HIZIQEELI 46:12 - Qullaawa Maxaafa

¹² «Roorre uyinoonnisi gashshaanchi, gudinse giirrannita ikkito, woy mittimmate kakkalo baxe umisinni Kaaliiqira aara hasi'riro, giddoyidi nafarchira e'nanniha soojjaati waalcho fannosina. Fushshaate Fooliishshote Barra shiqinshanni garinni oona; isi fule ha'rihu gedensaanni waalcho cunfona» yii.

HIZIQEELI 46:12 ပူးပေါင်းရင်းမြစ်များ

UMI MOOTOOLLA 3:4

Wo'munkunni rooru kakkalote gaari Gebaooni yinanniwa noo daafira, Selemooni mitto barra kakkalara hakkiichira ha'ri. Hakkunnira albaannino hakkiicho 1,000 saada shilqote kakkalora gorrino.

UMI DUDUWO 29:21

Layinki soodo lowo saada gorrite Kaaliiqira kakkalo shiqishshu. Hakkunni gedensaanni mannu itanno gede uyitu. Qolteno 1,000 bootta, 1,000 ge'reewu goccanna 1,000 ge'reewu wilii'le gorrite gudinse shilqinshanni kakkalo assite shiqishshu; woyinete xajjeno fushshaate assite shiqishshu.

LAYINKI DUDUWO 29:31

Hiziqiyaasi manna, «Xa ki'nenee Kaaliiqira qullaawoota assitinoonni daafira, Kaaliiqira galatu kakkalo'ne haadhine Qullaawu Minira abbe!» yiinsa. Insano yiinonsa gede assitu. Insa giddonni mittu mittu shilqote kakkalora ikkitanno saada hagiidhinohu baalu haa're abbi.

LAYINKI DUDUWO 5:6

Selemooninna ledosi noo manni baalu Taabootaho albaanni gamba yite, kiirre fullannikki ge'reewonna lalo gorrite kakkaltu.

IZIRA 1:4

Qafadotenni gobbansa higgara hasidhannore baala heedhanno ollii kaa'le birranna culka, wole uduunneno ikko hogowi saada, hattono Yerusaalamete Maganu Minira fushshaate assite uyidhannore baala oonsana» yii.

IZIRA 3:5

Hakkunni gedensaanni, rosantinota shilqote kakkalo, Aganu Leellanno Ayyaani kakkalo, wole Kaaliiqi ayyaannara shiqqannotanna banxe Kaaliiqira uyinanni fushshaate haadhe shiqishshu.

IZIRA 6:17

Minu maassora 100 middo, 200 ge'reewu goccanna 400 aja ge'reewu gocca uyitu. Israeele cubbo agursiisate kakkalora 12 meu gocca mitte mittente Israeelete ga're su'minni shiqishshu.

HIZIQEELI 44:1

Hakku manchino Qullaawu Mini qoqqowira soojjaati ragaanni noohuwa gobbayidi waalchira haa're massie; waalchuno cufame no.

HIZIQEELI 44:3

Ikkirono, gosate gashshaanni kakkalote sagale itate hakkiicho ofollara dandaanno. E'nanniwa noo kifile widoonni hige eanna fula dandaanno» yiie.

HIZIQEELI 45:17

Gashshaanchu loosino aane nooho: Shilqote kakkalora ikkitanno saada, gidu fushshaatenna woyinete fushshaate Israeelete mannira Aganu Leellanno Ayyaanira, Fooliishshote Barranna wole ayyaanna barra qixxeessanno. Hattono Israeelete manni cubbo agursiisate, kakkalote ikkitannotanna gudinse giirrannita mittimmate kakkalo shiqishanno» yiie.

HIZIQEELI 46:8

Gashshaanchu konne baala assihu gedensaanni, waalchu mule nootenni hala'lado kifilenni fule, eino waalchi widoonni hige ha'rona.

LEEWAAWOOTA 1:3

«Shilqote kakkalora shiqishanno fushshaati lalunniha ikkiro, ani adheemmo gede, muso afi'rinokkiricho Xaadu Dukkani nafarira haa're abbona.

LEEWAAWOOTA 23:38

Tini ayyaanna rosamino Barri Fooliishshonnihu aana leddine ayirrissinannite; afanshuno xano'nenna baxxine uyitinanni afanshi aana leddine uyitinanniho.

LEEWAAWOOTA 7:16

«Shiqinshanni kakkalo xanonnita ikkituro, woy banxe shiqinshannita ikkituro, hakko barra intona; woy gatturo layinki barra intona.

KIIRO 29:39

«Xa'nitinoonni xanora uyitinannihu woy baxxine uyitinanni fushshaati aana kulloonni'ne ayyaannara kore baala ane Kaaliiqira shiqishshe. Kuri shilqote kakkalo, gidu fushshaate, agattote fushshaateetinna mittimmate kakkalooti yiinsa» yiisi.

ROOMU SOKKA 12:1

Xa roduuwa'ya, mannimma'ne lubbotenni noo kakkalo gede, Magano hagiirsiissannotanna qullaawa assitine shiqishshinara huucci'reemmo'ne. Hatto assa hasiissanno'nehu, Maganu maaro uyino'ne daafiraati. Magano magansi'nanniti halaalaancho doogo hattenneeti.

EFESOONI SOKKA 5:2

Kiristoosi baxinonkenna Maganoho tanni yite su'niitanno kakkalo asse umosi ninke daafira sayise uyinonte gede, ki'neno baxillunni heedhe.