HIZIQEELI 48:11 - Qullaawa Maxaafa

¹¹ Konne qullaawa qoqqowo, Saadooqi sircho ikkitino qeesootira uyinanni. Insa Leewi ilama gedenna wolootu Israeelooti gede ikkitukkinni, anera ammanamatenni soqqantinoe.

HIZIQEELI 48:11 ပူးပေါင်းရင်းမြစ်များ

HIZIQEELI 14:11

Konne asseemmohu, Israeele ane agurtannokki gedenna umonsano cubbunni batteessitannokki gede assateeti. Kunni garinni insa manna'ya ikkitanno; anino Maganonsa ikkeemmo. Konne coye coyi'reemmohu ani Mootichu Kaaliiqaati» yii.

HIZIQEELI 40:46

Alba aliyyera higge noo kifile kayinni, kakkalote darga soqqantanno qeesooti qixxaabbannowaati. Qeesootu baalu Saadooqi sirchinni ilantino Leewaawootaati. Kaaliiqi albaanni uurrite soqqantara fajjinoonnisari insa calluwaho» yiie.

HIZIQEELI 43:19

Alba'yaanni uurrite anera soqqama dandiitannori Leewi ga're ikkitinori Saadooqi sirchinni ilantino qeesoota callaho. Ani Mootichu Kaaliiqi kuni coyi ikkanno gede hajajoommo. Cubbo agursiisate kakkaltanno gede insara 1 middicha aattonsa.

HIZIQEELI 44:10

Kaaliiqi, «Wolu Israeelete manni ledo xaadde ane gibbe kaphu maganna magansidhino Leewaawoota qorichisheemmo.

HIZIQEELI 44:12

Kayinnilla insa uminsa kaphu maganna magansi'rate wogara umire ikkatenni manna cubbu giddora eessitino daafira, qorichisheemmonsa gede, ani Mootichu Kaaliiqi xaareemmo.

HIZIQEELI 45:4

Qullaawa Mine Kaaliiqira soqqantara doorantino qeesootira badame gobbate giddo qullaawa qoqqowo ikkanno. Kunino, qeesootu heedhanno minnanna Qullaawu Minira hendoonni qoqqowo baala mitteenni amadanno.

HIZIQEELI 48:12

Kunnira, insara Leewaawootaho uyinoonni qeechira aante baxxitino baatto heedhansara hasiisanno. Hakku dargino baalunkunni roore qullaawa ikkanno.

LEEWAAWOOTA 8:35

Kaaliiqi hajajinore baala wonshitinanni, 7 barranna 7 hashsha wo'ma Dukkanu nafara keeshshe. Hatto assa hoogginiro kayinni reyitinanni. Tini baala Kaaliiqi hajajinoe hajajooti» yii.

UMI PHEEXIROOSI 5:4

Konne coye agadhitiniro, Qaru Allaalaanchi daanno yannara ba'annokkita ayirrinyu ba'latto adhitinanni.

YOHAANNIS AJUUJA 2:10

Amadahera noo qarra waajjitooti. Kuneeti, jifantinanni gede ki'ne giddonni mito mito Sheexaanu usuru minira eessa'neraati. Tonne barra qarra adhitinanni; reyote geeshsha ammanantinoonnire ikke; heeshshote ba'latto eemmo'ne.