashshaanchi Olantote Mootichi Kaaliiqi, «Ki'ne diinna'ya rabbisi'reemmo'ne. Hakkunni gedensaanni ane aana qarra dikalaqqinanni.

ISAYAASI 59:17

Isi keeraanchimma siwiilu uddano gede uddi're, gatissanno wolqano siwiilu gullee gede asse wodhi. Isi coye baala taashshate, manna shetissannore qorichishatenna rabbisate, lowo geeshsha halchi.

ISAYAASI 9:7

Wolqasira gawalo dino; gashshootisira hegere keeri wo'mino. Isino Daawiti mootimma amade, taashshe halaalunni gashshanno. Olantote Mootichi Kaaliiqi laala, konne coye assitanno.

ERMIYAASI 14:12

Qatunte huuccidheenna nafa dimacciishsheemmonsa. Shilqote kakkalonna gidu fushshaate uyiteennaeno diadheemmo; roorenka insa olunni, hudetenninna dhibbunni gudeemmo» yiie.

ERMIYAASI 15:9

Lamala ooso shiidhino ama, daaqqe foole qo'la hoogganno; barru hashsha ikkannose. Saalunna shollinyu amadannose; lubbotenni heedhinoonnireno, bagadu gudanno'ne gede asseemmo. Konne coye coyi'roommohu ani Kaaliiqaati» yiie.

ERMIYAASI 25:12

« ‹70 diri gedensaanni kayinni, Baabilooni mootenna mannasi bunshensa daafira qorichisheemmo. Baattonsano hegerera ona asse agureemmo.

ERMIYAASI QURTO 4:11

Kaaliiqi wo'ma hanqosi wolqa facci asse agurino; Tsiyooni baatto ittanno giira qasino.

ERMIYAASI QURTO 4:22

Tsiyooni cubbise asale baattino; Kaaliiqi kunni ka'a qafadammoommowa diagurannonke. Edoomi! Ate kayinni Kaaliiqi qorichishannohe; cubbokkino xawo fushshanno.

HIZIQEELI 13:15

«Kinchu huxxiranna aanasi noora buurturira baalaho, hanqo'ya dirriseemmo. Hatte yannara ki'ne gattinoonnirira, ‹Huxxunna huxxaho noora buurturi dargaho dino› yee kuleemmo'ne.

HIZIQEELI 14:21

Mootichu Kaaliiqi qole, «Mannanna saada mitteenni gudammora 4 busha coye Yerusaalamete aana abbeemmo. Hakkuno: olaho, hudete, moyichohonna dhibbaho.

HIZIQEELI 16:42

Hakkunni gedensaanni, hanqi'ya qiideenna sammi yeemmo; hakkunni ka'a hanqe diaarameemmo.

HIZIQEELI 16:63

Assootta sao baala agureemmohe; ati kayinni hattenne baala sao qaagatenni lowo geeshsha saalfatattahura mittoreno coyi'ra didandaatta. Konne coye coyi'roommohu ani Mootichu Kaaliiqaati» yii.

HIZIQEELI 17:21

Filantinota bagadaanosi olu xawira shinanni; reyitukkinni gattannorino raga raga billaallitanno. Hatte yannara, konne coye coyi'roommohu ani Mooticha Kaaliiqa ikkoommota buuxxinanni» yii.

HIZIQEELI 20:21

«Ikkollana, hatti ilamano ane gibbinoe; agadhanno baalira heeshsho aannoha seera'yanna hajajo'ya diayirrissino. Fooliishshote Barrano batteessitino; halallitte baattora heedheenna hanqo'ya insara leellishe baalanka hunammora kaoommo.

HIZIQEELI 20:8

Ikkollana, anera haxawarrite hajajo'ya macciishsha gibbino; tiyyi'nannita misillansano dihuntino; woy Gibitsennita kaphu maganna magansi'ra diagurtino. Kunnira, Gibitsete heedhu yannara, hanqo'ya leellishammonsara hedoommo.

HIZIQEELI 21:17

Ani qeexaa'leemmo; hanqi'yano qiidanno; ani Kaaliiqi konne coye coyi'roommo» yiie.

HIZIQEELI 21:22

Kuneeti qiniiticho angasinni, ‹Yerusaalame› yitanno borro aanaho noo hixa amadanno. Hakkawoyintenni, olaho adawadhinanni gede, katamu huxxi mule bushsha duunnanni gede, huxxisinna waalchisi mokkollo hiiqqaqqinanni gedenna mannano shinanni gede malaate uyi.

HIZIQEELI 23:25

Ani atera hanqoommo daafira, insano hanqinsanni ate aana hasidhure assitanno gede agureemmo. Sanokkinna maccuwakki murtanno; oosokkino shitanno. Gattinore oosokkinna seennekki atewiinni hawulukke haadhe giirtanno.

HIZIQEELI 24:13

Yerusaalame! Foorrekki batteessitinohe; ani keereensammohera hasi're hee'reennanni, ati kayinni keeraa'ma giwootta. Wolqa'ya leellishammohe geeshsha horonta dikeeraa'matta.

HIZIQEELI 43:8

Mootoolla mootete minnansa waalchuwa Qullaawu Mini'yara gamba assite uurrissino. Anenna insa mereero mittu huxxi callu no. Assitino bunshe baalatenni Qullaawa su'ma'ya batteessitino. Kunninni kainohunni insa hanqi'yanni hunoommo.

HIZIQEELI 6:10

Ani Kaaliiqa ikkoommotanna bao abbeemmo'ne yee cooyi'roommoti kapho ikkitinokkita buuxxanno› yiino yite kulinsa» yiie.

HIZIQEELI 6:12

Fafowa noori dhiwante reyitanno; mule noorino bagadunni reyitanno. Hakkiinni gattannorino hudetenni gooffanno. Kunni garinni aari'ya aanansa qiidanno.

HIZIQEELI 7:3

« ‹Israeele, kuneeti goofimarchi'ne iillino; assitinoonni sao baalate yoo yaammo'nera hanqi'ya aana'ne dirranno. Assitinoonnihu shagaggi'nanni coye ikkino daafira, ki'nera malino qoricha adhitinanni.

HIZIQEELI 7:8

Xa aara'ya baala aana'ne facci asse agurammoraati; assitinoonni coyi baalaho yoo yeemmo'ne. Saalsiisanno loosi'ne daafira qorichisheemmo'ne.

DAANIEELI 11:36

«Aliyye moote hasi'rinore baala wonshanno; umosino maganna baalate aliidiha asse kiiranno; maganna baalate aliidi Magani aana kunni albaanni macciishshine egenninoonnikkiha xonote qaale coyi'ranno. Maganu hedino coyi wo'ma hasiissanno daafira, Maganu hanqi aanasi daa geeshsha assannori qinaannosi. Maganuno hedinore baala assanno.

DAANIEELI 9:2

Moohihunni umi diro ani Daanieeli qullaawa maxaaffa la"anni hee're, Kaaliiqi himanaanchu Ermiyaasira kulino garinni Yerusaalame diigante keeshshitannohure 70 dirire hedoommo.

HOOSEI 10:10

Kore haxawarroota qorichishate murci're kaoommo. Daga baalanti gamba yite insa aana diinoomunni ka'anno. Erote cubbinsa daafirano lowo qorichi iillannonsa.

ZAKKAARIYAASI 6:8

Hakkunni gedensaanni sokkaasinchu, «Aliyyera hige ha'ri faradi, Maganu Ayyaani asse yiinore assino» yee naggi yitino qoonqonni coyi'rie.

MARRO 28:63

Kaaliiqi ki'ne duroonsatenninna kiiro'ne batisatenni hagiidhinte gede, ki'ne hunatenninna heedhinannikki gede assatenni hagiidhanno. Ragidhinara e'inanni gobbanni buqqisanno'ne.

MARRO 32:36

Wolqa noonsakkitanna mannu goofita afe, mannasi keereensanno; soqqantannosire baala mararannonsa.