HIZIQEELI 46:9 - Qullaawa Maxaafa

⁹ «Aye ayyaani barrano mannu ane Kaaliiqa magansi'rara daanno yannara, magansi're kaihu gedensaanni, aliyye waalchi ragaanni hige eihu, wodiidi waalchi widoonni hige fulona. Wodiidi waalchi widoonni eihu, aliyye waalchi widoonni hige fulona. Aye manchino eino waalchi widoonni hige ikkikkinni, albaanni noohu wolu waalchi widoonni hige fulona.

HIZIQEELI 46:9 ပူးပေါင်းရင်းမြစ်များ

FAARSO 84:7

Hakkiichira hadhanni heedhe, Jawaantete aana jawaante lexxitanno; magannate Maganono Tsiyooni marte la'anno.

FULO 34:23

Labbaahu baalu ane Israeelete Magano Kaaliiqa magansi'rate dirunni 3 hige shiqona.

HIZIQEELI 1:12

Mittu mittunku alba higge subbe hadhanni no. Raga baala ha'ranno woyite mittu mittunku kalaqami wirri yiikkinni ayyaanu ha'rannowa hige ha'ri.

HIZIQEELI 1:17

Tini shoolenti qale, shoolunku kalaqami ha'ranno raga baala doyitanno.

HIZIQEELI 36:38

Alba Yerusaalamete ayyaana ayirrinsanni barra, kakkalote shiqinshanni ge'reewi wo'mannonte gede, diigantino katammara mannu wo'manno. Hatte yannara, ani Kaaliiqa ikkoommota affanno» yii.

HIZIQEELI 40:24

Qoleno hakku manchi wodiidi waalchiwa haa're massie; hakkiichono wole waalcho afummo. Waalchu du'millinna e'nanni kifile hala'linyi wolootu ledo taaloho.

HIZIQEELI 44:24

Aye seeri giddono moronsiisanno coyi ka"anno yannara, qeesootu Seeri'ya garinni taashshitona. Seeri'yanna woga'ya garinni, amma'note ayyaanna ayirrissona. Fooliishshote Barra'ya qullaawa assite agadhitona.

HIZIQEELI 8:14

Kunnira, aliyye ragaanni noohuwa Qullaawu Mini huxxi waalchiwa haa're masse, Temuuzi yinannihu maganinsa reenna meentu wi'lanna leellishie.

MIKIYAASI 6:6

Ayirradu Kaaliiqira kumbuulammora maa haa're shiqo? Isira shilqote kakkalo ikkitanno gede doorroonni siitta haa're dayoni?

MILKIYAASI 4:4

«Siina Ilaali aana soqqamaanchi'ya Muse widoonni qole Israeelete manni baalaho oommo seera, woganna wodho qaagge.

MARRO 16:16

«Labballi'ne baalu dirunni sase hige, Mararrote Ayyaanira, Gide Gamba Assinanni Ayyaaniranna Daasu Ayyaanira, doodhanno dargira Magani'ne Kaaliiqi albira shiqqona. Aye manchino Kaaliiqi albira mulla anganni shiqoonke.

IBIRAAWOOTA 10:38

Keeraanchu kayinni amma'natenni heeshsho afi'ranno; badhe hige gatannoha kayinni, lubbo'ya dihagiidhitannosi» yine borreessinoonnihuraati.