HIZIQEELI 5:11 - Qullaawa Maxaafa

¹¹ «Kunnira, heeshshote Magano ikka'yanni ani Mootichu Kaaliiqi yeemmohu konneeti. Bunshenna batte wo'mitino coye baala assatenni, Qullaawa Mine'ya batteessitinoonni daafira, anino mararro nookkiha badhe wodhe giweemmo'ne.

HIZIQEELI 5:11 ပူးပေါင်းရင်းမြစ်များ

LAYINKI MOOTOOLLA 21:4

Kaaliiqi, magansi'nannisi gede doodhino darga Yerusaalamete Qullaawa Mine daganniha kakkalote darga seekkino.

LAYINKI MOOTOOLLA 21:7

Qullaawa Mine, angasinni boce seekki'rinota Asheera mokkollicho worino. Kuni Qullaawu Mini Maganu Daawitiranna beettisi Selemoonira, «Kuni Yerusaalamete noohu Qullaawu Mini ane magansi'nannie gede tonaa lamente Israeelete ga're gobba giddonni doodhoommo dargaati.

LAYINKI MOOTOOLLA 23:12

Yihudu moote Akaazi mootete mini aana minsiisino minna giddo Yihudu mootoolla seekkisiissinota kakkalote darguwanna lamunkura Qullaawu Mini nafara moote Minaase seekkisiisinota kakkalote darguwa baala diigino. Kakkalote uduunneno cancane masse Qedirooni Lagichira hunino.

LAYINKI DUDUWO 33:4

Kaaliiqi, hegerera magansi'nannisi gede doodhino darga Yerusaalamete Qullaawa Mine daganniha kakkalote darga seekkino.

LAYINKI DUDUWO 33:7

Qullaawa Mine kaphu magani misile worino. Kuni Qullaawu Mini Maganu Daawitiranna beettisi Selemoonira, «Kuni Yerusaalamete noohu Qullaawu Mini ane magansi'nannie gede tonaa lamente Israeelete ga're gobba giddonni doodhoommo dargaati.

LAYINKI DUDUWO 36:14

Qeesootu roorrootinna mannu kaphu maganna magansi'ratenni qooxeessinsara noo gosaha busha ha'ruma hadhanni Kaaliiqira ammanama gibbu. Kaaliiqi keereensinoha Qullaawa Mineno batteessitu.

IYYOOBI 27:22

Buuwe xooqe fulara wo'naa'liro nafa, mararro nookkiha dagge aanaho ubbannosi.

FAARSO 107:39

Shetto, qarrunna yaaddo amaddeennansa, shollitu yannara,

FAARSO 95:11

Hanqoommo daafira, «Fooliishshote gobba die'inanni» yee xaaroommo.

ERMIYAASI 10:24

Kaaliiqa, ati taashshattoha ikkootto daafira seejjinke; ikkollana co'o yine ba'neemmona, hanqite heedhe seejjitootinke.

ERMIYAASI 16:18

Baatto'ya lubbo afidhinokki misillanni batteessitinohuranna umi'yara doodhoommo baattora battete maganna wonshitino daafira, gatisammonsara albaanni, 2 ero qorichisheemmonsa» yii.

ERMIYAASI 32:34

Ane magansi'rate minnoonni Mini giddo tiyyi'nanni maganna worte batteessitino.

ERMIYAASI 44:4

Ani giweemmoha hakkonne busha coye assitinannikki gede kulta'nera soqqamaano'ya himanaano marro marro hige soommo'ne.

ERMIYAASI QURTO 2:17

Kaaliiqi hedinore baala assino; alba balaxe coyi'rino garinni, kune mararro nookkiha diigino. Diinu hagiidhanno gede assinohe; diinikkira wolqa ledino.

ERMIYAASI QURTO 2:21

Wedellunna geerru mittu garinni reyite dooggate ubbu; wedellanna aja seenne diinu bagadi gudino; hanqikki barra mararro nookkiha gorrisiisootto.

HIZIQEELI 11:18

Higginanni yannara, hakkiicho affinannita saalsiissannotanna tiyyi'nannita kaphu maganna co'o assitine hunne.

HIZIQEELI 11:21

Saalsiisannorenna tiyyi'nannire kaphu maganna magansi'ra baxanno manna kayinni qorichisheemmo. Assitinohura bushu coyi baalaho rabbisi'reemmonsa. Konne coye coyi'roommohu ani Mootichu Kaaliiqaati» yii.

HIZIQEELI 23:28

Mootichu Kaaliiqi, «Tiyyidhe giwootta dagara sayise eemmohe.

HIZIQEELI 23:38

Insa assino sao tenne calla di"ikkitino; hatte yannara, Qullaawa Mine'yano batteessino. Ani hirqoommoha Fooliishshonniha Barra'ya diigino.

HIZIQEELI 23:39

Kaphu magannara kakkalara ooso'ya gorri barra, e"e Qullaawa Mine'ya batteessino.

HIZIQEELI 24:14

Ani looseemmo yanna kuneeti daggino; cubbokki lashshi asse dilaeemmo. Mararummokkinni assootta bunshe baalate qorichisheemmohe. Konne coye coyi'roommohu ani Mootichu Kaaliiqaati» yii.

HIZIQEELI 29:15

Hakkiinnino sa'ine, baalunkunni roore wolqiweelo gashshoote ikkitinannihura, layinkimeeshsho woloota gashsha didandiitinanni. Baalunkura woriidire asseemmo'ne daafira, woloota gabbarsiissinara didandiitinanni.

HIZIQEELI 33:11

Ani Mootichu Kaaliiqi heeshshote Magano ikka'yanni xaareemmona, cubbaataamu manchi, cubbo loosa agure lubbotenni hee'ranno gede ikkinnina cubbisinni reyanno gede horonta hasi'reemmokkita kulinsa. Kunnira, ‹Israeele, busha looso'ne agurre; reyo mayira hasidhinanni?› yite kulinsa.

HIZIQEELI 43:8

Mootoolla mootete minnansa waalchuwa Qullaawu Mini'yara gamba assite uurrissino. Anenna insa mereero mittu huxxi callu no. Assitino bunshe baalatenni Qullaawa su'ma'ya batteessitino. Kunninni kainohunni insa hanqi'yanni hunoommo.

HIZIQEELI 44:7

Kunni albaanni anera kakkalote coomanna mundee shiqishshu yannara, hajajantaera hasidhinokkire barcintinokkire wole gobba manna eessite, Qullaawa Mine'ya batteessitino. Assitino coyi tiyyi'nannihunni gondooro'ya diiggino.

HIZIQEELI 5:7

Ki'ne Yerusaalamete manni, ani Mootichu Kaaliiqi yeemmo'neta macciishshe: Seera'yanna hajajo'ya wonsha giwatenni, gaangaawi'nera noo manninni roore qarra kalaqqinoonni. Wole gosa assitannore assitinoonni.

HIZIQEELI 7:20

Xumu dilqu irrinni naaxxitino yanna no; ikkollana saalsiissannota kaphu maganna seekkidhino; jironsa tidhitinokkita assoommohuno kunniraati.

HIZIQEELI 7:4

Horonta dimarareemmo'ne; maarono dieemmo'ne. Assitinoonnihu saalfachishanno coye ikkino daafira, qorichisheemmo'ne. Hatte yannara ani Kaaliiqa ikkoommota buuxxinanni› yaanno» yiie.

HIZIQEELI 7:9

Horonta dimarareemmo'ne; digatiseemmo'ne. Loossinoonni loosi saalsiisannohunni kainohunni, qorichunni digattinanni. Hatte yannara, ani Kaaliiqa ikkoommotanna qorichisheemmo'nehuno ane ikkoommota affinanni.

HIZIQEELI 8:15

Isino, «Koo manchi beetto, tenne dhagge la"atto? Xaano kawiinni sainoha tiyyi'nanni coye afatto» yiie.

HIZIQEELI 8:16

Hakkunni gedensaanni, giddoonni noohuwa Qullaawu Mini nafarira haa're massie. Hakkiicho Qullaawu Minira e'nanniwa kakkalote darginna sa'nanni doogo mereero, 25 manni geeshshi no. Insano badhe Qullaawu Kaaliiqi Minira wodhite, fultanni noo arrishsho magansidhanni soojjaatira higge guluphite kumbuultanni no.

HIZIQEELI 8:18

Addinta insa aana hanqo'ya dirriseemmo; horonta dimarareemmonsa. Digatiseemmonsa; raarte huuccidheenna nafa horonta dimacciishsheemmonsa» yiie.

HIZIQEELI 9:10

Kunni daafira, dimarareemmonsa; digatiseemmonsa. Insa wolootu aana assitinore baala, qole insa aana abbeemmo» yee dawarie.

HIZIQEELI 9:5

Galagaleno Maganu wole manna, «Ki'neno isi hoode katamu giddo kawanna ka'a hadhinanni manna shiiyye; mittoreno marartine gatissinoonte.

LEEWAAWOOTA 15:31

«Israeelete manni kunni garinni lagaawanno yannara, ani noommowa Qullaawu Minira shiqqi yaannokki gede hoollensa. Konne agadha hoogguro reyitanno» yiinsa.

AMOOTSI 8:7

Israeelete Hexxo ikkinohu Kaaliiqi su'misinni, «Ani Mootichu Kaaliiqi, insa loossino bunshe baala horonta dihaweemmo.

ZAKKAARIYAASI 11:6

Kaaliiqi, «Anino kunni ka'a baattote aana hee'rannoha ayeno dimarereemmo; ani umi'ya mitto mittonka olliichisiranna gashshaanchisira sayise eemmo; insa gobba gadadissanno; anino angansanni digatiseemmonsa» yaanno.

MILKIYAASI 3:17

Olantote Mootichi Maganu, «Insa anere ikkitanno; ani looseemmo waro insa anera baxxitino woxe ikkitanno. Annu soqqamannosi beetto mararannohu gede anino insa marareemmonsa.

ROOMU SOKKA 11:12

Ayihude assitino sao gobbate lowo maasso abbitino. Baonsa qolte dagate maasso ikkitino. Ayihude wo'ma gattoommero, maasso lowo geeshsha batidhannoti ba'ino.

ROOMU SOKKA 11:21

Maganu kalaqamu sinna mararannokkiha ikkiro, ki'neno dimararanno'ne.

ROOMU SOKKA 8:32

Mitto Beettosi mararikkinni sayise uyinonke Magani, Beettisi ledo wole coye baala aa hiikke hoogannonke?

MARRO 29:20

Kaaliiqi konne mancho dimaaranno. Giirannoha hanqosi isi aana bushshanno. Kunni maxaafira borreessinoonni rumo baalanti aanasi dirritanno. Kaaliiqino su'masi baattote aaninni co'o asse hunanno.

IBIRAAWOOTA 6:13

Maganu Abirihaamira hexxo uyi yannara, xaarate iso roorinohu wolu nookki daafira,