HIZIQEELI 5:12 - Qullaawa Maxaafa

¹² Manni'ne giddonni sasunni mitte anga, katamu giddo hudetenninna dhibbunni gooffanno. Sasunni mitte anga katamu gobbaanni bagadunni reyitanno. Gattinori sayikki anga shoolenka raga billaallitanno gede asse, bagadunni shorreemmonsa.

HIZIQEELI 5:12 ပူးပေါင်းရင်းမြစ်များ

ISAYAASI 1:24

Kunnira ani Wolqaataamu Israeelete Gashshaanchi Olantote Mootichi Kaaliiqi, «Ki'ne diinna'ya rabbisi'reemmo'ne. Hakkunni gedensaanni ane aana qarra dikalaqqinanni.

ERMIYAASI 13:24

Kunnira ani Kaaliiqi, halalli diilallo kayissanno kuri gede asse billaalliseemmo'ne.

ERMIYAASI 14:12

Qatunte huuccidheenna nafa dimacciishsheemmonsa. Shilqote kakkalonna gidu fushshaate uyiteennaeno diadheemmo; roorenka insa olunni, hudetenninna dhibbunni gudeemmo» yiie.

ERMIYAASI 15:2

Insano, ‹Hiikka hingo› yituhero, ani Kaaliiqi yoommota, ‹Dhibbu shaanno yinoonniri, dhibbunniwa hadho; olu shaanno yinoonniri, olunniwa hadho. Hudetenni reyitanno yinoonniri, hudenniwa hadho. Qafadantanno yinoonniri, qafadante hadho› yite kulinsa.

ERMIYAASI 15:9

Lamala ooso shiidhino ama, daaqqe foole qo'la hoogganno; barru hashsha ikkannose. Saalunna shollinyu amadannose; lubbotenni heedhinoonnireno, bagadu gudanno'ne gede asseemmo. Konne coye coyi'roommohu ani Kaaliiqaati» yiie.

ERMIYAASI 21:9

Kunni katamira gatanno manna bagadu, hudenna dhibbu gudanno; katama doyissite amadde noo Baabiloonootira anga aannohu gatanno; wole nafa hoogiro reyotenni gatanno.

ERMIYAASI 24:10

Akaakkansara oommo baattora mittuno gatannokki gede olunni, hudetenninna dhibbunni gudeemmonsa» yii.

ERMIYAASI 42:22

Kunnira, hattenne heedhinara hadhinanni gobba Gibitsennitera olu, hudenna dhibbu gudanno'neta affe» yoommonsa.

ERMIYAASI 44:27

Kune, ani ki'ne bushu albinni ikkinnina danchummatenni dilaeemmo'ne. Gibitsete baattora heedhinoonniri giddonni mittu nafa gattinikkinni bagadunna hude guddanno'ne.

ERMIYAASI 9:15

Kunnira ani Israeelete Magani Olantote Mootichi Kaaliiqi, kunni mannira qaraaranno haqqa itiseemmo; shaanno waano hayikkiseemmo.

ERMIYAASI 9:16

Insanna annuwansano affinokki daga mereero billaalliseemmonsa; co'o yite gooffa geeshsha shorreemmonsa» yiie.

HIZIQEELI 12:14

Ledosi loossannorenna ayirradda agaraanosi baala faro faronta billaalliseemmo; mannuno shaara hasannonsa.

HIZIQEELI 14:17

«Woy hatte gobbara ola kayisummoro, mannanna saada gudanno bagadinni co'o yite ba'anno gede asseemmo.

HIZIQEELI 14:19

«Hatte gobbara dhibba soye, hanqi'yanni lowo manninna saada gooffanno gede assummoro,

HIZIQEELI 14:21

Mootichu Kaaliiqi qole, «Mannanna saada mitteenni gudammora 4 busha coye Yerusaalamete aana abbeemmo. Hakkuno: olaho, hudete, moyichohonna dhibbaho.

HIZIQEELI 16:42

Hakkunni gedensaanni, hanqi'ya qiideenna sammi yeemmo; hakkunni ka'a hanqe diaarameemmo.

HIZIQEELI 21:22

Kuneeti qiniiticho angasinni, ‹Yerusaalame› yitanno borro aanaho noo hixa amadanno. Hakkawoyintenni, olaho adawadhinanni gede, katamu huxxi mule bushsha duunnanni gede, huxxisinna waalchisi mokkollo hiiqqaqqinanni gedenna mannano shinanni gede malaate uyi.

HIZIQEELI 24:13

Yerusaalame! Foorrekki batteessitinohe; ani keereensammohera hasi're hee'reennanni, ati kayinni keeraa'ma giwootta. Wolqa'ya leellishammohe geeshsha horonta dikeeraa'matta.

HIZIQEELI 33:27

«Kunnira, ani Mootichu Kaaliiqi heeshshote Magano ikka'yanni xaareemmona, diigantino katammara hee'ranno manna baala shinanni yee qorophisiisoommota xawisse kulinsa. Katamu gobbaanni hee'ranno moyichira sagale ikkitanno; ilaallatenna goddate maaxante noore dhibbu gudanno.

HIZIQEELI 36:19

Assootinsanna ikkitonsa baala busha ikkitino daafira, yoo yuummonsa; allaggu gobbarano billaallisoommonsa.

HIZIQEELI 43:8

Mootoolla mootete minnansa waalchuwa Qullaawu Mini'yara gamba assite uurrissino. Anenna insa mereero mittu huxxi callu no. Assitino bunshe baalatenni Qullaawa su'ma'ya batteessitino. Kunninni kainohunni insa hanqi'yanni hunoommo.

HIZIQEELI 5:10

Kunni daafira, Yerusaalamete noo annuwinna amuuwi oosonsa ittanno. Oosonsano qolte annuwansanna amuuwansa ittanno. Kunni garinni ki'ne baalanka qorichisheemmo; gattinoreno shoolenta faro qole billaalliseemmo.

HIZIQEELI 5:17

Ooso'ne shaanno moyichonna hude soyemmo'ne; shaanno dhibba, dartenna ola kayiseemmo'ne. ‹Ani Kaaliiqi konne coye coyi'roommo› yiino yite kulinsa» yiie.

HIZIQEELI 5:2

Sasunni mitte anga doru bano cancanittohu gedensaanni banu giddo giiri. Layinki anga doru bani qooxeessira giggishshittohu gedensaanni murmuri. Sayikki anga qolte, bubbete aana finci; anino bise'yanni shorreemmo.

HIZIQEELI 6:8

« ‹Shiima gorramatenni gatino manna kayinni, dagate mereero billaalliseemmo.

HIZIQEELI 7:15

Kaaliiqi Israeelete mannira, «Doogo doogonte olu, mine minenko dhibbunna hude no. Katamu gobbaanni hee'rannohu baalu olunni reyanno; katamaho noohuno dhibbunninna hudetenni reyanno.

HIZIQEELI 7:3

« ‹Israeele, kuneeti goofimarchi'ne iillino; assitinoonni sao baalate yoo yaammo'nera hanqi'ya aana'ne dirranno. Assitinoonnihu shagaggi'nanni coye ikkino daafira, ki'nera malino qoricha adhitinanni.

LEEWAAWOOTA 26:33

dagate mereero billaalliseemmo'ne; bise'ya fushshe shorreemmo'ne. Baatto'ne mulla darga ikkitanno; katamma'neno diigante gattanno.

AMOOTSI 9:4

Diinnansa qafadde haadhe hadhunsarono, shitannonsa gede qafaddinonsare hajajeemmo. Kunni garinni ani insa kaa'late ikkikkinni, hunammora kaoommo» yii.

AMOOTSI 9:9

«Israeelete manni giddonni tidhitinokkire bade hoolate, insa gidu gede asse meemmiisseemmo; hatto asseemmohuno dagate mereero heedhanno yannaraati.

ZAKKAARIYAASI 7:14

Hombobolattete gede fee haa're ha're affinokkitera allaggu gobbara heedhanno gede assoommonsa. Tini dancha gobba kayinni, ayino hee'rannokkita ona ikkite gattu» yaanno Olantote Mootichi Kaaliiqi.

MARRO 28:65

Hattenne gosa mereero keere diafidhinanni. Ninkeho yitine fooliishshidhinanni dargi dihee'ranno'ne. Hakkiicho Kaaliiqi qarrissanno hedonna surre, hattono hexxo nookki wodana aanno'ne.

YOHAANNIS AJUUJA 6:8

Hakkunni gedensaanni boora farashsho afummo; gulufinohu su'ma Reyo yinanni; Jeennaatu hoodesi ha'ranni no. Reyotenna jeennaateho baattote aana noo manni giddonni shoolki anga bagadu, hude, dhibbunna moyichu guddanno gede roorre uyininsa.