HIZIQEELI 47:1 - Qullaawa Maxaafa

¹ Hakku manchi qole Qullaawu Minira e'nanniwa haa're massie. Qullaawu Minira e'nannihu hundinni buicho fulte, Qullaawu Minira albaanni soojjaati widira higge lolakkanni no. Qullaawu Minira wodiidinni ka'e, kakkallanni darga sa'e soojjaatira higge lolakkanni no.

HIZIQEELI 47:1 ပူးပေါင်းရင်းမြစ်များ

FAARSO 46:4

Maganu katamira, Wo'munkura Aliidihu hee'rannowa qullaawa darga, tashshi assannohu daadanno wayi no.

FAARSO 46:5

Kaaliiqi mereerosi noo daafira katamu dishafamanno; Kaaliiqi konne katama soodo balaxe kaa'lanno.

FAARSO 87:7

Mannuno, «Tsiyooni, ati atootinke baalu buichooti» yaanni faarsanno.

ISAYAASI 2:3

Kunnira lowo manni, «Seeru Tsiyooninni, Kaaliiqi qaalino Yerusaalametenni fulannona, amme Kaaliiqi Ilaala fullona. Qullaawu Yaiqoobi Magani Minira ha'nona; isino hedinore kulannonke; ninkeno isi doogo hinge ha'neemmo» yaanno.

ISAYAASI 30:25

Diini'nera goofo iillitanno yannara, jajjabba ilaallanninna gaarratenni bu'a lolakkanno'ne.

ISAYAASI 55:1

Kaaliiqi, «Ki'ne goodhinoonniri baalu wayinniwa amme! Woxu noo'nekkiri daggine calla hidhitine itte! Daggine mittoreno uyitinikkinni, woxiweello adonna woyinete xajje hidhe.

ERMIYAASI 2:13

Ki'ne manni'ya 2 cubbo loossinoonni; heeshshote buicho ikkoommoha ane agurtinoonnie; waa ki'annokkita foonfa balla u'mitinoonni» yii.

HIZIQEELI 40:6

Hakkunni gedensaanni, soojjaati ragaanni noo waalchiwa sae ha'ri. Dirima fule, e'nanni waalcho bikki; du'millisino 6 cigileeti.

HIZIQEELI 41:2

Hala'linye 5 qaafooti; guraanninna qiniiteenni noo xarra mitte mittenti du'mille 5 cigileeti. Kifileno bikkita seendille 20 qaafooti; hala'linye 10 qaafo ikkitu.

HIZIQEELI 46:24

Manchuno, «Tini baala Qullaawu Mini soqqamaano mannu kakkalote shiqishannore raissanno kifillaati» yiie.

HIZIQEELI 47:12

Lolahanno wayi qaccuwara guma intanni haqqe danu danunkunni no. Darono dimooltanno; laaltukkinni disa'anno. Qullaawu Mini hundinni lolahanno waa agganno daafira, aganu aganunkunni guma laaltanno. Tenne haqqe gumi sagale, daronsano mannaho xagicho ikkitanno» yiie.

HIZIQEELI 47:2

Hakku manchino, aliyye waalchi ragaanni Qullaawu Mini qoqqowinni fushshe, soojjaatoonni noo waalcho gaangeesse haa're ha'rie. Waalchoho wodiidi ragaanni shiima buicho daaddanni no.

IYUEELI 3:18

«Hatte yannara ilaalla baalanta, woyinete kaashshi guggushshanno. Gaarrate aanano lowo ado uyitanno saada hossanno. Yihudu baattora heedhanno lagga baalate, wayi wo'manno. Maganu Mini Qullaawu giddo buicho lolakkanno. Shixiimi Lagichano hayikkissanno.

ZAKKAARIYAASI 13:1

Olantote Mootichi Kaaliiqi, «Hatte yannara, Daawiti sirchonna Yerusaalamete manni cubbo, qoleno kaphu maganna magansi'ratenni battaawansanni keereensitanno buicho fa'nantanno.

ZAKKAARIYAASI 14:4

Hatte yannara, isi Yerusaalamete soojjaatoonni noohura Ejedhete Ilaali aana uurranno; hala'ladu lagichi Ejedhete Ilaala soojjaatinni galchimira hige ha're lamewa badanno; kunnira, daratu ilaali aliyyera, daratu ilaali qole wodiidira hige gatanno.

ZAKKAARIYAASI 14:8

Hakko barra, Yerusaalametenni haaru heeshshote wayi fule, taalootu Reyino Baari widira, taalootu Mediteraaniyu Baari widira hige lolahanno; arro hawado yiikkinni diro wo'ma lolahanni hee'ranno.

YOHAANNIS AJUUJA 22:1

Hakkunni gedensaanni sokkaasinchu Maganunna Ge'rechu barcimi ayirraduwiinni fulannoha hincilaallote gede xawannoha heeshshote wayi xashsho leellishie.

YOHAANNIS AJUUJA 22:17

Qullaawu Ayyaaninna idayicho, «Amo!» yitanno. Macciishshannohu baaluno, «Amo!» yoo. Goo'rinohu baalu dayo; hasi'rihu baalu heeshshote waa mittoreno baatikkinni calla adho.